المشاركة الأصلية كتبت بواسطة فهد الخطيب
بسم الله الرحمن الرحيم
السلام عليكم ورحمة الله وبركاته
بعض عيوب الفورد (الماركيز+الفكتوريا):-
1- تلف ثلاجة الماكينة وخصوصا في الموديلات التي سبقت 2003
مو عيب الفورد كسيارة اهمالها وبعدين يقول ليش تطلب
2- دفع الهواء من جهة الزجاج الامامي ومايصير يدفع من الامام
هذا عيب صحيح ولكن حلها بتعديل الليات أسفل الطبلون بـ50 ريال ولا تظهر إلا بعد سنين
3- ضعف مكيف الفوردات بشكل عام وعدم مقارنته بغيره من مكيفات السيارات الاخرى وعاد وقت الحر تستوي بالفورد
متأكد أنك جربت كراون فكتوريا بالحر بالظهر بالشمس
4- مشكلة الجوزات التي دائما مانرى الفوردت مطروحة في الارض وقد سببت عدة حوادث وانقلابات وياما توفي اشخاص بسببها والله المستعان
حاجة استهلاكية قيمتها وكالة 338 ريال وتغيرها لأصحاب الاستخدام الشاق يعني ما يهدي مضبوط بالمطب ويطلع للبر واجد ويمسك خطوط مثل ابو حدرية كل 3 سنوات والا بتعيش اكثر
5-جلد البلوف تتلف فيها بسرعة ممايتسبب في تهريب الزيت من الجلد ومع الوقت يؤثر على الماكينة
يجيك شخص ما يحمي أو بمعنى اصح يشغل ويدعس بكل بقوة ويقول ليه
اتبع الكاتلوج وارتاح
6- تلف السويتش بسرعة وخراب الدقمة وقد تلافوا هالمشكلة في الموديلات لحديثة 2009 وفوق
لي أكثر من 10 سنوات مستخدم ما خربت عليه
7-مشاكل التفتفة والتقطيع التي تعب اصحاب الفوردات في محاولة حلها وكسبت منهم الورش الكثير من جراء هذه المشكلة فبعضهم تختفي وبعضهم تخف وبعضهم لايجد لها حل
الحل بسيط فحص كمبيوتر وبتعرف المشكلة أو تروح لأحد المختصين
أما تروح للعليمية ويلعبون فيها فأي سيارة ما بتصلح إذا انلعب فيها
8-الاصوات التي تطلع بعد فترة من الاستخدام من العضلات فراح تسمع طرب من هالاصوات فارفع صوت المسجل وهذا افضل حل ههههههه
انت تتلكم من اكثر من 2000 كيلوا تمشي وحديد مو فيابر وبلاستيك والومينيوم
اللي يغير موتركرفت يحتاج للتشحيم كل فترة يعني 3 شهور أما اللي يغير اصلي ما يتشحم
9- اصوات بالديكور ايضا وحلها زود بصوت المسجل هههههه
تربيط داخلي وتحل المشكلة
10- العزل فيها سيء للاسف وكمان نفس الحل المسجل واتوقع اخترعوا المسجل بالفورد علشان يغطي على هالاصوات هههههههههه
العزل مو سيئ بس ودك بأفضل خاصه على الطرقات السريعه
لكن اللي يشفع لها أنها كلاسيكية فطبيعي العزل سيئ
لكن لا تنسى ان كل الكلاسيكيات العزل مو بذاك الزود حتى الجموس
11-القير فيها يخرب ايضا بسرعة واربع نمر فقط ومو بقوة تحمل قيور الهوندا مثلا
هذي أنا معك لو تصير 5 نمر أفضل بس سيئة وما تتحمل
قيور الفورد معروفه بتحملها وأكثر ما يضرب عندنا وارد امريكا الخالي من مبرد القير او المبرد تبعه صغير
ولك أن تتخيل أربع نمر و تمشي 180 والضغط ما تجاوز 3000 دورة يعني المكينة مريحه وباقي نص قوتها
وأحد أسباب خراب القير فك الفصلة بدون وضع مبرد إضافي لانك تخيل تمشي برابع 230 او 240 ما يتحمل القير وطول الخط الضغط على 4000 دورة أو أكثر لازم مبرد او نمره خامسه تريح المكينه
12- الابواب تحتاج لوزن من فترة لاخرى وتغيير ربلات والوزنية فيها بسرعة تروح
كلام غريب
13- ماكينة 8 سلندر ولكن عزم من جنبها وقير اربع نمر لايناسب ماكينتها وفوق هذا تفصل فايش خلت للاربعة سلندر هههههههههه
