السلام عليكم كيف الحال انا طالب جامعة برياض تنصحوني ب النترا 2015 او ربع باترول 4500 2007-2009 علماً بأني ابغاها سيارة اقتصادية مناسبه وزينه بالخط ولا هي اعطالها واجد فيه ناس يقولون الباترول اعطاله واجد ويخرب بسرعةمواضيع قد تعجبك
السلام عليكم كيف الحال انا طالب جامعة برياض تنصحوني ب النترا 2015 او ربع باترول 4500 2007-2009 علماً بأني ابغاها سيارة اقتصادية مناسبه وزينه بالخط ولا هي اعطالها واجد فيه ناس يقولون الباترول اعطاله واجد ويخرب بسرعةمواضيع قد تعجبك
.معقولة محد رد
هلا اخوي مرحبا الف فيك اخوي انت تبغى السياره للجامعه والبيت ولا انت من هوات البر ماحددت اختيارك
وعليكم السلام
حقيقة اخوي انت شكلك محتار بين سيارة مدنية حقت شوارع وأقتصادية فقط أو بين سيارة متعددة الاستخدامات
الباترول اولا شيء مو اقتصادي اذا تم مقارنته بالالنترا واعتقد انك تعرف ذلك
هل من ضمن متعتك الخروج للبر؟ تحب التطعيس؟ والكشتات؟ هل معدل خروجك لهذي الاماكن يعتبر فوق المتوسط؟
اذا كانت الاجابة بنعم فما ألومك بحيرتك فأن تريد سيارة متعددة الاستخدامات لكن قد لا تتوقع ان تستطيع تحمل تكاليفها ومصاريف الوقود لها, بالاخص اذا كنت راح تعتمد على المكافئات فقط
ليس لدي خبرة كبيرة في الباترول إلا أن فيه اعتمادي لكن ممكن فيه حقة من الاعطال (على اني اذا سمعت عن الاعطال اسمها اكثر في الفتك ولا ادري هل هو خاص لمحرك الفتك فقط أم عام للباترول الجيل السابق بشكل عام) لكن ليس دائما ودامك راح تطلع في البر وراح تكرفه فثق تماما أن تكاليف صيانته الدورية ستكون اعلى بكثير من سيارة لا تقودها إلا في الشارع فقط
فالمساعدات والكفرات راح تغيرها بشكل أكثر في الباترول مقارنة بالالنترا وطبعا بتكاليف اعلى
راح اعطيك انطباعي الشخصي بتجاربي بحكم أن الفترة الاخيرة كلها جيوب وهو ان استخدام الجيب في المدينة ممتع جدا ومريح نفسياً مع الي ماتعرف تسوق وايضا يعطيك مدى أبعد في النظر في الزحمة فهذي مريحة جدا وميزة قوية في اي سيارة مرتفعة مقارنة بسيارات السيدان وطبعا اذا ماتطلع البر واجد بتقل الصيانات الدورية في جيوب اذا ماكانت فيها اعطال متكررة أو تم حلها حلول مؤقته
بإمكان تمر ورشة في الصناعية القديمة دامك بالرياض أسمها "ورشة باترول" وكذلك ورشة "المحرك الافضل" هذي الورشتين أختصاص باترول سواء الجديد أو القديم عموما لا تنصدم اذا شفت الباترول مليان فيها فهذا مو معناه انه ردئي لكن لانه الوحيد والمختصص في صيانة الباترول فقط وأسئل اصحاب الورش أو اصحاب السيارات عنها اذا حصلت احد فيها ووش اكثر الاعطال المتكررة فيها وفرق اعتمادية 4500 عن 4800
عن نفسي ان كنت لا تعتمد على مصدر مكافئة الجامعة كمصروفك بكل شيء حتى بالسيارة فقد لا ارى اي مشكلة من شراء الباترول لكن ان كنت تعتمد على مصدر المكافئة فقط فقد اقول انك تضيق على نفسك وليس من الجيد فعل ذلك دامك لسه ببداية حياتك
انا معي باترول لكن الجيل الجديد Y62 ولا اعرف الكثير عن جيل الباترول الي يسمى بالفتك Y61
هلا اخوي انا معي باترول الفتك موديله 2002 وهذي السنه راح يكمل عامه 16 سنه خدمه وعدا المليون كيلومتر الان هو حوالي 177الف بعد المليون ولله الحمد ماتغير فيه شي غير القطع الاستهلاكيه وقبل الحج انا كنت في جده في مهمة عمل شيكت عليه وغيرت له طقم الكلتش وغيرت اقمشة الفرامل ودينمو الكهرباء والسيور وراس الرديتر جديد وغيرت له طقم كفرات يوكوهاما من الجميح التكلفه حوالي 6الاف ريال مع اجور اليد العامله لاني بغيت اوديه الوكيل العيسى طلب مبالغ مرتفعه للصيانه فهونت
ووديته الصناعيه في جده واشتريت قطع الغيار من الموزعين لانهم ارخص بكثير بفرق 30% هذا للتوضيح والسياره سوبر سفاري قير عادي وان شاء الله انزل موضوع عنها واذا انت تبغى سياره مرتفعه قريبه من الالنترا عندك التوسان او الراف فور
الخيارين عندك شرق وغرب وبينهما احتمالات كثيرة جدًا، يحكمك أولًا الميزانية العامة وتشمل قيمة السيارة والصيانة ومصاريف البنزين والزيوت.
إذا كان عندك دخل آخر غير المكافأة وشخص تنزل للبر كثير فخذ باترول مع الأخذ بعين الاعتبار صرفية البنزين المرتفعة والصيانة بحكم قدم الموديل.
أما إذا كانت ميزانيتك منخفضة الإلنترا خيار ممتاز جدا واقتصادية وموديل حديث ما يطلب قطع غيار
و إذا كنت هاوي للبر ولكن ميزانيتك منخفضة عندك سوزوكي جمني جيب صغير وجبار جدًا وسعره رخيص للغاية.
كل الاخوان علقوا وخياراتهم جدا جميلة
اذا تبي سيارة اقتصادية ومرتفعة وسعرها معقول ونفس سعر النترا خذ هيونداي كريتا
السيارة حققت انتشار قوي سعرها معقول ومواصفاتها لابأس فيها
محركها 1.6 اعتقد قوته 123 او 132 حصان ماني متعمق فيها
مساحة وشنطة ومكيف خلفي اذا تبيها لاهل وسعرها معقول
موفق
.
.
.
تبي رايي ،
ما دام انك طالب جامعة ولست موظف ، اذا افضل خيار مع رؤية 2030 وخطة رفع اسعار البترول المستقبلية ،
كل الخيارات تقول اخذ اي سيارة محركها اربعة سلندر فقط فقط ،
تحياتي