روابط قد تهمك :
السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | youtube قناة السيارات


النتائج 1 إلى 6 من 6

الموضوع: سلام واستفسار - تصفية السياره ...

  1. #1
    عضو جديد
    تاريخ التسجيل
    08-04-2002
    الدولة
    الكويت
    العمر
    43
    المشاركات
    9
    معدل تقييم المستوى
    0

    سلام واستفسار - تصفية السياره ...



    السلام عليكم ورحمة الله وبركاته ..

    الله يعطيكم العافيه اخواني القائمين على هالمنتدى الرائع .. كيف حالكم انشالله بخير ؟ اتمنى وانشالله ما نسمع عنكم اللا كل شي طيب ..

    أول شي آسف على قلة المشاركات (اللي تنعد عالاصابع) وسامحوني ان كانت مشاركاتي كلها اسأله بس والله الواحد من ثقته بالله ثم فيكم وقلة المشاركات بسبب ان الواحد مشغول بالدراسه ومايطل على الانترنت اللا من مده لي مده ..

    ممكن ابدا موضوعي ؟

    اهو مو موضوع بل استفسار .. بالنسبه لتصفية السياره .. انا عندي نيسان مكسيما 2001 (ماخذها آخر سنة 2000) يعني تقريبا الحين صارلها حول السنتين وما سويتلها لا تصفيه ولا شي اللهم سيرفس الوكاله .. والسيرفس الوحيد اللي سوولي فيه تصفيه اهو 20 الف .. يعني قبل سنه ونص تقريبا ..

    الحين احس ان عزم السياره طايح وايد لبغيت افز بالسياره وللا ادوس بالمساير الاقي الار بي ام يرتفع وصوت بس ماكو عزم مو عزم السياره اللي قبل .. فما ادري حبيت استفسر منكم اني اسويلها تصفيه وللا شي ثاني ؟ وبالنسبه حق التصفيه هم عندي سؤال عنها وهو شنو اللي يسويه الكهربائي بالسياره لبغى يصفيها ؟ ..

    اتمنى اني ما اكون ثقلت عليكم بهالمشاركه وانشالله القى منكم الجواب الوافي والكافي وعساكم عالقوه ..

    Kuwait MAX



  2. #2
    مشرف سابق الصورة الرمزية الفني
    تاريخ التسجيل
    10-06-2002
    الدولة
    جدة- المملكة العربية السعودية
    العمر
    54
    المشاركات
    4,276
    معدل تقييم المستوى
    49
    لتعود السيارة الى سابق عهدها والى روحها ..نعم انت بحاجة الى صيانة ...
    ماهي الصيانة ..؟؟؟
    تغيير مايلزم من
    1- البواجي كل 15 الى 20 ألف كم أو كل سنة .
    2- تغير الفلتر في نفس الوقت ..
    2- الأسلاك تغيير كل 50 ألف كم.
    4- غطاء الديلكو والشاكوس كل 25 ألف.
    5- تنظيف البوابة ( فتحت دخول الهواء ) وبلف الهواء الذي يوزن هواء المحرك .
    6- تنظيف البخاخات كل 15 الى 20 ألف.
    فلتر الهواء يغيير على حسب حالة الجو عندكم في الكويت كثيرة الغبار أو متوسطة ..ونصيحة لا تنفخه بالهواء موطيب ..يعني في أسوء الحالات إضربه على الأرض وإذا كنت لا ترى النور من خلاله فقم بتغييره .

    وزن الديلكو ...ولا أظن أنك بحاجة الى ذلك فهو لا يحتاج الى إذا أحد قام بتغيير الوزن ..

    ولا تسرع ياعم..:بوسه:

  3. #3
    مشرف سابق الصورة الرمزية متخصص السيارات
    تاريخ التسجيل
    03-03-2002
    الدولة
    الكويت
    العمر
    45
    المشاركات
    1,252
    معدل تقييم المستوى
    48

