استفسار " اعطال السياره "

[ام باسل]

السلام عليكم ورحمه الله ..
الاخوه الكرام ..
اختكم ب الله اشترت سياره وكاله لسواق قبل سنتين " آنوڤا ڤان " 2014
طبعا صدم فيها وتصليحها ماكان وكاله كان بورشه عاديه ..
ولما استلمتها مافحصت ولا شيء ..

حاليا معناه مع السياره ولما ارسل السواق للورش اشوف مبالغ ع شيء مايسوى لما اسمع احد يقول اصلح الشيء ب 40 ويوم ارسل السواق يسال يطلع لي ب 200 والا
300


انا ودي تدلوني ع ورشه تحدد لي اعطال السياره ايش ب الضبط ؟

وعندي مشكله ب الفرامل تقريبا كل شهرين ادفع 700 ع فحمات وقماشات واللي سمعته ان الفحمات اذا مسكت فرامل وطلع صوت هنا خراب لكن هو يمسك فرامل عادي الصوت يطلع اذا شغل السياره ولف يمين ب اول مره بس ،

ف الله يعافيكم " ابغى ورشه تحدد لي العطل وتحدد قطع الغيار ايش ب الضبط " وتكون بسعر معقول ..

مع وصف المكان ،

وجزيتم خيراً ..

[ACTION]

السلام عليكم
من رأيي ترسلينه لورشة أسمها (مركز العضيب) ولها فروع عدة في الرياض على الطرق الرئيسية، اذا انتي ساكنه في شمال الرياض، وصفه، طريق الملك عبدالعزيز قبل بنده ، حي المصيف، عندهم قطع غيار وكالة ومركز مأمون بإذن الله والأمان بيد الله سبحانه،
انصحك توصين السواق يقولهم ي يسوون كشف كامل بتغيير جميع القطع، وراح يتصلوا بعد الكشف ويقولوا تكلفة القطع كم وشغل اليد، وخليهم يعطونك فواتير بالقطع، وفاتورة بشغل اليد مختمة وموقعه، علشان وزارة التجارة تشترط ذلك، علشان الضمان، أسأل الله لكم التوفيق.

[formula one]

وعليكم السلام ورحمة الله وبركاته
حياكم الله اختي الفاضلة
ارجوا من جنابكم الكريم ان توضحي للاخوة الكرام موقع السكن لكي يتسنى لهم توجيهك الى ورشة قريبة من مكان السكن .
من فضلك تابعي ردود باقي الاخوة الكرام
بارك الله فيك
بالتوفيق

[ام باسل]

السلام عليكم
من رأيي ترسلينه لورشة أسمها (مركز العضيب) ولها فروع عدة في الرياض على الطرق الرئيسية، اذا انتي ساكنه في شمال الرياض، وصفه، طريق الملك عبدالعزيز قبل بنده ، حي المصيف، عندهم قطع غيار وكالة ومركز مأمون بإذن الله والأمان بيد الله سبحانه،
انصحك توصين السواق يقولهم ي يسوون كشف كامل بتغيير جميع القطع، وراح يتصلوا بعد الكشف ويقولوا تكلفة القطع كم وشغل اليد، وخليهم يعطونك فواتير بالقطع، وفاتورة بشغل اليد مختمة وموقعه، علشان وزارة التجارة تشترط ذلك، علشان الضمان، أسأل الله لكم التوفيق.

وعليكم السلام ورحمه الله ..
يعطيك العافيه وجزاك الله خير ..

[ام باسل]

وعليكم السلام ورحمة الله وبركاته
حياكم الله اختي الفاضلة
ارجوا من جنابكم الكريم ان توضحي للاخوة الكرام موقع السكن لكي يتسنى لهم توجيهك الى ورشة قريبة من مكان السكن .
من فضلك تابعي ردود باقي الاخوة الكرام
بارك الله فيك
بالتوفيق

ان شاء الله ..
السكن شمال و شرق الرياض ،

[formula one]

أرجوا من استاذي العزيز ( مركز جوانا ) بارك الله فيه, التفضل بابداء النصيحة بهذا الخصوص
جزيل الشكر
اخوك

[مركز جوانا]

الامر فيه الكثير من الاحراج وقد اوصى احد الاخوه
ولي تحفظي في التوصيه
لاباس في ابدا رائي ع الخاص ان حب السائل ذلك
دمتم جميعا بخير

[formula one]

لا حرج ان شاء الله استاذي الفاضل
قد تكون هنالك اختلافات في وجهات النظر وطريقة التقييم , ولكننا نطرح توصيات الاخوة جميعا بارك الله فيك وفيهم اجمعين , والأمر يعود للأخت الكريمة في النظر في الخيارات المتاحة امامها .
جزيل الشكر لك , والشكر موصول الى اخي العزيز ( ACTION ) , جزاكم الله خير الجزاء .
تحياتي