السلام عليكم ورحمة الله وبركاته
ومره ثانية
السلام عليكم ورحمة الله وبركاته
ومره ثالثه
السلام عليكم ورحمة الله وبركاته
ومرة اربعه
السلام عليكم ورحم..... بس خلاص امزح والله
انا لاحظت شي بعشاق الكوري تحصل مجنون الكوري يمدح بالسيارة الكورية ويمدح بتصاميم ومواصفات بس فيه تناقض غريب بعشاق الكوري
تناقض يبغى كل الناس تشتري كوري وهوا مستحيل لو معاه 200 الف يشتري جنسيس ويروح يشتري ماركة زي لكزس
أو يمدح بالسنتينيال ويقولك سيارة فخمه بس لو جمع قيمتها 280 الف تقريباً مايشتريها لا يروح يشتري أي سيآرة ماركة معروفه لكزس أو بي ام أو مرسيدس
والشي هذا لاحظتو بأغلب عشاق الكوري يمدحو بالجينسيس والسنتينال والكوريس بس ماعندهم الجرئة يحطو 200 الف فيهم
هل هم خايفين من إعادة سعر البيع الطايح؟
خايفين من جودة الكوري؟
خايفين من كلام الناس أن مايشتري الكوري ألا المطفر الي مايقدر على سعر لكزس وبي ام ومرسيدس
وآخر ملاحظة
الي يدخل عالم الأمريكي صعب يطلع من عالم الأمريكي بتحصل في المره الثانية يشتري أمريكي
والي يدخل عالم الياباني ينبسط بجودة الياباني وبتحصل السيارة الثانية بيشتري سيارة يابانية
أما الي يشتري كوري مالاحظت يجدد نفس التجربة ويشتري سيارة كورية مره ثانية من هيونداي أو كيا يعني ماعمري شفت واحد اشترى كادينزا اول مره وبعدين اشترى كيا كوريس
أتمنى الإجابة.. ....