اخوي Concept
احس انك غلطان في كتابة العنوان
مشاكل وخربات سيارات مرسيدس ؟
........................
لو كتب عنوان الموضوع
مقارنة بين لكزس ومرسيدس
يكون افضل
......................
كل سيارة لها عيوب ولو بنجمع عيوب كل سيارة من المنتديات بنحتاج قسم خاص في المنتدى الى كل سيارة
بس مستغرب من هالموضوع اشوفه في منتديات عده ليه؟؟
على العموم انا استخدمت مرسيدس E280 موديل 2001 ورجلي دايما ثقيله عليها مايمر يوم الا لازم تذوق طعم حد الدعسه عام 2002 الى 2006
واستخدامي لها خشن في معظم الاوقات..لكن ماواجهت معها اي مشكله غير الصيانه الدوريه للاشياء الاستهلاكيه..وكذلك استخدمت E320 موديل 2004 سنه ولم اجد اي مشكله لحد الان
وكل الي اعرفهم يستخدمو مرسيدس E و S ذات المحرك ال6 اسطوانات و8 اسطوانات لايعانوا من مشاكل!!
والي يقول ان السيارة تمشيك 5 سنوات هذا يضحك على نفسه بلا شك ولاعمره ركب هالسيارة..
بالبرامج يقولو ان السيارة تمشيك 25 سنه..واذا كنت حسن الاستخدام تفوق ال 100 عام!!
ولاتنسوا تجربة محرك ال E55 الي يدور لمدة شهر دون توقف بضغط 4.3 وبسرعة 300
3 اشهر دون توقف والنتيجه كانت مرضيه وهي ان المحرك ادائه لم يتغير!!
التعديل الأخير تم بواسطة بنز-وبس ; 04-01-2008 الساعة 07:13 AM
وبعدين ياشباب وش هالتعليقات البايخه
لكزس ولكزس؟؟
ههههههه وش اللكزس؟؟والله اني ما افرق بينه وبين الكامري بالطريق
تقارنو لي مرسيدس الي تقارنت مع رولز رويز فانتوم وتفوقت مع سيارة يابانيه توها طالعه فيها؟؟
ومن قال انها اجود؟؟ ياخي اجود وهي ضربه بسرعة 40 تدخل بودي السيارة؟؟
جرب اشتري لكزس وادعس فيه لمدة سنه وقابلني اذا مابدلت المكينه
واشتري بعدها مرسيدس وادعس لمدة 10 سنوات وقابلني اذا المكينه او القير اشتكى من شي
لاحظ قلت لك اللكزس اول لان لو جربت المرسيدس اول ماراح تركيب غيره..
اخر زمن...لكزس ههههههه
والله ذكرتوني بالمنتديات الخاصه الى سيارات افالون او اكوورد كل واحد يجي ويكتب على كيفه
اكوورد سبق بورش كاريرا وافالون قاوم مع مرسيدس CL600 الى 200 وبعدين مشى على المرسيدس هههه
وكامري قاوم مع بي ام 745 الى 140 وبعدها ودع البي ام..
ومن هالكلام الي مايصدقه غير واحد يكذب على نفسه!!
التعديل الأخير تم بواسطة بنز-وبس ; 04-01-2008 الساعة 07:30 AM
بسم الله الرحمن الرحيم
بنز_وبس :: السيارات الالمانية لايختلف عليها اثنان .. بس ذمك لسيارات اللكزس غير صحيح
اللكزس تطورت جدا واصبحت تقارع المرسيدس والبي ام بل وتتفوق عليها في بعض النواحي
انا من محبي السيارات الالمانية ولكن دعنا لانبخس بقية السيارات الاخرى مثل لكزس ..
وانا من مالكي BMW ولو أردت تغيير سيارتي لاشتريت مرسيدس .. ولكن تبقى لكزس سيارة جيدة
ولها محبيها ومالكيها وتستحق أن تكون في مقدمة السيارات مع BMW و مرسيدس
وشكررا لك ياصديقي !
