روابط قد تهمك :
السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | youtube قناة السيارات


النتائج 1 إلى 6 من 6

الموضوع: استفسار بسيط اذا سمحتم .. ( تسريع السياره )

  1. #1
    عضو جديد
    تاريخ التسجيل
    08-04-2002
    الدولة
    الكويت
    العمر
    43
    المشاركات
    9
    معدل تقييم المستوى
    0

    استفسار بسيط اذا سمحتم ..



    السلام عليكم ورحمة الله وبركاته ..

    يعطيكم العافيه اخواني القائمين على هذا المنتدى الرائع والفريد من نوعه بين المنتديات العربيه .. وجزاكم الله كل خير على المعلومات اللي تقدمونها واللي يستفيد منها الزائر والمشارك بالمنتدى ..

    اسمحولي فأول مشاركه لي بتكون استفسار .. وآسف اذا بثقل عليكم ..

    عندي سياره ماكسيما 2001 .. وانا بصراحه احب سوالف السرعه ولكن ليس بمعنى السرعه اللي اقصد اهو ما يسمى عندنا "القومات" اي سباقات البدايه ..

    وصراحه انا ودي ازيد شغلات بسيطه على السياره .. قالولي اذا بغيت تزيد سرعة السياره تبدل فلتر الهوا .. وشي ثاني اني ابدل البلاكات وقالولي في بلاكات لا اذكر ريشتين او ثلاث تخلي السياره اقوى وايد واسرع ..

    وانا صراحه سؤالي عن هالبلاكات .. هل لها تأثير على السياره .. وكيف ؟ وان كان في امكانيه شرح كيف تقوم هذي البلاكات بزيادة السرعه ..

    اخواني كلكم فيكم الخير والبركه لكن ان رد اخوي متخصص السيارات او اطلع على الموضوع فياريت يقولي عن مكان بالكويت "واكيد بيكون بشويخ " اقدر احصل فيه هذي البلاكات للمكسيما واحسن مكان اقدر اركبها فيه ..

    يعطيكم العافيه مره ثانيه ..

    - Kuwait MAX -


    التعديل الأخير تم بواسطة Kuwait MAX ; 08-04-2002 الساعة 04:56 AM

  2. #2
    مؤسس الموقع وكبير الإداريين
    تاريخ التسجيل
    05-02-2002
    الدولة
    المملكة العربية السعودية
    المشاركات
    29,062
    معدل تقييم المستوى
    100
    الأخ Kuwait MAX

    مرحبا بك في منتدى السيارات. ومشكور على إطرائك وكلماتك المشجعة. وإنشاء الله نكون عند حسن ظنك. الواقع أن تفاعل أعضاء المنتدى أمثالك هي سبب نجاحه. لذا لا تبخل علينا بمشاركاتك.

  3. #3
    مشرف سابق الصورة الرمزية متخصص السيارات
    تاريخ التسجيل
    03-03-2002
    الدولة
    الكويت
    العمر
    45
    المشاركات
    1,252
    معدل تقييم المستوى
    48

