استفسار عن الالتيما الجديده أقل مواصفات؟

[Dajani]

السلام عليكم

ممكن تعطوني معلومات كافيه عن الالتيما الجديده الأقل مواصفات...

وكيف عزمها؟وايش عيوبها؟وكيف العزل الصوتي؟وكيف قوتها؟وكيف اسعار قطع غيارها وتوفرها؟؟

لاني شفت بالوكاله القسط الشهري يبداً من 1555ريال سعودي..

وشكراً
..........

[M .N. N]

هلا وغلا فيك اخوي

شوف انا كانت معاي وحده لكن مشكلتها مع السيارات التاليه هي الاسوء ((رأي شخصي )):

سوناتا 2005 ، كامري ، اكورد
::::::::::::::::::::::::
وكيف عزمها؟وايش عيوبها؟وكيف العزل الصوتي؟وكيف قوتها؟وكيف اسعار قطع غيارها وتوفرها؟؟
:::::::::::::::::::::::
عزمها جبار وافضل سياره بالقوه ..

عيوبها صرفيتها للبنزين اكثر ،وايضا المواد الداخليه جودتها ضعيفه والابواب خفيفه

العزل الصوتي جيد : 1- سوناتا 2005 . 2-الالتيما . 3- الاكورد. 4-الكامري

قطع غيارها متوفر لاكن غالي والصيانه ليست جيده لدى الحمراني

،،،،،،،،،،،،،،،،،،،،،

وشوف الالتيما سيارة ممتازه جدا وفيها مواصفات مميزه وتستاهل تشتريها لكن فـــــقط في الفل كامل

وللأسف السياحي لايتمتع بأي صفه من مواصفات الفل

على فكره انا قارنتها بالسيارات اللي ذكرت من اجل التوضيح فقط

وانشالله اكون جاوبت على بعض تساؤلاتك

[Dajani]

شكراً لك اخوي

بس السوناتا كوري والنيسان ياباني يعني الياباني احسن من الكوري
والله اعلم..

[عالم مشاعر]

اذا كنت بتاخذ الالتيما فلا تاخذ الا الفل كامل

[Dajani]

هلا اخوي

ليه مااخذ الا الفل كامل طيب؟؟

[عالم مشاعر]

^
^
^
لان فرق السعر بينهم بسيط وبالمقابل مواصفات اكثر وتجيك شد بلد

[Dajani]

شكرا لك اخوي

ابي آراء البقيه طيب؟..

[vAMP]

أخوي Dajani ..

ما أعتقد اللي قسطه 1555 أقل فئة !!

لأن قبل شوي مريت الوكالة ولقيت أقل فئة ب 1499 !!

يعني أكيد السعر اللي حطيته يا للنص الفل او الفل .. تأكد زين .. (أو سياحي اوتو .. تأكد)

على كل حال اللي اعرفه السياحي مايجي بسي دي ..

والنص بسي دي واحد .. وإذا مو غلطان الفل 6 سيديات (الأربع سلندر)

طبعاً القزاز يختلف ما ادري أوتو ولا يدوي ولا كهرب عادي .. أحسن لك تروح الوكالة وتشوف وتدقق زين ..

عزمها وقوتها ماشاء الله تبارك الرحمن مرة جامدة .. يكفي إنها تجمل مع بعض الستة سلندر !! ولا أظنها تختلف عن صرفية باقي السيارات .. خاصة لو قير عادي ..

أسعار قطع الغيار صراحة شايفها جداً معقولة .. واللي مستغرب منه أكثر إنهم في الفترة الأخيرة خصموا ببعض القطع لين وصلت إلى 50 % !!

أنا مغير القماشات الأمامية للستة سلندر قبل التخفيض ب 180 أعتقد ..

وقد سار علي حادث (رصيف ) وانكسر عندي ذراعين الواحد كان ب 127 !!

والرفرف حسب ماسمعت قبل التخفيض كان ب 500 ريال .. (الكامري 400 .. الماكس 450) بس أظنه رخص ..

المشكلة إن بعض القطع مايوفرها الوكيل .. إلا لو كنت بواحد من المدن الرئيسية جدة أو الرياض ..

صيانتهم صراحة مرة غالية !! يعني الذراعين هذه قيمتها الثنتين تقريباً 250 ريال .. لكن التركيب لحاله قيمته 800 !!

صيانتهم غالية .. بس اللي يعجبك فيهم إنهم يسوون خصومات أقصى شيء (المسموح) 25% .. هذا لو تداوم على الصيانات الدورية ويعرفك حق الإستقبال زين ..

أما اللي يقول لك شوف الكوري أحسن هذا ماعنده سالفة .. لاتبعد عن الألتيما والاكورد والكامري..

سلام