الشمعة جديدة وماصار لها يومين بس نورها مصفر وضعيف وانا والله مركبها في الوكالة اصلي
سيارة ممتازة
جيدة جدا
ليست بالمستوى المطلوب
الشمعة جديدة وماصار لها يومين بس نورها مصفر وضعيف وانا والله مركبها في الوكالة اصلي
لا ياخوي LS مايجي زينون
كيف اعرف درجة النور اللي عندي
في العاده ما يكتبون ..
اكتفي بالواط W
و تكون اللمبتين نفس الشركه .
التعديل الأخير تم بواسطة يا رب رحمتك ; 28-10-2016 الساعة 03:16 PM
يطولي عمرك اخوي
السلام عليكم ..
بقولكم سالفتي مع سيارتي .. انا من سكان الخبر وشريتها من الجميح واقرب فرع صيانه لي هو الجميح الي بصناعية ركاز .. كل ما اودي لهم السياره لازم بكل مره اتضارب مع الفني الله يصلحه والمشكله بكل مره ما يستلمها الا هو ... اول مشكله الكراسي الاماميه تفككت خياطتها والسياره ما كملت 4 شهور وبعد مسند الراس تفكك .. كلام طالع نازل مع الفني لين ما رفعها ل GM و وافقو على تغيير الكراسي على حسابهم .. طبعا ها الكلام له شهرين وللحين ما غيرتها .. اشتكيت ع الفني عند الجميح وزعل الرجال ( عساه ما يرضى ) ..
تحسب الموضوع خلص لا باقي ما قلتلكم عن المصيبه الاكبر ..
جا وقت الصيانه 20000 و وديتها للجميح والعناد راكب راسي واسلمها نفس الفني الي متضارب معاه ( عناد الموضوع ) طبعا اطلبه بالاسم ولازم كالعاده مضاربه بيني وبينه ..
السياره قعدت عندهم يوم كامل للصيانه .. طبعا السياره فيها دقشه خفيفه بالقزازه الاماميه ( من الحصى والطريق ) جيت استلمها قالو لي فيه كسر بالقزازه الاماميه ( على بالي الدقشه البسيطه القديمه ) واستلمت السياره الا القزازه صايره فيها شجره من جهة الراكب للنص ( كسروها الله لا يوفقهم ) ..
انا هنا جلست ادور ع الفني وعيوني كلها شر ومن حظه الرجال مستأذن ( مستلم السياره من مديرهم ) رجعت للمدير وريته السياره حاول انه يحطها براسي انها امتداد من الدقشه القديمه وكان ردي الي ذبحه ( مافي امتداد بيوم وليله ) والي شفع لي اكثر وخل الموضوع لصالحي الورقه الصفراء الي استلمتها يوم سلمتهم السياره وفيها ان السياره سليمه ...
طلعت لمدير الفرع ( هندي ) وكان بقمة الادب واللباقه والحمدلله رفعوا الاوراق للتأمين ( تأمين الورشه ) وجات الموافقه والحمدلله غيروا القزازه ( رب ضارة نافعه ) ..
نرجع للموظف القذر بأخلاقه واسلوبه دق علي اليوم الي بعده يعتذر لي وووو وقلت له خير ان شاء الله ما امداه سكر واحلى شكوه ..
اللحين ودي اشتكيهم عند GM DUBAI بس كيف الطريقه