غيرت طرمبة الزيت و لا زال المؤشر نازل .. مع عبارة تنبيه - دينالي 2007

[سلطان444]

السلام عليكم ورحمة الله وبركاته

عندي طال عمركم يودكن دينالي 2007

انبير الزيت ينزل على الخط الاحمر وتطلع رسالة الزيت منخفض اوقف المحرك

المهم طلعت للورشة وبعد الفحص على السيارة قال الميكانيكي لازم تغير طرمبة الزيت والمشكلة هذي راح تنحل ان شاء الله ،،

المهم غيرت طرمبة الزيت والحمدلله كل شي تمام ،، لكن لما طلعت من الرياض للقصيم بعد 200 كيلم رجعت نفس المشكلة ونزل انبير الزيت ،،

وقفت السيارة لمدة عشر دقائق ورجعت شغلتها وكل شي تمام ولله الحمد ومشيت عليها 100 كلم ورجعت المشكلة ،، وعلى الحال هذي اوقف 10 دقائق واشغل لين وصلت ولله الحمد

ولما اشغل السيارة الصباح يرتفع ظغط الزيت فوق النص وبعد ما تسخن السيارة يرجع للربع ،، ولما اعاير الزيت كل شي تمام ولله الحمد ولا فيه نقص

تكفوووووووون طالبكم يا رجال اللي يعرف وش السبب يقولي مع العلم اني مركب طرمبة زيت اصلية ( على ذمة راعي الورشة اذا هو غيرها او لا ) وحتى الربلة الدائرية غيرتها ،،

معقولة يا رجال مايكون غير الطرمبة زي ما قالي بعض الشباب (الله لا يخسر ان شاء الله) ،، او فيه اسباب ثانية

وجزاكم الله الف خير ان شاء الله

[مركز جوانا]

وعليكم السلام ورحمة الله وبركاته
السبب يالطيب مو طرمبه الزيت
واحتمال اخر انه ماغيرطرمبة الزيت
لابد من الفحص والتاكد بالجهاز الخاص بجي ام والتاكد من الظغط اولا
بالتووووووووووفيق

[super_safari]

ضعف ضغط الزيت يعني أن العلة بالطرمبة أو أن حساس الزيت ما زل يعطي تنبيه خاطئ. أو كما قال مركز جوانا: ما يخاف الله و لا غير الطرمبة! الله أعلم.
تسمع صوت حنة في المكينة شبيه بصوت علبة الدركسون لما تخرب؟ طرمبة الزيت كذا صوتها لما تخرب في البداية , و إذا اشتد الخراب تصير تطقطق.
أنت الحين في الرياض؟

[محبكم2010]

عليكم السلام ورحمة الله وبركاته :
اخي الكريم لو انك دخلت المنتدى قبل ماتروح لكن جعله الله خيرا :
مشكلتك لاتخرج من 3 احتمنالات والله اعلم .
1- اذا كان فيه صوت زي كذا تك تك تك تك تك تك فهذي الطرمبة والكل يعرف ان الطرمبه من اليوكون 2007 بها عيوب .
2- اذا كانت بدون صوت فهذا الحساس والله اعلم .
3- ممكن يكون مؤشر الطبلون حق الزيت فيه عطل .

[سلطان444]

وعليكم السلام ورحمة الله وبركاته
السبب يالطيب مو طرمبه الزيت
واحتمال اخر انه ماغيرطرمبة الزيت
لابد من الفحص والتاكد بالجهاز الخاص بجي ام والتاكد من الظغط اولا
بالتووووووووووفيق

هلا وغلا باخوي

فحصت السيارة وقالي دامك غيرت الطرمبة معنى كذا المشكلة بالحساس وغيرنا الحساس ،، لكن للاسف ما طلع من الحساس

[سلطان444]

ضعف ضغط الزيت يعني أن العلة بالطرمبة أو أن حساس الزيت ما زل يعطي تنبيه خاطئ. أو كما قال مركز جوانا: ما يخاف الله و لا غير الطرمبة! الله أعلم.
تسمع صوت حنة في المكينة شبيه بصوت علبة الدركسون لما تخرب؟ طرمبة الزيت كذا صوتها لما تخرب في البداية , و إذا اشتد الخراب تصير تطقطق.
أنت الحين في الرياض؟

هلا اخوي

لا وانا اخوك ماني بالرياض ،، ياليتني بالرياض كان رجعتها لنفس الورشة وهي معروفه ( مركز الغروب اللي قريب من معارض النسيم )

[سلطان444]

عليكم السلام ورحمة الله وبركاته :
اخي الكريم لو انك دخلت المنتدى قبل ماتروح لكن جعله الله خيرا :
مشكلتك لاتخرج من 3 احتمنالات والله اعلم .
1- اذا كان فيه صوت زي كذا تك تك تك تك تك تك فهذي الطرمبة والكل يعرف ان الطرمبه من اليوكون 2007 بها عيوب .
2- اذا كانت بدون صوت فهذا الحساس والله اعلم .
3- ممكن يكون مؤشر الطبلون حق الزيت فيه عطل .

هلا وغلا فيك اخوي ،،

فعلا اخوي كلامك صحيح مية بالمية بالنسبة للخيار رقم (1) الصوت هذا ما يطلع معي الا بعد ما ينزل امبير الزيت للاخير ويطلع تحذير عندي بالشاشة ويطلع صوت (تك تك تك تك) بس اطفي السيارة على طول واخليها عشر دقائق وارجع اشغلها يرتفع الزيت ويختفي الصوت ،،
بس والله اني مغير الطرمبة عند مركز الغروب بالرياض حوالي 2300 ريال والفواتير موجودة معي ،، معقولة خربت على طول او ما غيرها بالاساس ،، الله يستر ان شاء الله

[M~أمير بكلمتي~M]

وعليكم السلام ورحمة الله

يالغالي حاول تتأكد من حساس الزيت انك اخذته على حسب نوع وموديل سيارتك لان ماكينة الدينالي تختلف عن اليوكن

والتأكد ايضاً من الفيش تبع الحساس

اما بخصوص الطرمبة ظن في اخوك المسلم ظن حسن , و حسابه عند رب الحساب اذا خدعك او خش

والمفترض انك تتابع السيارة في فك الماكينة وتركيبها اضافة الى طلب القطع القديمة

نقطة مهمة وهي نوعية الزيت المستخدم في الماكينة يجب ان يكون الزيت الموصى فيه من المصنع

واي اختلاف في لزووجة الزيت قد يسبب اعطال للمحرك واولها الطرمبة

أخوكـ