توكيلات الجزيرة ترفض الالتزام بضمان البطارية بالصور

[RR_PHANTOM]

توكيلات الجزيرة و صيانتها التعبانة في كل مره يطلع موظفينها اعذار و انظمة لا تمت للواقع بصله
تعطلت سيارتي اكسبلورر 2013 يوم الخميس بعد ما قفلوا صيانتهم و انتظرت ليوم السبت و اخذتها لهم للفحص لانه ما طرى على بالي ان العطل البطاريه اللي ما كملت سنة
اول شي قالي الموظف سيارتك ماشيه فوق 60000 الف بشوي و طلعت من الضمان!!! طيب و الضمان الممدد اللي تقولون عليه و اللي هو اصلا سبب شرائي لفورد "ضمان ممدد بعد 60 الف ل 200 الف كيلو او 5 سنوات" قالي "الضمان الممدد على المكينه و القير و الدفرنس"!! طبعا ما قدرت احاجه لان دفتر الضمان الممدد في البيت و قالي ان فحص السياره بيكلف 220 ريال و اذا صلحتها عندهم ما ادفعها
في نفس اليوم اتصلوا علي و قالوا العطل من البطارية و سعرها 860 ريال... طيب البطاريه عليها ضمان!!! قالوا سنه او 20000 الف كيلو... اوكي ماكملت سنه ولا 20000 الف ... قالوا ماهوب مسجل العداد في الفاتورة و السنه تبداء من تاريخ شراء المكان اللي شريتها منه انا!!! "انا شاريها من محل بطاريات و كفرات"
دفعت الفلوس و استملت السياره و طلعت اتصلت على التجارة و اشتكيتهم و هم كل يوم يماطلون مع التجاره ,,,, مره السيارة ماشيه فوق 60 الف و مره شاريها من برا و لي اسبوعين على هالوضع
و بخصوص الضمان الممدد اخذت الدفتر و رحت الصيانه و قلت له طلع لي وين مكتوب ان الضمان مكتوب على المكينه و القير و الدفرنس؟ و قلب في الدفتر ولا لقى الكلام اللي يقوله و بعدها قالي وش المشكله في سيارتك!!!! قلت له مافيه مشكله بس كنت بدفع 220 ريال على فحص .. قالي كذا الشركه قالوا لنا!!!
انتبهوا منهم يا ملاك فورد دفتر الضمان الممدد خلوه معكم ديما و اذا رفضوا الاعتراف به خله يقراء الدفتر و يثبت لكم


















free image hosting

مواضيع قد تعجبك

  شيفروليه تتحدى تسلا بسيارة كروس أوفر مميزة

  هل تمهد كرايسلر لـ 300 هيلكات ؟

  Lucid تكشف عن Lucid Air كأقوى السيارات وأكثرها تطورا!

  فيديو: مراجعة فورد توروس 2023 المواصفات والمميزات والعيوب والأسعار

  Dodge الأمريكية تكشف عن مركبتها الجديدة التي جمعت معايير الجمال والقوة والحداثة بنفس

  لينكون زفير 2022 ، النسخة الفاخرة من فورد توروس

  طراز لينكون L100 يُمهّد الطريق لرؤية العلامة التجارية المستقبلية ويستكشف مساحة التنقل

  مباشر : دودج تشارجر و تشالنجر كونسيبت 2024

  تسلا مصدومة بعد اخبار عن شراكة عملاقة بين مرسيدس وكاتل الصينية لدعم صناعة السيارات

  تجربتي المصورة فورد توروس 2023

[speeed1]

ضمان المصنع من فورد دولي يشمل حتى المستورد من امريكا هو 3 سنوات او 64 الف كيلو

ضمان توكيلات الجزيزرة المدد عن طريق شركة تقدم خدمات الضمان على المكينة و القير و الدفرنس 5 سنوات او 200 الف و ملزم بالصيانة الدورية لانه عقد غير ضمان المصنع

فيه قطع تكون خارج الضمان او لها ضمان خاص

مثل الاكسسوارات و الكفرات و منها البطارية تختلف من شركة لشركة

وموضحة بكتالوج السيارة

وضمان البطارية اذا اشتريتها من معرض سيارات يكون من تاريخ بيع السيارة من الوكالة للمعرض

اما اذا من الوكالة يكون تاريخ شرائك لها

بصراحة حسب فهمي لشرحك للموضوع مافيه اي شي على الوكيل

[RR_PHANTOM]

مثل ماهو موضح لك تاريخ صناعة البطاية شهر 6 سنه 2015 و الصيانه رفضوا استبدالها هذي هي المشكله
و النسبه للضمان الممدد انا شاري السياره جديده من التوكيلات و شاري فوقها صيانه حتى 120 الف كيلو

ضمان المصنع من فورد دولي يشمل حتى المستورد من امريكا هو 3 سنوات او 64 الف كيلو

ضمان توكيلات الجزيزرة المدد عن طريق شركة تقدم خدمات الضمان على المكينة و القير و الدفرنس 5 سنوات او 200 الف و ملزم بالصيانة الدورية لانه عقد غير ضمان المصنع

فيه قطع تكون خارج الضمان او لها ضمان خاص

مثل الاكسسوارات و الكفرات و منها البطارية تختلف من شركة لشركة

وموضحة بكتالوج السيارة

وضمان البطارية اذا اشتريتها من معرض سيارات يكون من تاريخ بيع السيارة من الوكالة للمعرض

اما اذا من الوكالة يكون تاريخ شرائك لها

بصراحة حسب فهمي لشرحك للموضوع مافيه اي شي على الوكيل

[MAGNUM_62]

حياك الله أخوي

غريبة
تواصل مع إدارة فورد

المشكلة ان لكل فرع مزاجه الخاص

والله يعينك عليهم

بخصوص الضمان

سيارتي كان عليها عرض,ضمانها إلى 60 ألف كيلو شامل كل القطع عدى الإستهلاكية,ومن 60 إلى 100 الف ضمان المصنع(المحركات)

إنتهى الضمان وما إستفدت منه الحمدلله
وتوني مغير البطارية الشهر الي فات والسيارة ماشية 114 الف وقيمتها 750 ريال ضمان سنة على الفاتورة من الوكالة 750 امبير

[price]

السلام عليكم

اللي فهمته من كلامك انك مغير البطارية من محل

لذلك خصيمك هو المحل نفسه أو وكيل البطاريات وليس الوكالة

[يا رب رحمتك]

السلام عليكم

اللي فهمته من كلامك انك مغير البطارية من محل

لذلك خصيمك هو المحل نفسه أو وكيل البطاريات وليس الوكالة

على حسب ..
احيانا يكون المحل هو اللي يضمنها لك ..
لكن احيانا مجرد نقطه بيع
و الضمان موجود لكن على الشركه المصنعه او الوكيل و ممكن يضمنها لك المحل اذا كانت غير صالحه بمده قصيره اسبوع او اسبوعين

[RR_PHANTOM]

و وكيل موتوركرافت هو توكيلات الجزيره

[RR_PHANTOM]

بسم الله الرحمن الرحيم
آخر ما تم الوصول له ان الشركة ملزمه بالضمان المكتوب على المنتج حتى لو مشترى من موزع آخر حتى لو اضطر العميل للتغير لانهم رفضوا يرفع شكوى لوزارة التجاره و ترجع له فلوسه