نصائحكم وتجاربكم في تغيير كفرات اليوكن جنط 20

[دايخ بالهلي]

السلام عليكم

يااخوان موتري يوكن 2009 جنط 20 وكفراته كفرات وكالته

واللحين ماشي 32000 الف والكفرات قاسيه جدا جدا وسنة

صنع الكفرات 2008 طبعا قوديير وناوي اغيرها وش تنصحوني

بكفرات تكون لينه لان الجنط 20 قااسي مع العلم ان السياره للخطوط

فقط ولا تدخل البر شبه نهائي وياليت رايكم في كفرات ميشلام الفرنسيه

وشكرا

[دايخ بالهلي]

معقوله محد يدري

[سوناتا V6]

وعليكم السلام ورحمة الله وبركاته

أخوي بحكم أن الجنط قياس 20 شيء طبيعي يكون مطب السيارة عندك قاسي شوي

لكن حاول تقلل من هواء الكفرات شوي يمكن تنحل عندك المشكلة

مع أني أميل أكثر لاستبدال الكفرات لأنها إنتاج سنة 2008 وأنت راعي خطوط حسب ما ذكرت

بالنسبة لكفرات ميشلان الفرنسية فهي تعتبر رقم واحد بالسوق وسعرها غالي شوي

لكنها تستاهل كل ريال يدفع فيها من واقع تجربة على سيارة جي أم سي فان

يعني ممكن الطقم يطلع عليك بحدود الـ أربعة ألاف ريال مع عند الوكيل / الجفالي لأنك ما راح تحصلها في السوق !

لكن اللي يمكن ما تعرفه عن كفرات ميشلان أنها قاسية حبيتين وما راح تحس بفرق كبير !

أنا أنصحك بكفرات هونكوك الكورية بحكم أنها تتمتع بالليونة ومريحة جداً

كفرات مجربة وأثبتت وجودها بالسوق وأكثر أهل الجيوب والسيارات العائلية الآن يطلبونها

لكن أحرص على فئة / A تحمل حرارة عالية والمطابق للمواصفات المحلية

ولا تركب إلا كوري كوري وأحذر من الكفرات المصنعة في دبي أو غيرها .

موفق للخير ،،،

[دايخ بالهلي]

معقوله ميشلان قاسيه

كل ماقابلت احد يقول ركب ميشلان

[عاشق دايو]

أنا عن نفسي ما أعرف عن يوكن و أطاراته بس من تجربتي لسيارتي..

أنا عن نفسي جربت 3 أنواع أطارات لين الحين

الهانكوك ...أطار جيد لكن يتشقق مع الإستخدام ..

المشلان أول ما تركبها تكون لينه إلى 4 إلى 6 شهور تصبح قاسية .. يقولون سبب أنها

تجف...

الحين يوكاهاما صراح فرق أنه ناعم على شارع وغير كذا يوم أضرب ويلات صوت يطلع

محترم ...ههه...


وأنت و أختيارك بس تواير قود يير ممتازة ولد عمي شاري جمس أكاديا 2007 لليوم ما

غير تواير أعتقد أطارات قوديير ..

[UNCLE 6M600M]

هنكوك كنت مجربه عاللاند مريح لين وزين بس عيبه ببتعب من كثر ماترقع !!
سهله دخلة المسمار فيه
مشلان قال لي مره حق بنشر هي احسن شي بس مع فك الكفر كم مره للترقيع يصير يفصخ يعني يطلع من الجنط

[لحن المشاعر]

انا موتري جنط 17 او 16

كفرات ميشلان صناعه فرنسيه

طلع علي الواحد تقريبا بـ 850 ريال

بدون مجامله .. يستحق كل ريال يندفع فيه

مريحه جدا .. تحس انها ارسى واثبت على الشارع

من ناحيه القساوه والليونه ما اقدر احكم

لان مساعدات موتري تعبانه ويرداح معي مع كل مطب ويناقز

وجربت قبلها هنكوك ماشفت منها الا عيب واحد

اللي هي ان وجه الكفر وليس اللي تمشي عليه بالشارع !

هذا خفيف جدا ولين اي ضربه او حكه فوق 40 كلم

سلم لي على الكفر .. ولازم كفر جديد بحدود 500 ريال

ميشلان مركبها على الهدد لها 9 سنوات ماشاء الله تبارك الله

واحمل عليه ومرات اسافر فيه الظهر ولا قال اح ماشاء الله

وضلوع الكفر لازالت

عشان كذا ركبت ميشلان ع الجمس

اي استفسار حاضرين .

[أبو ماجد البشري]

فيه نوعيه ممتازه من كفرات فايرستون وهي تركب في سيارات جي ام سي من الوكاله في امريكا لكن النوعيه الممتازه اللي مايجي فيها كتابه بيضا و خط ابيض,, ممتازه ولينه جداً وهي امريكيه بالأساس لكن تصنع اكثرها باليابان وشركتها الأم بريدجستون وقيمتها بحدود500للجنط17 انا معي لها 3سنوات لاتشق ولا اي عيب .اما الميشلان ماعرفها لكنها شركه عالميه ومعروفه هانكوك جربتها بسيارات يابانيه ممتازه لكن حدها سنتين وتبدا بالتشقق وا اعتقد ماتصلح لليوكن لأنه ثقيل ..