السلام عليكم ورحمة الله وبركاته
بصراحه اهنيكم على المنتدى الرائع اللي افاد ناس كثيره
انا عضو جديد بالموقع وسبب دخولي ابغى مشورتكم بما ان الموقع ماشاءالله يضم مجموعه طيبه من اهل الخبره
الموضوع بدون مقدمات
انا من ذوي الاحتياجات الخاصة وابغى اشتري سياره وبصراحه محتار مدري وش اشتري لاني مابي اطيح على سياره تشيبي ، ميزانيتي تقريبا مئة ألف ، وماعندي خبره بالسيارات .
انا معي حاليا اكسنت وكارهها صغيره وخفيفة وضيقه من الداخل لو يركبون معي ثنين حبة الارض .هذا من غير تعليقات اخوياي اللي يقول تقل موصل طلبات واللي يقول مندوب مبيعات ... الخ
بالنسبه لسواقتي عاديه ماني من اللي يسرع اذا خربتها 120 وقامط العافيه.
في ناس انصحوني ميني فان لكن ماخش مزاجي غير هذا ماتصلح للسفر، وفي ناس قالو كوري واللي يقول يباني واللي يقول امريكي
انا ابي سياره ( امان - ثبات - تعيش معي - اهم شي تكون واسعه من داخل ) وغير هذا مابيها كل شوي فاتحه فمها
بصراحه محتار وابي فزعتكم