قناة السيارات
40اعجابات
أتوقع موديل 2013المشاركة الأصلية كتبت بواسطة MAGNUM_62
النسخة الي تتكلم عنها أعتقد هي حقت موديل 2010؟ الي تجي مساعداتها مدبلة ورفعة 3 انش وبعض الإكسسوارات (إصدار محدود)
شكلها جداً جميل وأذكرها عند وكالة المتحدة بسعر 158
لكن اي موديلات الرانجلر تقصد بهذا؟
أعتقد انك تقصد الموديلات العادية مثل صحارى وغيره تحمل نفس النسبة الي ذكرتها والمقاس الآخر المعروف 3.73 وطبعاً كلها سيئة ولاتجمل مع الكفرات الكبيرة
لكن هذه متطلبات السوق الأمريكي وعلى الشركة ان تراعي هذا الطلب لأن صرفيته عالية,وتكلفت تغييرها هناك ما تتعدى 300 دولار
الفئة الي عليها الكلام هي الروبيكون تجي بمقاس 4.1 دفرنشات DANA 40 في الأمام و60 في الخلفمايحتاج نوضح عنها شي ,ماعليها غبار في التحمل فهي #1 عند الهواة,أضف إلى ذالك ثلاث أقفال دفرنش+فصل عامود التوازن إلكترونياً
زين وشين
لأن رواد ومتسلقي منطقة moab عانوا منه
لكن وش أبي أكثر من كذا
العملانية صعب تصنيفها,إستخدامك ونوع السيارة يحدد هالشي,كل واحد وتجاربه وقناعاته خصوصاً ملاك الدفع الرباعي طريقة معاملتهم وإستخدامهم لسياراتهم يبين لنا مدى عملانيتها لان هذا هذ هو المطلوب منها خصوصاً في هذه البيئة الصعبة
جربت وإمتلكت سيارات من نيسان وتويوتا سيدان و 4×4 وهذه تجربتين لمدة تزيد عن سنتين للأمريكي البك اب, معاي F150 من اشتريته إلى مسافة 120 الف كيلو غيرت زيت القير وفلتر الهواء فقط,لافحمات لا بواجي ولاشي ثاني وماشاء الله نسخة تويوتا,رام 2005 اشتريته ماشي 18 الف كيلو والآن 84 الفماشاء الله استخدمه في البر فقط وفي الرملة تحديداً ولاعليه دفلوك او شي ثاني,مشكلة وحدة واجهتها أيام الطيش مثل بعض الشباب أطلع على طلعوس شاهقة
بالدبل وعلى آخره أفصل الدبل ورجلي على الدعسة(تكرم) عشان اسوي حركات
الأمريكي حالياً (بداية الـ2000s) وبشكل عام مشاكله إلكترونية/كهربائية في الغالب سخيفة وإن كانت ميكانيكية يا أن تكون عيب مصنعي كعادة الأمريكي أو سوء إستخدام
وقبل كم سنة ولأول مرة شفنا مشاكل في الياباني كهربائية/إلكترونية وفي الغالب تكون في أول دفعة للموديل الجديد من السنة أو حتى ميكانيكية
عموماً,هذي ضريبة تكنالوجيا وسياسة المصنعين في هذا الوقت,إلا من رحم ربي!
ولك بالمثل شاص التويوتا
والمعذرة على الإسهاب
انت تكلمت عن سيارتين كل وحدة هي أجود سيارة على الإطلاق في شركتها، F150 حصلت على تقديرات عالية في الجودة والعملانية وأيضا دودج رام تقريبا الغالبية يمدحوها في مجموعة كرايسلر. بس هي سيارات قطر "جر" وما تتناسب لطبيعة الأوفرود 100% إلا لو غيرت أشياء كثيرة فيها وصرفت كثير. أي سيارة تصرف عليها بتطلع ممتازة في الأوفرود، بس شهرة الباترول غالبا إنك تبدل أشياء أقل من المنافسين مع صبر عالي جدا للقطع الأساسية فيها أكثر من البقية. البيك آب النظام الخلفي يجيك شلالات Leaf spring وهو سيء للأوفرود بسبب قساوته وقلة المرونة وقصر الشوط، فتحصل البعض يستبدل هذا النظام بالكامل إلى نظام سبرنجات (نوابض أو زنبرك Spring).
هذا الوضع نفسه في البيك أب باترول والشاص، الغرض منه تحمل حمولة كبيرة، بس الجميل في الصورة إنها تجي فوق الدفرنشال مش من تحت وهذا النظام عموما قديم جدا
فنظام السبرنج الكامل ظهر في نيسان باترول لأول مرة بموديل Y60 عام 1987
"The Y60 was radically different mechanically from its predecessors as it was the first patrol with coil sprung suspension, proving to be both more comfortable and more capable over rough ground."
بشكل عام، تفيد المرونة العالية لنظام تعليق نيسان وما يشبهها بمقاومة أقل للرمال والوحول = تحفير أقل، فتشوف التاير يرتفع وينزل كثير والسيارة تتراقص عجلاتها.
التحية لنيسان وتويوتا عموما لأنها على الأقل مخصصة ثيرموستات يتناسب مع ظروفنا، أما البقية الحرارة عند 90 كأنك تسوق في مناطق ثلجية. أغلب السيارات لو تعرف تجهزها صح راح تقدم أداء ممتاز، بس الشهرة تتجه للسيارات الأقل كلفة تجهيز والأقرب إلى إعدادات المصنع، ورمال البحر أصعب بكثير من رمال الصحراء عموما ولكن السيارة اللي تجيد التأقلم مع كل ظروف القيادة الوعرة "طرق ترابية، وحول، رمال صحراء/شواطئ، صخور" هي اللي تستحق التقدير وتجد الاحترام لمستخدمي سيارات الدفع الرباعي.
والمهم ذكر أن تجهيز السيارة للأوفرود ما يعني إنك تشوف حفرة وفي طريق جنبها انك ترمي نفسك فيها، أو تختار المسلك الأصعب، يفترض تكون غايتك توصل إلى المكان اللي تحتاجه وتوفر قدرات سيارتك لوقت الحاجة
هذي هي، أخاف يزعل علي صاحبها هههه باعها قبل سنة هو بصراحة جميلة جدا جدا، كل الأغراض اللي فيها جت كذا من الوكالة مع ونش Warn:
رد مع اقتباس
