ما ادري ليش مكبر السالفة انها مكينة خياطة!
اشوف الصوت مو مزعج وما اعتقد احد بيسوي كذا طوال الوقت إلا الي بيتسارع من 0 إلى سرعات عالية جدا أو بيتقاوم فقط وتضل قليل جدا ومتهور من بيسوق طوال الوقت بهذي الطريقة
أنا راضي اشتري نيسان أو هوندا أو سوبارو بهذا القير!
الي مو عاجبه يحول ويحصر نفسه على تويوتا أو مازدا أو ميتسوبيشي أو سوزوكي فمازالت بعض السيارات بالقير التقليدي بالفترة الحالية كياباني
العيوب الفردية امر وارد في اي صناعة ولكن هذا لايعني ان الناقل يحوي مشكلة مستفحلة
انا املك نيسان ماكسيما موديل 2010 منذ عام 2009 واكملت الان معي اكثر من 7 سنوات ماشاء الله دون وجود اي مشاكل في القير
اما ادعاء ان مبيعات نيسان انخفضت بسبب الناقل فهي غير صحيحة على الاطلاق فمبيعات نيسان لم تكن يوماً من الايام كمبيعاتها هذه الايام .. بل هي الان وصلت لمبيعات قياسية لم تصلها قط منذ تأسيسها واغلب سياراتها بناقل cvt
نتكلم فقط عن امريكا ومبيعات سيارات نيسان من اجمالي مبيعاتها فقط في الشهر الماضي
نيسان باعت اجمالاً 152,700 سيارة تقريباً .. اكثر من 122,0000 سيارة قيرها cvt .. يعني حوالي 80% من مبيعاتها cvt
كل منتج ممكن تحصل فيه عيوب تصنيعية .. السي في تي قد تواجه البعض المحدود فيه مشاكل فيه كاي منتج اخر ولكن هذا لايعني خلل عام في نظام الناقل .. يعني شي غريب ان يدخل في تصور البعض ان الشركة تبيع 80% من سياراتها بقير فيه مشاكل وعيوب والمفارقة ان المبيعات في تزايد مضطرد
الله يعينك أخوي ويعوضك خير
هذا عيب مصنعي ويتصلح على حساب الشركة
ولا تدفع ريال واحد، وإذا رفضوا راسل وزارة التجارة، ومابيقصرون معك إن شاء الله.
بس أهم شي لانتبه لا يلعبون عليك ويجبرونك تدفع
وممكن بعد إذا مانفع راسل نيسان الشرق الأوسط
الزبدة هذا حق من حقوقك لا تتنازل عنه
الله يوفقك وييسر أمرك
لا مكبر السالفة ولا شي .يابو اسد مجرد تبادل اراء انت عندك استعداد تشتري سيارة فيها قير cvt انا احترم وجهة نظرك ...
لكن نعطي كل شي حقة ننتقد ونقول رأينا
لأن اللي منزل فيديو ماشي بسيارتة بهدوء شديد ويقول مافية اصوات حنة للقير قاعد يستهبل علينا ويحش في العالم بأسلوب صبياني ..الناس تفهم وتشوف لا يستغفلهم
هذا المنتدى لتبادل الاراء والاستفادة مو عشان كل واحد يمدح سيارتة
لا تخلط الاوراق ... نيسان من اواخر ٢٠١٢ وهي تكاد تكون بدون وكيل فلا تقارنها بالمنفاسات لان وضعهم مختلف من ناحية الوكلاء ..
عشان يكون الحكم منطقي لازم تنظر الى السوق الامريكي لان ظروف الوكلاء متساوية وهنا تعرف ان الاكورد والكامري والالتيما مبيعاتهم متقاربة، والسوناتا بعدهم بفرق، واما المازدا ٦ فخارج الحسبة لان مبيعاتها حدا ضعيفة مقارنة باليابانيات الثلاث.