    الجواب النهائي

    شلوونك ماكس شهالغيبة :بوسه: ..
    لا تدير بال على مشاركاتك اهم شي ان نشوفك بين فتره وفتره وكلنا مقدرين ظروفك وصحيح لازم تهتم بدراستك لانها اهم ..
    عموما انت الغلط الي سويته انك ما اتابع السيرفر وتسويه بانتظام مع الوكالة وهااا دير بالك تسويلها تصفيه بره الوكاله الا لما تخلص الكفاله وحتى الزيت غيره بالوكاله الحين وبعديين لان فرق السعر راح يكون مقابل راحتك وضمان الشغل والزيت الي مصصمه عليه المكينة ..
    :اسمعوني: هاا انا اقولك اخذ السيارة وروح الوكاله ودخلها السيرفس المعتاد وتابع الجدول بانتظام حتى ترجع السيارة بنفس الحاله الي لما شريتها من المعرض ...
    وماشاءلله عليه الفني سبقني بالرد هالمرة :يبكي: بس اهو :تمام: لان عطاك شنو الي راح يتبدل بالسيرفس ..... وطلباتك اوامر يا ماكس :باي:

  4. #4
    عضو جديد
    تاريخ التسجيل
    08-04-2002
    الدولة
    الكويت
    العمر
    43
    المشاركات
    9
    معدل تقييم المستوى
    0

    متخصص السيارات والفني يعطيكم العافيه :) ..

    صراحه كفيتو ووفيتو بالموضوع وصراحه هذا العشم :تمام: ..

    اخوي متخصص السيارات بالنسبه لسيرفس الوكاله انا مواظب عليه تمام ويمكن اكثر زبون عندهم يدخل سيارته السيرفس انا ! لكن المشكله ان آخر سيرفس دخلته اهو الـ 40 الف والحين واصله 48 الف بس مثل ما قتلك هالمشكله السياره ثقيله بعدين كهربتها مو عدله يعني عندك مع تبديلة القير بثالث (قير تماتيك) تخف ليتات السياره اللي عندي داخل وليتات بره وهذا يصير بس اذا كنت اشوي دايس فيها من الصفر .. فانا قلت هذا اكيد كهربا والثقل من التصفيه .. وللا في شي ثاني بعد ؟!! ..

    عموما اخواني ما قصرتوا وشاكرلكم والله يخليكم دوم لهالمنتدى ولا يخلينا منكم

    Kuwait MAX

  5. #5
    مشرف سابق الصورة الرمزية الفني
    تاريخ التسجيل
    10-06-2002
    الدولة
    جدة- المملكة العربية السعودية
    العمر
    54
    المشاركات
    4,276
    معدل تقييم المستوى
    49
    هلا ماكس ..والشكر لك ...
    وكالعادة لو ما شاركت بالمنتدى لا تستغرب أن ترى كفرات سيارتك على الأرض..ههههههههههه:مطرقه:
    --------------------
    متخصص تعرف أخي على ذكر تنسيم الكفرات لازم نعمل انا وأنت مسابقة ..الي يسبق الثاني على الرد يقوم ويبنشر كفر سيارة الي ما جاوب ..هييييييييييييك الى ان تصل كلها على الأرض...
    هااااااااااا وش قلت ....:شراني:

    أحبك في الله أخي :بوسه:

  6. #6
    مشرف
    تاريخ التسجيل
    13-07-2002
    الدولة
    السعوديه / الرياض
    المشاركات
    2,012
    معدل تقييم المستوى
    47

    حياك الله يا ماكس

    أخوي ماكس

    تحيه طيبه

    اذا شفنا كلام الفني نتوقف ، خلاص يعني عطاك اياها من الآخر

    ولكن أحب أقول لك لا تأخذ مقلب في خدمة الوكاله وكن حذر منها وتفقد سيارتك بعدما تخرج من الوكاله ومحتوياتها . فأحياناً يتم تشليح بعض القطع خاصة من السيارات المضمونه ( من قبل عديمي الضمير من عمال الوكاله وتبديلها بقطع تالفه ) .

    ثانياً : يبدو لي من حالة سيارتك انها بحاجة الى تبديل البطارية ( أفحص البطاريه فإذا هي سليمه أفحص دينمو الكهرباء فربما انه ضعيف ولا يعطي الكهرباء الكافية للسياره .
    بعد ذلك أتبع ما قاله أخونا الفني وغير بالترتيب فمتى ما لاحظت تغير للأحسن فهذا يعني انك وصلت للعطل . يعني أول شىء غير بواجي ومن ثم أسلاك بواجي ومن ثم غير صفاي بنزين وهكذا حتى تعمل تصفية كامله للسياره .

    وأفضل من هذا كله أفحص السياره على الكمبيوتر والكمبيوتر يحدد لك مكمن الخلل .

    ولك تحياتي

X