روابط قد تهمك :
السيارات | تحويل التاريخ الهجري والميلادي | تاريخ اليوم الهجري | رواتب السعودية | الموسوعة | youtube قناة السيارات


النتائج 1 إلى 7 من 7

الموضوع: يـا أهـل الـريـاض الكـرام دلـونـي عـلى ورش للـتجـديـد الأمبراطـورة "كابرس89LS"...

  1. #1
    عضو الصورة الرمزية Mercedes-C
    تاريخ التسجيل
    23-04-2007
    المشاركات
    71
    معدل تقييم المستوى
    35

    يـا أهـل الـريـاض الكـرام دلـونـي عـلى ورش للـتجـديـد الأمبراطـورة "كابرس89LS"...



    بسم الله الرحمن الرحيـم

    السلام عليكم ورحمة الله وبركاتة


    يـا سـادهـ يـا كـرام

    يا أهـل الـرياض و عشـاق التـسعاوي وخبـرائة....

    أكرمني الله "والحمدلله" بكابرس 89

    لظروفي المادية التي لا تسمح لي بشراء سيارة جديدة

    اود ان اجدد و ابث الروح لسيارتي العزيزة كابرس LS

    فما نصائحكم العامة ،، وللعلم ابي السيارة رزة ارجعها جديدة

    المطلوب:: انكم تدلوني على ورش لسمكرة يكونو فيها حرفيياً سمكرة مش هواه او متعلمين...

    وبعد كذا ورش مختصة في شي أسمـة أمـــريـــكـــي ،، ابـــو شـــغل >>-------> من الصـــدامـ للصـدام


    من والى يعني بتاع كلــــــــــوة....



    بأنتظار أرشاداتكم وتوجيهاتكم....



    Mercedes
    classe C 2007

  2. #2
    Banned
    تاريخ التسجيل
    11-10-2006
    المشاركات
    393
    معدل تقييم المستوى
    40

    رد: يـا أهـل الـريـاض الكـرام دلـونـي عـلى ورش للـتجـديـد الأمبراطـورة "كابرس89LS"...

    السلام عليكم ورحمة الله وبركاتة


    شف يالغالي نظراً لخبرتي بالكابرس القديم

    اول شيء تسويه بالسيارة تغير القطع الميكانيكية بالسيارة بمعنى انك تضبط السيارة عملياَ وبعدين تهتم بالمظهر..


    اول شيء تسويه طال عمرك تروح ورشة المشعل في الصناعية القديمة(صناعية الخرج)

    اسأل عن الورشة وراح يدلونك عليها...


    خلهم يشيكون على المكينة هل فيها تهريب ام لا..

    ثانيا خلهم يفحصون كلتشات القير هل هي سليمة ام محروقه

    ثالث شيء قم بعمل تصفية للبخاخات وتغيير البواجي وأسلاك البواجي (لاتاخذ الا أصلي) والفلتر وصفايات البنزين..

    رابع شيء قم بصيانة شاملة لفرامل السيارة وتغيير مايلزم بها..


    خامس شيء قم بتغيير الكفرات والجنوط(مهم) الجنط لن يكلفك سعر الواحد 60 ريال جديد

    بتقول لي ليش..اقول لك يمكن ان الجنوط القديمة قد تعرض لحوادث بحيث لاتركب على الكفرات الا بعد عمل ترصيص..


    سادسا بعد تركيب الكفرات اذهب الى ميزان الدرع في الصناعية القديمه وخلهم يعملون لك وزن أذرعه ومقصات والطارة..
    واذا خلصت منهم رح ورشة بن مرضااااخ في الصناعية القديمة نفسها واعمل تربيط كامل من الصدام الى الصدام على شان ماتسمع اصوات حكحكه بالسيارة وانت ماشيء

    وخلهم يفحصون الكمر هل هو سليم ام يحتاج كبس(وظيفه الكمر هو جعل الكفرات قائمه بشكل مستقيم لكي لاتحتك جوانبها بالأرض ثم تقل عمرها )


    سابعاً خذ السيارة عند كهربائي محترم وخل يفحص لك دينمو الكهرب هل يوصل تيار كهربائي كامل للسيارة وخله يفحص لك الافيوز وغير البطارية اذا تحتاج تغيير ..وبعدها دعه يركب لك مراوح كهربائية قدام الرديتر (مراوح سوبارو) على حساس حرارة حق مرسدس وكتاوت ددسن
    وخله يوزن المراوح انها ما تشتغل على طول تشتغل على حد معين تحدده عن طريق حساس الحراره مثل تخليها تشتغل معك اذا وصل امبير الحرارة الى النص مثلا او الربع...