نعيد ونكرر كلاسيكيه
يا أخي 8 سلندر بـ 16 بلف يعني مثل عدد بلوف الاربعه سلندر
وبعدين المكينه
8 سلندر و224 حصان والتورك جدا ممتاز وقوي و16 بلف
هذي ميزه تعطيك هدوء للمكينه وصرفية ممتازه بس ثمانيه سلندر
وترى بلوفها كبار مو صغيره
وبعدين كيف تبغاها تقوم وهي بهذا الوزن الهايل
واذا براسك قومات وقوة عندك دفرنس بوليسي وبرمجه وكم شغله وتطير
والفصلة وضوعها للسلامة أول وحماية للمكينه والقير
وإلا إذا انفكت الفصلة طارت
الفورد يوصلك لأي مكان بس بسرعات معقولة
14- سيارة غبية بصراحة داخل المدينة بحكم انها طويلة ومآخذة طول وعرض وماتصلح بالشوارع الضيقة والزحام تقول تسوق تريلا هههههههههههههههههههههههههههه
بالنسبة للغشاما طويله لكن يعني وش تباغها تكون مثل الاكسنت
15-للاسف نظام الحماية فيها فاشل ويقدر الواحد يفشخها سلام سلام
قصدك الاستبه والمسجل صحيح معاناة هذا الامر وانا من الناس اللي راح عليها المسجل
16- الرساوة في 2002 وتحت ضعيفة وكثيرين تحوص فيهم باللفات اذا مسرعين وعدلوها في 2003 وفوق ولكن لازالت يعيبها الرساوة بسبب طولها وحجمها فحاول اخي مالك الفورد ماتسرع على اللفات لأن حياتك غالية على اهلك واسرتك
صدقت الرساوه على السرعات العالية مو ذاك الزود بحكم كلاسيكيتها ومن الامام اثقل من الخلف
لكن تأكد من عمود التوازن والجلد حقته أمن لك وأفضل
17- يبغى لها تربيط من فترة لاخرى ومشاكل العضلات والاصوات لازم تتحملها وانصحك تشرب ليمون يهدي الاعصاب ياصاحب الفورد
أنا أصلا شارب ليمون من الراحة اللي تتمتع بها وانت تسوق والرحابه
واللي مو مهتم لا يصيح
18-يعاني الكثير من ضعف النور بالفوردات ومنذو مبطي وهم يصيحون من النور وعسى الله يعينهم انا شخصيا ارحمهم يوم اشوفهم بالخط بالليل مااكشح له بالنور ينقصه لان نوره العالي ضعيف وعلى قده ويادوب يشوف فيه والله لايبلانا
صدقت بهذي النقطه ولكن حلها لمن يهمه الأمر
شمعات 70-100 لأن الوكالة تحط 55-70
بس حط ببالك كتاوت أصلية تتحمل والظفيرة الألمانية الصفراء وتمتع بالنور
واللي مره يشوف نوره ضارب بالارض يسوي وزنيه وبتتحسن شوي
19-الكويلات فيها ديم تضرب وبشكل متكرر ايضا وخصوصا 2003 وتحت
تصدق ما غيرت إلا كويل واحد بس
20- مشكلة الفضاوة في الدفرنس ويعاني اصحاب الفورد 2004
الدفرنس في أغلب السيارات مشكلة بسبب المتفلسفين بالصناعيات
والخبراء والكتلوج والمصنع يقول
اذا نقص زيده وإذا مشيت عليه الى الوقت اللي يجب فيه تغيير الزيت
غيره من الوكالة والزيوت الموصى بها
21- مشكلة الظفيرة التي يعاني منها اصحاب الفورد من 2005 وفوق
اللي يستخدم اسلاك او كتاوت تجاريه الله يعينه بأي سيارة مو شرط الفورد
22-مشكلة الحرارة التي اتعبت اصحاب الفورد وانا اقول ليه الشركة مابرمجت هالفورد حرارتها على الربع مثلا بحكم الجو الحار عندنا لكن عاد الشركة ابخص
يعني النص الحين حرارتها عاليه ههههههههههههههه هذي كل الامريكي الحرارة على النص
23-المساحات بطيئة نوعا ما والمطر الغزير يحجب الرؤية بسبب بطء المساحات نوعا ما
مع مساحات اسي ديلكو من 30 ريال عز الله رحت فيها وودك لو يطولون المساحات ويكبرون الجلده لأن القزاز كبير ما شاء الله
