بسم الله الرحمن الرحيم
السلام عليكم ورحمة الله
اعتذر اولا لعدم وجود صور اعتقد خاني التعبير للاسف في حفظها وطارت لذلك ساكتفي بالانطباع فقط
زرت قبل اسبوع تقريبا صالة لكزس الكبرى الواقعه ع الدائري الشمالي بعد طول انتظار للفرصة المناسبة
شغل جبار من لكزس مارايت مثله فعلا في شركات فاخرة اخرى
بعيدا عن السيارات المعروضه وباتكلم عن هالناحية ..الصالة كبيرة وخدمات الصيانة العملاء بشكل عام فعلا خدمات راقية تحرج المنافسين..!
كنت اتمنى من فترة انعزال صالات لكزس عن تويوتا بشكل تام وهذي بدايتها ان شاء الله
طبيعة الحال ..مافيه شي كامل من صنع البشر لذلك لدي بعض التعليقات الي متفائل انها راح تتحسن قريبا
1- السيارات المعروضة قليلة ...!
RC و RCF و GSF مالهم اي حضور !
يعني انت داخل للمعرض متحمس مع فئات رياضية بتتحطم كثير !
2- لايوجد قسم للطلب الخاص !
من يتابع السيارات الاوروبية سيفهم مااقصده
يعني ان تشتري لكزس مثل ماتشتري اي سيارة ثانية مالك الا خيارات الوكالة فقط
يعني ماتعطيهم خيارات لك شخصيا يوفرونها
او انا ختار المواصفات الي ابغاها والغي بعضها ..الخ
3- و ش اعجبني ووش الي لي عليه ؟
افضل سيارات تستحق المبلغ في لكزس :
LS طبعا و GS والLX رغم تحفظي ع عدة اشياء فيه و RCF.
باقي السيارات
لازالت تحتاج الى تطوير واظهارها بشكل لائق اكثر ..ES لااعترف فيها ابدا
كامري شيوخ ..كامري اندفجول ...هذي السيارة تناسبها هالمسميات اكثر !
سعرها قرابة 200 الف لاعلى فئة هو اكبر نكتة في التاريخ والي حاب يوفر عنده افالون ليمتد
للعلم المواد المستخدمة في الجي اس وتشطيباتها ارقى وافضل بكثير ..متشابهين كتصميم والا الاحساس مختلف ع الواقع
LX الموديل القديم مااعجبني كثير فكان قريب للاند كروزر بشكل كبير
الجديد ايضا لازال قريب ولكن مفهوم الفخامة تحسن بشكل كبير فعلا مركبه فخم وماينظلم من هالناحية مع تحفظي المستمر ع عدة اشياء
لاابواب شفط ..لا مساج ..لا محرك قوي ع هالوزن الثقيل ..[التالي سعره بيكون غالي لو ركزنا ع هالامور !
يحتاج لمزيد من التطوير والابتعاد اكثر عن الاندكروزر واعتقد الامال اكثر مع الجيل القادم
علامة F بداية موفقة للكزس
4- وين تشوفها كعلامة فاخرة بعد الانطباع العام ؟
صراحتا تعجبني هالشركة في نواحي والانصاف واجب
ولاتعجبني في نواحي ايضا
لو القيت نظرة عالاوروبي قليلا وخصوصا بي ام دبليو ومرسيدس
حتما ساجد فارق عظيم لصالح مرسديس وبي ام دبليو
توفير المواصفات الدنيا الى المتوسطة الى الاعلى ..الى ان تصل لسيارة فاخرة جدا يتقنه الاوروبي باحترافية تامة ! بالتاكيد المبالغ الباهضة تلعب دور
ايضا تميز الاوروبي اكثر في القسم الاكثر فخامة او الرياضي
تجد لدى مرسيدس برابوس و AMG ولدى بي ام ام بور والبينا
لكن العملانية ليست من صالحهم تماما والجميع يعرف علة الاوروبي او سلبيته
الخلاصة ..هي نجحت في المنافسة الى حد معين ..والباقي بالتاكيد يحتاج مزيدا من الخبرة والتطوير
فهذه الشركات لها 100 عام من الخبرة كمرسيدس !
خياري من لكزس بالتاكيد سيكون بعد الاوروبي
ممكن LS القادمة تغير نظرتي مثل LC 500 ..واعتقد والله اعلم في الاجيال القادمة لكل الفئات سترتقي لكزس
لمفهوم اخر من ناحية التصاميم والفخامة
لكن اتكلم عن الجيل الحالي الي اشوفه
نقطة انصاف : معطيات لكزس واصرارها عالمنافسة وخدمات مابعد البيع هو مايعطي التفاؤل اكثر لمستقبلها اكثر من باقي الشركات الغير اوروبية
الاخرى
لاادخل الكوري في الموضوع ..اتكلم عن الي شق طريقة بنفسه بعيدا عن الاستعانة بالغير
رايي شخصي وانطباع شخصي بعيدا عن انطباع القنوات واليوتيوب
واعتذر مجددا من عدم توفر الصور
الكلام كثير لكن حبيت اركز ع النقاط المهمة
تحيتي للجميعمواضيع قد تعجبك