قناة السيارات
السلام عليكم ورحمة الله وبركاته
اخواني الكرام عندي كورولا موديل 2013 ماشيه تقريبا 80 الف
من يوم شريتها ما غيرت فيها غير كفرات وتغيير زيت وعبي بنزين
لاني من الاحتياجات الخاصة فمشاويري ماهي ذيك المشاوير
الان بغير البنزين من 95 إلـى 91
وقالي شخص نظف البخاخات
فمدري وش اسوي الان هل انظف البخاخات وش انظف او وش اغير بعد ؟
ياليت اهل الخبرة يفيدوني وجزاكم الله خير
هلا فيك اخوي ماقلت لنا هل عندك مشكله بالبخاخات هل فيه تقطيع او تكتيم هل غيرت فلتر البنزين قبل كذا وفلتر الهواء ايضا لازم تتأكد من الكويلات اللي تغذي البواجي بالكهرباء وايضا تنظيف دائرة الوقود وطالما السياره مشت 80الف يفضل انك تغير الكويلات والبواجي وفلتر البنزين وفلتر الهواء وايضا تتأكد من سير التيمن سير المكينه وبقية السيور وزيت القير وشيك على البطاريه وان شاء الله امورك طيبه هذي اهم الاشياء اللي تحتاجها السياره في المده اللي مشتها هذي اشياء اساسيه وممكن توديها مركز عبداللطيف جميل وهم راح يساعدونك او اي مركز محترم ولاتنسى تتأكد من بلف الحراره لانه ممكن يحتاج تغير مع غطاء الرديتر وتغير ماء الرديتر حتى تعيش معك السياره بدون ماتظهر معك مشاكل وتحافظ عليها وبنزين 91 ماراح يأثرعليها
المشاركة الأصلية كتبت بواسطة SAHERR
اخوي والله ما غيرت ولا شي ولا اعرف في السيارات كثير
.
لا يوجد تكتيم .. وفلتر البنزين لم اغيرة
هلا اخوي فتى الحجاز لازم تروح صيانة تويوتا عندهم تسعيره الصيانه وخصومات على الصيانه انت دخل السياره صيانه الثمانين وقلهم يشيكون على السياره وان شاء الله تكون امورك محلوله
توكل على الله وغير نوعية البنزين مافيه اشكال بحول الله
الشي الثاني طالما ان السياره لاتشتكي من شي واصل استعمالك لها وعند 100.000كم اعمل صيانه شامله
الكورلا سياره اعتماديه وتمشيك بحول الله لصيانة ال100.000 كم بالراحه
موفق
جزاكم الله خير يا اخوان ما قصرتوا
السلام عليكم
اخي الفاضل بارك الله فيك
بكل بساطة غير البنزين واستخدامك للايام الجاية يوضحلك اذا الامور تمام او لا
يعني اذا حسيت السيارة بدت تفقد العزم وبديت تلاحظ لون اسود ثقيل على الشكمان وتغير صوت المحرك ....بختصار الموتر يعاني
فمالك الا ترجع للبنزين الاول
لاكن ان شاء الله كل شي بيكون تمام
وبرضو خذ بتوجيهات الشباب فيما يخص الصيانه
والله يوفقك
رد مع اقتباس