بس حبيت أوضح لك عيوب سيارة إلى عندي وأنت تختار
الأف جي عملي جداااااا وقليل الأعطال وأيام المطر موتر تحبه
فإذا تشوف العيوب إلى كتبتها أنا راح تكرهك سيارة لا تشتري ...
من ناحيتي شخصيا مرتاح مع سيارة بشكل كبير حمد الله و ماشاء الله موتر بكل صراحة مع عيوبه ينحب وسبب قوته وقلة أعطاله .
المطرة الأخير القوية إلى نزلة في الإمارات كل شعب يوقفون عند دواير بسبب تجمعات المياة إلا أنا أعدي عليهم بين 40 إلى 60 كيلو
حتى في واحد راعي فوريل صغير عصب علي ليش عديت عدالة وخيست موتره ههههههههه.
موتر إجرام
فرق بين السيارتين
التاهو أريح وأوسع وأفضل في الخطوط حتى اعتماديته جيده من تجربتي للأثنين
الاف جي سيارتي الشخصيه من سنوات طويله والحمد لله وماشاء الله عسل وأعتمادي جدا
بخصوص العزل من 140 وفوق مع نفسك حده 120-130 والهواء له دور كبير
الثبات ممتاز فيه جدا على سياره دفع رباعي مخصصه للطرق الوعره والبر والتطعيس
حتى أنه بانظمة الثبات أفضل من الاندكروزر gxr لانه فيه مانع انزلاق و gxr بدون
بالنسبه للعيوب هي :
- مساحه ضيقه بالخلف وتناسب صغار السن بشكل أكبر وليست مريحه مره
- زوايا الرؤيا صعبه وتحتاج فتره تتعود عليها
- الفرامل لك عليه شوي والسبب هو نوع الفحمات والحل ركب سيراميك وتتحسن للأفضل .
- الزجاج الأمامي قائم ومعرض للترميل والكسر بسهوله والافضل تركب حمايه للزجاج .
بالنسبه للتكيف فهو ممتاز جدا لكن بأوقات الصيف تحتاج فتره قصيره للتبريد بشكل جيد
كــ حال أغلب السيارات , إذا مالك في البر أبد فــ اتجه للراف فور او السيدان
وعليكم السلام والرحمة
السيارة غير مريحة وعزلها سيئ خصوصا لو كنت تقود سيارة مريحة
فـ راح تواجه جدا صعوبة بالتأقلم معاها
اميل للتاهو