السلام عليكم ورحمه الله وبركاته
تحية عالجميع دون استثناء
طبعاً ... لدي تاهو موديل 2013م ... وبصراحة انا مبسوط معاه
بس ساعات احســـه يمزح معي مزح غريب جداً
مثلاً في الشتاء الماضي في وسط المطر ... ولعت لمبة المكينة عندي
قلت : الله يستر ...
ثاني يوم شغلت السيارة شفتها غير موجودة المبة
قلت : الحمد الله رب العالمين
رغم انني كنت مواظب على الصيانة الدورية في الوكالة
قبل أسبوعين تقريباً ... كنت رايح الكويت ، وفي احد محطات الخفجي
عبيت بنزين ... وبعد الانتهاء من التعبئة السيارة
انتفضت المكينة بشكل غريب جداً
ولاحظت على طبلون السيارة ظهور اكثر من 3 لمبة ... او ثلاث لمبات بالضبط
وهي
1-لمبة المكينة
2-لمبة مانع الانزلاق
3-ولمبة كأنها فانوس تبع مارد علاء الدين
طبعاً : انا جاني مغص ... لانني بصراحة مو ناقص أي خراب او أي ابتلاء في هالوقت ، لان اهلي كانوا معي
طبعاً رحت في نفس المحطة ...الى بنشري يماني ، قلت يمكن عنده خبـره
قام يحك راسه وقال / بدل زيت مع فلتر هواء ... ويروحوا اللمبات
طبعاً ... قلت له : توكل على الله ، اللمبة مالها علاقة بالزيت ... ارجو لا تفتي إلا بعلم
ورحت عن اليماني ... ومو عارف وش أسوووي
ووقفت بالسيارة في مكان ظله لمدة 10 دقائق ...
خفت انتفاضة تماما ، واللمبات المضئية اختفت من الطبلون
وكملت مشواري للكويت
طبعاً ... هل انتهت القصة ، بالطبع لا
قبل أربعة أيام ظهرت لي (لمبة المكينه) .... بعدها بيومين اختفت
واليوم ظهرت لي مجدداً ... بعد ما غيرت الزيت مع فلتر الهواء والزيت ، وغيرت كمان البواجي
طبعاً ... اللمبة مازالت موجودة
قمت اعدت برمجة الكمبيوتر بعد ما فصل المكينة وسووويت حركة إعادة البرمجة
ولما شغلت السيارة ... راحت اللمبة
وانا بصراحة ... ما ادري ، ويش سالفة هذه اللمبة
أتوقع صرت لا اطيق صبراً ان أرى اللمبة مضئية.
هل ممكن احد يفسر لي ... ويش السالفة ؟
وايش الحل ؟