بسم الله الرحمن الرحيم
السلام عليكم ورحمة الله وبركاته
لاخير في كاتم العلم
اخواني بعد ان تعبت من الماركيز 2001 في التقطيع والتفتفة لشهرين ومن باب حب الخير للاخرين ومايتميز به الاخوان في المنتدى من اتحاد لحل مشاكلهم قررت ان اعرض حل مشكلتي
للتقطيع بعد ان وضعت مشكلتي لديهم وماقصروا كل ادلى بدلوه
كانت مشكلتي للتذكير فقط تقطيع مابين سرعة 50 - 100 كم/ساعه
غيرت صفاية بنزين بواجي نظفت بخاخات وحساسات ووووووووو ...... الخ الخ
وكانوا يقولون عندك الكويلات عطلانه بس فحصت كمبيوتر مرتين ماطلع شئ ابدا
رحت لواحد قالي شوف الكويلات نادرا تخرب لكن اللي يخرب الجلدة والسسته لكن لايباع غير الكويل كامل فقررت ان ابحث عن الجلد والسسته
فوجدتها ووجدت منها نوعين denso ---autolite
فاخترت autolite
لانها شركة بواجي امريكيه معروفة من ايام الكوابرس وهذا موقعهم
http://www.autolite.com/
المهم اخذتها من عند محمد حمزة بالمدينه بـ 220 ريال طقم 8 حبات
واخذت بواجي fm32
وهذي صورة العلبة
المهم بعد تغييرها وتغيير البواجي معها حيث كان تغيير البواجي مستحسن لما كان هناك تذبذب بالكهرباء اللتي تصل له وبعد تغييرها وجدناها شبه تعبانه مع انها مالها غير شهر !!!
تغيير السست والجلد ياخوان والله سهل جدا هناك سهم على الكويل والجلدة فقط قابل الاسهم ببعض
والسست زي مافكيتها راح ترجعها ( ربط يمين)
وهذي صورة السست والجلد بعد تغييرها ؟؟!!
و
واخيرا ياخوان الحمدلله السيارة تمام التمام ماشاء الله
الخلاصة
1- ياخوان الكويلات ماتخرب واذا حصل فيكون نادرا واحد من الشباب عندة فورد 94 ماسمعت طول السنوات اللي مضت انو كل شوي يغير كويل والكويلات اللي بالفورد عبارة عن كويل مصغر لكل بوجي بدلا من الكويل الرئيسي واللي يخرب الجلد والسسته اللتي تنقل الكهرباء من الكويل الى البوجي
2- الجلد والسست ياخوان بمثابة اسلاك البواجي لها عمر افتراضي وخلاص لازم تتغير وماظن شركات مثل اوتولايت ودينسو تنتج شئ مالة داعي
3- قد اجزم ان كل الكويلات المرميه في الورش صالحه 100% ولايحتاج لها سوى جلد وسست ولكن الله يعييننا على الورش مامنها غير الخساير
4- والله ياخوان وديت السيارة لاكثر من واحد من كبار مهندسين الفورد ولايعرفون عن الجلد والسست شئ ويقولون كويلات خربانه
5- الفحمة اللي داخل السست خمس حبات عندي متغير لونها الى البنفسجي مما يعني وينفي قول بعض الاخوان انها تعبر عن خراب الكويل بل هي تعبر عن خرابها نفسها
اخيرا كل مافي اعلاة وجهة نظري ونتيجة بحثي وتجربتي احببت ان انقلها الى احبتي واخواني في منتدى السيارات لكم ان تأخذوا ماتروه صحيحا وتنبهوني بما تروه خاطئا
عند النقل ارجوا ذكر المصدر
ان اخطات فهو مني وان اصبت فهو من الله
اخوكم / كوكو الحربي ( ابو عبدالله )