انا عندي نفس المشكلة راي اتركها كما هي لانها يستحيل تعود كما كانت
انا ما اوقف في مواقف طويله عشان هذي المشكله
بس مره كنت مستعجل واضطريت اني اوقفها وللأسف رجعت لقيت طعجه طولها 2 سم تقريباً
لكن الحمدلله على كل حال وانت حاول تتجنب الوقوف بهذي الطريقه
اتركها زي ماهي..أفضل لك..لأن من المستحيل أن تبقى سيارتك نظيفة مع العالم هذولي..
لاتحرق أعصابك..وتعود عليها أفضل لك..
واذا انت مرة حساس..
فصلحها بالشفط..
مالها حل غير السمكرة
نصيحة ... حاول ما توقف جمب سيارة كبيرة أو سيارة عائلية أو سيارة يسوقها "دريول" ... لأن هذي التصرفات على الأغلب هم إلي يسوونها ... بمعنى ثاني ... وقف في براحة
هههههههه
انا بس كنت ابغا اشوف الحل.. بس خلاص ما يحتاج اصلحها..
اصلا اي سياره اخرتها تشليح..,
على قولتك مردها التشليح بس برضو الواحد اذا شرى السيارة من ماله الخاص وحافظ عليها وجاك واحد مايسوى ويعدم سيارتك هذي برضو مشكله على العموم أفضل طريقة وقف مكان سيارتين وعساك تسلم. مره طلعت هايبر بنده اللي على طريق الملك فهد ومواقفها ماشاء الله الله من الوسع قلت ابعد عن الناس وواقف بعيد المهم يوم طلعت لقيت واحد توه جالس يوقف سيارته بجنب سيارتي مع ان عنده السعه الله لا يضيق علينا بقبورنا يعني حتى ابغى اركب ماراح أقدر والله وكلمته وقلت له السعه عندك وجاي توقف جنب سيارتي وبالضيق هذا تصدقون زعل وماعجبه ردي عليه.
صادق والله وحصل نفس الموقف معي بس في طريق القصيم في محطه والمسجد بعيد
عن المحطه شوي وانا موقف بعيد لحالي ومع ذلك ترك كل المواقف اللي عند المسجد وجاء
يوقف عند سيارتي ويفتح الباب ويخلي باب سيارته على باب سيارتي ورجعت له وقلت
يعني كل البر هذا ولا وسعك وجاي عند سيارتي افرض معي عائله وافرض اني شكيت انك بتسرق
السياره وحاول انك تبعد عن الشبهات الله يهديك وزعل وشغل وراح بعيد والله المستعان