السلام عليكم ورحمة الله وبركاته
ما طول عليكم.... عندي سيارة جيتا 2014 جديدة للحين على ضمان المصنع المهم طاح مطر عندنا بالبحرين قبل 3 اسابيع في الويكند المهم السيارة واقفة عند باب البيت وكان المطر ماشاءالله يطيح بغزارة فصار تحت السيارة مستنقع ماي المهم جيت يوم ثاني اشغلها واروح الشغل المهم اشتغلت ومشت فيني 15 متر و انطفى الموتر و لا رضت تشتغل رغم محاولاتي أشغلها...شلتها بالرافعة وجبتها للوكالة علشان يفحصونها ويصلحونها لكني تفاجأت بأن المويه دخلت من الأنتيك للمكينة فالمكينة تحتاج تبديل و الطامة الكبرى أن ضمان المصنع ما يشملها و لا التأمين يغطيها غير ذلك سعر المكينة أغلى من سعر السيارة........فأريد منكم يا أهل الخبرة اتشورون علي هل هذا الكلام قانونيا صحيح لأن احنه ماعندنا فيضانات ولا زلازل و لا كوارث طبيعية و لا سيول كل ما هناك مستنقع عند البيت وكل السيارات بكل أنواعها تطوف منه و لا عمرها طفى الموتور هل يعني يوم الي بطيح مطر مانطلع بالسيارة لكونها غير مؤهلة بالدخول في المستنقعات العاديه حوالي 2 Foot أو هل أن هناك مشكلة ميكانيكية في السيارة أو أن الوكيل يريد يتهرب من تصليح السيارة خصوصا أن السيارة حديثة....
فأرجو افادتي ياأهل الخبرة قانونيا هل الكلام هذا صحيح وشنو اسوي؟؟؟؟ و جزاكم الله ألف خير