معليش لو تحب الثريا اللكزس ماتقارع المرسيدس لو انها وش ؟
وانا استخدمت مرسيدس موديل 81 مكينة 250 دي 6 سلندر ومبوش قير عادي والشكمان يسحب فب الأرض ماشي 1250000 يو الحادث ومقطع فيه مكس 99 وهو مبوش وقعد مبوش سنتين ولا صلحته
مشاكل انسى قطع غيار اوافقك الرأي بعد موديل 99 صح قبله سعر قطع الغيرا زي الكامري
وللرد بقية بس مستعجل
اخوي كريمبو
لو تلاحظ ردي مابخست السيارة حقها وركز على كلمة"توها طالعه فيها"
قبل عام 99 اللكزس كانت سيارة عاديه جدا ولم يتطور الا عام 99 تطور ملحوظ.
هل نقارنها مع سيارة تطور نفسها كل عام منذ مايقارب الاكثر من 100 عام؟؟!!
والي جرب الالماني مايركب غيره لالكزس ولا هم يحزنون,,
اللكزس حلو..فخم..مريح..هادىء
بس لايقارن مع مرسيدس-بنز
وفي احد مقابلات مدير شركة BMW سأل عن المنافسه مع مرسيدس بنز وقال انه يفتخر انه ينافس هالشركة
العملاقه..ولكن مايفكر انه يتفوق عليها!!والحين تقولو لي لكزس:S
انا تجربتي للمرسيدس 3 سيارات
مرسيدس موديل 81 اللي ذكرته قبل ردين
المرسيدس 93 320 اي تيربو وارد المانيا استعملته سنتين تقريبا اروع مايكون واقوى منه مافيه تسارعه بدون التيبرو 6.2 تقريبا
اكتشفت شي ان الوارد المانيا يكون فيه مشاكل
الشي الثالث مرسيدس 320 اس موديل 97 وارد امريكا وهو افضضلهم على الإطلاق ماشي الحين أكثر من 400000 كم غيرت المكينة قبل فترة قريبه لأن الوالد مسافر فيه وارتفعت الحرارة على الأحمر ومشى 80 كم عليها لين الورشه وصل هناك قاله الله يعوض عليك
سبب ارتفاع الحرارة للعلم انه السير لف على المروحه ووقفت
الخلاصة : ميزة مرسيدس عندك قطع اصلي وعندك الماني درجه اولى وعندك الماني درجه ثانيو وعندك صيني وعندك ايراني ...
تنوع مصادر القطع وارداها الصيني تلقى فحمات شبح أمامي ب 40 ريال تمشيك 20000 كم وانت مغمض
والميزة الثانية تلقاه قطع مستعمل كثير انا شريت مكينة كامله 320 وهي الأغلى ب 6500 ريال
شوف اللي يقارن باللكزس يسمحلي غلطان اللكزس 460 والكامري خلفية وحده يعني الشياب تقوله يبا هذي لكزس يقولك هذي كامري مو لكزس
ممكن فيه وجه مقارنه مع البي ام او الأودي ايه لكن مع اللكزس مافيه مجله عربية قارنت لكزس بمرسيدس
مع احترامي الشديد لأصحاب اللكزس لكن لاوجه مقارنه بين تقنية ألمانية رائدة وقديمة من أكثر من 100 سنه وبين سيارات لم تعرف النور الا قبل 20 سنه او اقل
ممكن فيه مقارنه مع البي ام ايه نعم
تقولي مرسيدس ماعندها جوائز أقولك لمعلومه لو المرسدس ماعنده وكلاء في الدول ويقتصر على بيع سيارات الطلبيات من الملوك والأمراء والتجار كفى ووفى وربح بالنسبة للجوائز مريدس ماتهتم بهالأشياء اللي فعليا حاصدة جوائز المحركات هي البي ام وقولي اللكزس تنافس البي ام في المحركات اقولك العب بعيد عن البي ام
يكفي مرسيدس انها تملك 40% من سوق السيارات الفخمة ويكفي ان مبيعاتها زادت بنسبة 25% في عام 2007 والسلام عليكم ولحد يزعل مقاش هادئئ