السلام عليكم ,,
بعد امتلاك الجي إس لمدة تزيد عن الأربعة أشهر, حبيت أشارككم وجهة نظري وملاحظاتي على السيارة.
معلومات السيارة : جي إس 300 2007
السيارة بشكل عام : ممتازة وأعطيها 8 من 10 في التقييم. السبب تجدونه في الملاحظات.
خدمة الوكالة : ممتازة, حتى إن السيارة تم تلميعها من الداخل والخارج على حسابهم بسبب وجود بعض البقع البسيطة على المراتب بعد إزالة "القراطيس".
ملاحظاتي على السيارة حتى الآن:
- إضاءة اللمبات الأمامية ( الواطي) غير كافية في الطرق المظلمة. حاولت مع الوكالة يرفعون النور بس مايعرفون, يقولون الأنوار ترتفع وتنزل أوتوماتيكياً حسب وضع السيارة.!
اضطر في السفريات على الخطوط إني اكبس العالي علشان اشوف. النور نازل مايخليك تشوف اللي قدامك بوضوح. المشكلة هذي مشتركة بين كثير من أصحاب السيارة, ربما البعض
مايلاحظها, بس أنا اكتشفت اني ماني الوحيد اللي يعاني من هالشي.
- العزل الصوتي أقل من المتوقع: صوت الطريق ( الزفلت) مرتفع نوعاً ما. خاصة إن الشوارع في الرياض أغلب زفلتتها رديئة. عيون القطط وطيتها مزعجة.
- لمبة البنزين : إذا خلص البنزين, ماتسمع أي تحذير, مجرد لمبة صغيرة برتقالية عند عداد البنزين تضيء باستمرار, مافيه صوت تنبيه أو لمبة تنبيه تولع وتطفي, وهالشي الصراحة نكبني أكثر من مرة.
- اذا طفيت السيارة في الليل والنور على أوتو, يستمر النور شغال حتى لو السيارة ماتشتغل, لين تفتح الباب بعدين يطفي. (وش الحكمة؟ )
- أصوات اهتزاز, يطلع لي بين كل وقت و الثاني أصوات اهتزاز مادري من وين بالضبط, بالطبلون, بالديكور عند المسجل, السبب اعتقد التمدد والتقلص بسبب البرد والحر, الجو هاليومين النهار صيف وبالليل والصبح برد .
بس, هذا اللي شفته من السيارة , كل خير مع بعض الملاحظات الصغيرة , أتمنى من أصحاب السيارة يشاركوننا في الموضوع بملاحظاتهم, وأنا مستعد لأي استفسار عن السيارة.
سي يوو