    رد سريع

    تحياتي لك كويت ماكس وشاكرلك للثقة الي منحتني ياها
    عموما بالنسبة لسوالك دام انك تحب سوالف الهدات على البحر وشارع الحب والرابطة انا اقترح عليك مجموعة اشياء انشاءلله تعجبك .
    1_ سيارتك جديدة وحرام تحط عليها الاضافات لانها راح تطيح الكفالة ولما يصير بالمكينة شي لا قدر الله ما يصلحولك الوكالة ( صارت حق كمارو موديل 98 ) ودام ان السيارة انت تستعملها انطر لما تنتهي الكفالة وسوه كل شي . واذا انت مستعيل تقدر تشترى سيارة مستعمله ( سبورت - مكسيما ) تجرب فيها الاضافات .
    اما اذا انت تبي تجهز السيارة فيما بعد عندك كل من ( سيستم الاكزوز - سيستم الهواء ويسمى الشوته - سيستم كهرباء كامل ) .
    وبالنسبة للبلاكات في انواع ( ريشه - رشيتين - 3 ريش - اربع ريش ) الاول موجود بالسيارة اساسا اما الباجى يضافون لزيادة فعالية الاشتعال داخل السلندر ( بدل الشرارة شرارتين وانت صاعد ) وهذى ممكن تزيد القوة بس مو قدر كبير على حسب تجاوب المكينه معاه .
    بالاخير لا تحاول تحط سستم غاز على المكينة لان راح يقصر من عمرها بسبب الاجهاد العالى الي انت تستانس عليه لكنه يدمر المكينة ويعجل باتهاء عمرها الافتراضي وتبدى فيه الاعطال .. الخ وانت تعرف عذابها وتكاليفها لان الغاز ينحط على محركات مصممه على تحمله ( سيارات الرابطة وسباقات الربع ميل ) .
    اخيرا اتمنى اني اكون قد وفيت وكفيت واذا في شي مو مفهوم راح اجاوبك عليه .
    بالنسبة للمحلات الي تسئل عنها اشوفلك انا عناوينهم بشويخ وارد عليك بس خلك متواصل معانا بالمنتدى وشكرااااااا .,
    مع تحيات اخوووك

  4. #4
    عضو جديد
    تاريخ التسجيل
    08-04-2002
    الدولة
    الكويت
    العمر
    43
    المشاركات
    9
    معدل تقييم المستوى
    0

    اخوي متخصص السيارات يعطيك العافيه ..

    شاكرلك اخوي ردك وسرعة تجاوبك مع الموضوع .. وما قصرت ..

    مثل ما قلت "وماشالله عليك جنك تدري" الشباب مايقصرون اربعه وخميس بالرابطه وبالليل بشارع الحب وهدات والصراحه انا احب هالشي وايد .. والشباب وايد انصحوني اني ما اسوي شي بالسياره لأنها يديده مثل ما تفضلت وانا الحين ناطر بس تمشي 60 الف اتطيح كفالتها وابلش فيها ..

    سستم الشوته هذا اللي قالولي عنه ولقيته بشويخ مع التركيب 30 دينار وقالي يزيد تقريبا 21 حصان لان الهوا راح يدخل اكثر للمكينه ويعطيها قوه اشوي .. والبلاكات لقيتها هم بشويخ 3 ريش قالي البلاك اييبلك ياه واركبه لك بس استغرب انه يزيد العزم اشوي بس !! لأنه قالي اذا ركبت بو 3 ريش على المكسيما 2001 اتطمر كماروات !! بس طبعا انا اثق بكلامك اخوي ومثل ما تفضلت الظاهر حسب استجابة المكينه لها ..

    اما بالنسبه لسوالف الغاز فهذا شي ما افكر فيه ابد لأني ابي احط شغلات خفيفه بس على السياره وما تأثر فيها وايد عساس مثل ما يقولون ابيها جاهزه بأي وقت ..

    هذا تعليقي على الرد وانشالله ما اكون طولت فيه .. وبالنسبه لعناوين المحلات بشويخ فما ابيك اتعب حالك اخوي انا اعتقدت انك اتعرف جم مكان وقلت اتقولي ياهم بس اذا كنت تبي تسأل فانا ما ابي اتعبك وخلك مرتاح وما قصرت كافي انك ذكرتلي المعلومات اللي ابيها ..

    مشكور مره ثانيه

    - Kuwait MAX -

  5. #5
    مؤسس الموقع وكبير الإداريين
    تاريخ التسجيل
    05-02-2002
    الدولة
    المملكة العربية السعودية
    المشاركات
    29,062
    معدل تقييم المستوى
    100
    وفيت وكفيت يا متخصص.

    مرة أخرى أقول نحن محظوظون بوجودك في المنتدى.

  6. #6
    مشرف سابق الصورة الرمزية الفني
    تاريخ التسجيل
    10-06-2002
    الدولة
    جدة- المملكة العربية السعودية
    العمر
    54
    المشاركات
    4,276
    معدل تقييم المستوى
    49
    قد يفيدك هذا ..
    تفضل بزيارته http://www.assayyarat.com/~forums/sh...&threadid=3339

    في حفظ الله .

X