Lexus gs 350

[كومارو2011]

السلام عليكم ورحمة الله وبركاته -

نصائحكم بخصوص اللكزس جي اس لاني افكر فيها حاليا - اللي استغربته فرق المواصفات الكبير بين وارد السعوديه والخليجي !

وش الافضل !

[عاشق تيوتا الام]

اكيد الخليجي هو الافضل بالمواصفات وحسب معلوماتي من ردود بعض الاعضاء ان معرض العمر يجيبها فل كامل وتدخل صيانة ابو جميل ما اعف كيف عن طريق ملئ استمارة او شيئ من هالقبيل

ولو تنتظر 2014 افضل لان قيرها اصبح 8 تبديلات بدلا من 6 وفيها جنوط جديدة ونظام سيري ايفون لنظام الخرائط الجديد

[الملك الاسير]

والله انا انصحك فيها بشده بس انتظر 2014 في فئة جديده ب 245 الف وقير 8 نمر والجنط تغير والكشافات ليد

انا الحمد لله طلعت جي اس 350 2013 قبل شهر بس يوم شفت التغيرات قلت الحمد لله

[Q50]

حتى انا محتار بينها وبين CTS 2014
اللي مخليني اتردد هو عزل الصوت
سمعت بعض الناس يقولون العزل سيئ
ياليت الشباب اللي يمتلكون السيارة يوضحون هالمشكلة
هل العزل جيد او سيء بالمقارنة مع منافساتها

وشكرا

[المحتار2009]

موديل 2013 كانت تباع الـGS DD عند معارض النسيم بــ 233 ألف ريال
وفوق هذا فيها ميزتين إضافية عن السعودي فتح الشنطة آلي والثانيه ناسيها والله
والـ GS-F السبورت كانت تباع بـ 228 ألف ريال
بينما عبداللطيف جميل يبيع الـDD بـ 266 ألف
والـF سبورت بـ270 ألف
وللمعلومية: ترى الصيانة وضمان المصنع مشمول عند عبداللطيف جميل وتقدر تتأكد في منتدى تويوتا العربية قسم الـGS
لذلك توكل على الله وخذ الخليجي أفضل مواصفات وأوفر بحوالي 33 ألف ريال ويمكن أكثر
والمعارض المتخصصة في الـGS البريمي
معرض العمر وأوتو سيتي

بالتوفيق

[Concept-Design]

اذا حصل خليجي افضل ..

[كومارو2011]

شاكر لكم يا اخوان - مشكلة معرض العمر اطلعت عليها في منتدى تويوتا العربيه وللاسف المنتدى ناااايم واللي لاحظته ان الوكيل واقف لهم في مسالة الضمان

اما العزل احد الاخوان يقولي ان السياره قاسيه. وان es افضل منها في العزل - بس كشكل انا منجرررف تماما لل gs - طيب موديل ١٤ متى ينزل ان شاء الله

[دكتور / مجنون]

اذا كنت تستخدم الماني، فالعزل راح يكون مستواه اقل..

انا كان عندي اودي 2005 وبعدين شريت لكزس GS 2013 والعزل سيئ مقارنة بالاودي، لا عزل الارض ولا عزل الصوت.. الأودي افضل بمراحل كبيره في العزل