السياره الصغيره لا لاللبيع.؟؟؟

[مستشار]

( مميزات السياره الصغيره ألا قتصاديه)
1- عند المحطه البنزين ما تتأخر
2- تعطيه خمسين ريال ويرد لك الباقي يمكن نصفه ( محطة البنزين )
3- الخمسمائة ريال تنساها ويمكن ماتشيلها
4- عند غيار الزيت ثلاث علب تكفيك وسيفون صغير رخيص
5- البطاريه سعرها حدود الخمسين ريال يابلاش
6- الكفرات أي نو ع ( أربع كفرات ما تتجاوز خمسمائه ريال )

( اليسارات الصغيره ........فوق .....فوق وهذي النصيحه أمتلك سياره صغيره قبل ما تصير أغلى من الجيوب )

سياره صغير ( شيك مؤجل ) وسعرها يريح جيبك !!!!!

سياره كبيره (شيك بدون رصيد ) وسعرها يتعب راسك وجيبك دايم ( مشقوق )

( سياره فخمه تجلس عندك أربع سنوات ماشيه ( 20 ) الف كيلو وسياره صغيره ماشيه ( 200 )الف كيلو مكروفه
كرف هذا عين العقل سوها وأنا المسئول ...................... محبكم

[Initial D]

أنا أوافقك الرأي ....... لكن إذا عندك فلوس هذا مايمنع أنك تشتري سياره فخمه


7- السياره الصغيره تقدر توقفها في أي مكان وفي الزحمه ماعندك مشكله

[CamSHAFT]

بصراحة فكرة اكثر من حلوة
واشوف لو الواحد يشتري له سيارة صغيرة مستعملة وممشاها قليل افضل, ويكون طايح سعرها اساسا مثل الاوبترا وايلانترا وصني وفوكس
تحياتي

[stun]

كلامك صح


و تكون السيارة الكبيرة للمشاوير الخاصة .

[نديم الطيف]

عين العقل ياشباب

[Z06 CORVETTE]

والله كلامك تمام التمام عزيزي

وعندي شوي كلام مثلا مرسيديس سمارت تصلح لها الامور مع انها كوبية

يعني اذا جيت في زحمة توقفها بالطول او العرض مافية اي مشكلة لأنها مربعة وانا مجربها

بس السيارة الصغيرة صحيح هي ميني كوبر هي اصغر سيارة تتحمل كثير شفتها في حياتي

وطبعا الاكسنت والالنترا والاوبترا والريو والاكس اي تويوتا واليريس واشياء اخرى ماننساها

واذا صدمت بها صلحها بـ 2000 ريال بس والسيارات الغالية اذا جتها مخشة صلحها بـ 2000 بس

[LoVeR]

كلامك صحيح وانا مجرب
كنت مع السيارات الكبيرة سنين طويله مع الاسف
صرفية بنزين زود على ثقله والله لو اني اسوق باخرة
تتعبني داخل الزحمة والسيارات الصغيره انواع المطامر من قدامي
لا احد يحب ان يمشي خلفك بسبب تسكير الرؤية تماما عن امتداد الطريق عن السيارة التي خلفك

واذا جيت توقفه لازم تعمل مشروع اسمه مشروع البحث عن مواقف رسمية ( للبلدية) لانك ببساطه ستجد ان غالبية المواقف التي تجدها لايمكن ان تقف بها بسبب انه كان بها سيارة صغيرة

بصراحة خلاص هذي توبة من السيارات الكبيرة والان ساتجه للسيارات الصغيرة وخصوصا مع ازدياد الازدحام في الفترة الاخيرة

ومعا جميعا تحت هذا الشعار :
السيارات الصغيرة فوق فوق


تحياتي

اخوك لوفر

[مستشار]

الخوف يشباب أن الجنسيات الاخرى في المملكه سيطرو على السيارات الصغيره المستعمله
( يعني يجي ألاجنبي ويشتري سياره مثل (15000 ) ريال وأذا جاء يسافر يبيعها ( 15000 ) ريال

ونحن ياالخليجيين نشتري ونبيع بخساره كبيره أكبر من الضعف

وتوافقوني ألرأي .........ولا فيه وجهت نظر أخرى................علموني أنا غلطان