24- طرمبة الماء تتلف عند البعض وبعضهم لم يشتكي منها
أكيد لان اللي تخرب معه تلقاه ما يغير مويه الرديتر
أو يعبي مويه الشرب وبها املاح
وهذي كل السيارات تشتكي منها
25- النوافذ الخلفية تخرب بسرعة بسبب عدم وجود الكلبسات
الخلفية ما تخرب إلا بسبب الكنترول وسعره 30 ريال وكاله ةلا تسى اول ما تفتح الشباك يطمر ورع ويتسند عليها
26- جلد المقصات والجلد اللتي تحت تتلف بسرعة نوعا ما ويجب تغييرها من فترة لاخرى
خذ الاصلي وانسى همها
27-ماكينة القزاز الامامية تتلف بسرعة للموديلات 2002 وتحت
مو المكينه المسكات من بلاستيك غيرها لحديد وانسى
28-سرعة تلف مسامير التوازن وتحتاج الى تغيير كل فترة
طبيعي احد يأخذ موتركرفت بتخرب عليه كل فترة مثلي لكن يوم خذيت الاصلي نسيت منها
الاصلي بـ360 ريال
وموتركرفت 100 ريال
29- في الموديلات القديمة وقت البرد تدق سلف ماتشتغل الا بعد عدة محاولات
كل السيارات كذا بالبرد خاصه القديمه وبالاخص اللي عنده مشكلة وما حلها
30- مشكلة الفضاوة بالطارة والتي تظهر بعد فترة من الاستخدام
مشكلة تظهر صحيح وما ادري ليه بصراحة بس حليتها بتغيير ذراع دركسون ووزن وانحلت وجلست فترة طويله
31-الكهرباء حساسه زيادة في الفورد بوجه عام والالكتروني بشكل خاص (لا تلعب بالكهرب)
بكل السيارات
32-مشكلة نقص الزيت بالمسافات الطويلة (التبخر)
بالكاتلوج نقص شوي من الزيت بعد 2000 طبيعي
لكن اذا زادت فهذا من بلف الزيت وسعره وكاله ما يتعدى 100 ريال
33-مشكلة الفحمات الأمامية تغير اصلي ولا تجاري يطلع صوت صرصرة
خطأ أنا مغير اصلي ما صرصرت
وموتركرفت الاصلي ما يطلع صوت الا اذا الهوب وسخ او بعد الغسيل
والدرحات اللي بعده موسيقى لحالها
34-بكرات السير ايضا تتلف بسرعة
اللي يتلف بكرة السير الصغيره وسعرها اصل 60 ريال
35-عند تثبيت السرعة على الخطوط يرجع للنمرة الثالثة اذا كان فيه هواء ضدك او جاك مرتفع بسيط وهذا يدمر القير
أنا امشي خطوط خطأ الشئ هذا إلا اذا زدت السرعه فقط فقط وترى تورك الفكتوريا ممتاز يكفي ما يتأثر بالهوى ويطيح عزمه
36-الهيدروليك يتلف بسرعة لسيارات الفورد التي تحتوي عليه وبعضهم يغيرها ويركب يايات
اللي يغيرون غلى يايات ما يبغون يشترون طقم جديد لكن نادر خرابه قبل خمس سنوات استخدام
37-مشكلة الفورد اذا تعرض لحادث لا قدر الله مستحيل يرجع مثل اول ,, لان ديكوره كله كبس وابشر بالقرقعة والاصوات الموسيقية خخخخخخخ ولو تلف ما تلف ما بتحصل احد يحل لك المشكلة
أنا صار عليه حادث بالوجه وسويت تربيط واختفت
طبعا لا مانع من استخدام الفلين والفازلين لان الكلبسات تكسرت
38-تهريب زيت الدركسون بعد فتره من الاستخدام
اذا تلف الكفر وتطفي السيارة طبيعي تهرب بأي سيارة لأن الليات تكون مضغوطه
فأي سيارة خلها سيده
39-ثلاجة المكيف فحدث ولاحرج كثير يعانون منها
مغير نوع أمريكي والحمد لله اوكيه
40-الهوبات تحتاج لى خرط في كل فترة
انا اخر مرتين غيرت فحمات ما خرطت
بس حلوه كل فترة يعني
اروح وافك الفحمات واخخرط الهوب وارجعه هههههههههه
41- الدينمو يتلف بسرعة
صحيح لان الوكالة الموقره تجيب مجدد
42- سعرها اصبح خيالي ومبالغ فيه للغاية ولاتستحق هذا السعر بتاتا البتة
{والسلامم عليكمم ورحمة الله وبركاتو}