تكفون ياهل الازيرا بشكي موتركم تعبت روحي والله بصيانتها

[bady]

العمل البشري عرضة للخطأ والحساسات مشكلتها بسيطة وموجودة في اليوكن 2007 وسيتم الإصلاح ولاداعي لكسر السيارة بالبيع بخسارة

[كوراندو]

السلام عليكم
أوافق الأخ bady الموضوع مايحتاج إلى كل هذا الخوف
السياره جديده مايصير أبداً تخبيط في القير ولا حتى أي مشكله ميكانيكيه

سيارات الدفع الأمامي قيورها بنضام SHIFT IN WIRE يعني عصى القير ماهو مشبوك مباشره مع جرم القير والتروس لأن القير مكانه صعب في مقدمة السياره وتحت المكينه فيربط بينها بسلك ويكون هناك حساس لوضعيه عصا القير وعن طريقه تروح الإشاره إلى القير من نفس السلك فيحول محرك كهربائي صغير ( يسمع صوته خفيف ززززز ) يحول التروس في القير إلى الوضعيه المرغوبه اللي عليها عصا القير P N R D

أنا متأكد أن المشكله إلكترونيه في الحساس اللي يبين وضعية القير وينه موجود فيه هل هو على P اوN أوD أوR ويسمى في كثير من السيارات
SHIFT POSITION SENSOR فإذا كان عطلان فإن القير مايمز وينه فيه يعني تحط مثلاً على ال D وبسبب الخلل في الحساس يحسب على أنه في ال N أو أي وضعيه أخرى

أنصحك تخليهم يسوون لها فحص كمبيوتر للقير ويعطيك على طول الحساس اللي خربان

أنا صار معي مشكله في احد الحساسات لجيب كان معي مع أنه غريب عليهم جداً لاكني لقيت أسمه في كمبيوترهم سويت فحص في الصناعيه في ورشه من صفة شالنجر وترايستار ب مائه 100 ريال فقط وعطاني أسم الحساس اللي عطلان وكان مبهذلني كل الورش تخصص قيور قالت القير مخبط أو كلتشات حسبي الله عليهم يسرقون العالم المهم غيرت الحساس وفي بيتي بعد وإنحلت المشكله

تفائلواا بالخير تجدوه

[كوراندو]

حبيت أوضح شي

كل القيور الأوتوماتيكيه الجديده بنظام shift in wire سواءً دفع أمامي أو خلفي
أما القديمه بعضها بنضام ضغط الهواء فيكون تحريك التروس عن طريق بوابات تفتح حسب وضعية عصى القير وتبدل التروس بواسطة الضغط من طرمبة الهواء المربوطه بكرتها مع سير المكينه إلى الوضعيه المرغوبه
( مثل قيور ZF القديمة في المرسدس بطه وأخواتها و BTRA )

والقيور العايدي للدفع الخلفي يكون عصى القير مربوط مباشره مع الجرم لأنه قريب منه وتقريباً تحته
أما الدفع الأمامي فهو بنضام shift in wire والسبب ماتم شرحه