قناة السيارات
بسم الله الرحمن الرحيم
السلام عليكم و رحمة الله و بركاته
اخواني الاعزاء
بعد جهد جهيد
و تفكير طويل
و بعد ما فكرت بالبيجو407 و هوندا اكورد و هوندا CR-V و . . . .الخ الكثير من السيارات
يمكن وصل عددها الى 20
حجزت هوندا اكورد
لكني تأخرت كثيرا في اجراءاتها
حيث اني حاجزنها من قبل العيد حتى
لكن مثل ما يقول المثل
كل تأخيره فيها خيره
آخر شي فكرت و فكرت و فكرت و توصلت اخيرا
الى سياره و هي متسوبيشي باجيرو بابين(ربع)
و اخترت محرك 3.0 لانه اكثر اقتصادا من ال 3.8 و 3.0 مناسب لهذا البدي الصغير
و طبعا خذتها لمواصفاتها العاليه و قوتها المعروفه في الرمل
طبعا الي عجبني ان مسوين عرض لمهرجان دبي للتسوق
فكان سعرها 86 الف و نزلوه الى 83 الف و ايضا عطوني تشييك مجاني الى 40 الف كيلو
حيث العادي انه اول 1000 و 5000 كيلو بس
و ايضا التأمين مجاني و الزيبارت الي يحمي الصبغ بيسولي اياه مجاننا
و مواصفاتها طبعا جلد
جير تبترونك -مثبت سرعه-كشافات ضباب- 6 سي دي
اغراء الصراحه منو يقدر يتحمل
و انا ما خذتها الا بعد ما سألت 3 من مالكيها عنها و سألت واحد عنده 4 ابواب ايضا
كلهم مدحولي اياها
وقالولي انها قويه جدا في الرمل
و هذا ا لي شجعني
و الي شجعني اكثر الناس كلهم قالولي افضل من الاكورد
و انتو عارفين البر عندنا من لوازم الحياه
اولا لدي الاستفسار الاول
الدقمه يوم تشغلها هل فعلا ما تعشق فوق ال2؟
الدقمه ما ادري شو تسمونها عندكم لكن الي يشغلونها في الرمل
السؤال الثاني
ابغي اعرف كم تسارع الباجيرو ربع3.0 الربع او الي يتسما بالهارد توب او بعض الناس يقولون كوبيه
و طبعا لدي شي لكم ما دام اني ما شوارتكم ابد
اخافكم تزعلون
لكن عندي لكم سؤال
شو رايكم باللون
آخذ اسود
ولا آخذ رمادي غامج
و بغيت اقولكم شي
يا ويله الي بيذمها
ترا خلاص معزم
ارجوكم ارجوكم لا تصغرونها فعيني
حرام ترا و الله تعبت شهرين و انا افكر بالموتر
ما اصدق اني استقر
تحياتي