    ثامناً اعمل تسييخ للرديتر وعبه علبتين ماء أخضر أصلي والباقي موية صافيه (موية بطارية) وتاكد من ليات الردتير انها ماتهرب وسليمة وان غطاء الرديتر محكم ولا يطلع تنسيم...

    تاسع شيء تسوية تروح عند فني مكيف تخلية يشيك لك على المكيف والفريون والثلاجة ويعمل تنظيف للفلاتر وخلافة...


    عاشر شيء دخل سيارتك للسمكري واحرق البوية واضربها بوية لماعه من جديد وغير المرايا الخارجية الى مرايا كابرس موديل 84
    صدقني شكل احلى وراح ترتاح معها


    اخر شيء تسوية انك تنجد الموتر من داخل تنجيد كامل وكمل اي ديكور ناقص عليك من داخل من التشليح


    وسلامتك.......

  3. #3
    Banned
    تاريخ التسجيل
    11-10-2006
    المشاركات
    393
    معدل تقييم المستوى
    40

    رد: يـا أهـل الـريـاض الكـرام دلـونـي عـلى ورش للـتجـديـد الأمبراطـورة "كابرس89LS"...

    عندي بعض الأضافات على النقطة السادسة

    الا وديتها ميزان الدرع خلهم يشيكون على على اعمده التوازن الأمامية والركبه وغير اي قطعه تحتاج تغيير
    وناظر موتر هل فيه عمود توازن خلفي اذا ماكان فيه أشتر من محالات قطع الغيار وخلهم يركبونه لك





    اذا خلصت جميع النقاط

    غسل السيارة بستم ورح غير زيت المكينة والسيفون وشحم الركبة وعب التانكي بنزين 95 فل وعب الكفرات هواء ضغط 34 وامسك خط الطايف وارجع للرياض,,يعني جهز نفسك ارقد زين وخذ معك خوي يعرف الطريق وجهز لك زمزميه شاهي تلقيمة على كيفك

    لاتوقف ابد على الخط الا تعبي بنزين..وحاول انك تمسح طبلونها مره في الروحه ومره في الرجعه (وانتبة لاتطول وانت مسرع والله يستر عليك)



    وخذ معك شريط عزازي تراه يطرب


    وسلامتك
    التعديل الأخير تم بواسطة التسعه شفر ; 18-06-2007 الساعة 07:33 AM

  4. #4
    عضو
    تاريخ التسجيل
    11-06-2007
    المشاركات
    109
    معدل تقييم المستوى
    35

    رد: يـا أهـل الـريـاض الكـرام دلـونـي عـلى ورش للـتجـديـد الأمبراطـورة "كابرس89LS"...

    والله كل من قراء اللى كتبته ولا رد لك بالشكر حرام انه ما عنده ذوق (((((( مشكوووور يالغالي)))))))

  5. #5
    Banned
    تاريخ التسجيل
    11-10-2006
    المشاركات
    393
    معدل تقييم المستوى
    40

    رد: يـا أهـل الـريـاض الكـرام دلـونـي عـلى ورش للـتجـديـد الأمبراطـورة "كابرس89LS"...

    الله يجزاك خير اخوي كسار على ردك اللطيف والمشجع...

  6. #6
    عضو
    تاريخ التسجيل
    27-06-2005
    العمر
    43
    المشاركات
    85
    معدل تقييم المستوى
    39

    رد: يـا أهـل الـريـاض الكـرام دلـونـي عـلى ورش للـتجـديـد الأمبراطـورة "كابرس89LS"...

    ما شاء الله عليك باين عليك خبرة يالتسعة شفر

  7. #7
    عضو
    تاريخ التسجيل
    15-06-2004
    المشاركات
    36
    معدل تقييم المستوى
    41

    رد : يـا أهـل الـريـاض الكـرام دلـونـي عـلى ورش للـتجـديـد الأمبراطـورة "كابرس89LS"..

    ما شاء الله عليك اخوي التسعة شفر
    يعطيك العافية على ردك الحلو

X