السلام عليكم ورحمة الله وبركاته
يآ حبايبي قررت اني اشتري RAV4 بس محتار بين الدفع الرباعي و الدفع الثنائي .. وهل الدفع الرباعي يعمل عن طريق زر ام يعمل اتوماتيكياً ..
يآ ليت اللي عندو خبرة يفيدني لأني جدا جدا محتار .. !
و يعطيكم الف عافية ..
السلام عليكم ورحمة الله وبركاته
يآ حبايبي قررت اني اشتري RAV4 بس محتار بين الدفع الرباعي و الدفع الثنائي .. وهل الدفع الرباعي يعمل عن طريق زر ام يعمل اتوماتيكياً ..
يآ ليت اللي عندو خبرة يفيدني لأني جدا جدا محتار .. !
و يعطيكم الف عافية ..
نصيحة اخوك لا تشتري جيب دفع ثنائي والله راح تندم
ممكن الدفع الرباعي أغلى شوي بس والله يستاهل لانه وقت الحاجه (مطر او رمل او تغاريس) مايقول لك لا
والدفع الرباعي شغال على طول بدون زر اعتقد
لا طبعاً الرباعي افضل .... وخاصة من حيث توازن السياره
ثم من حيث لو رغبت النزول بها للمناطق الرمليه
واساساً الدفع الثنائي في الراف فور ما يجي الا على الفئه الاستاندرد الي جنوطها حديد وليس كروم ولا يوجد فيها زر نظام الاتزان
لاتشتري أي جيب وأنا أخوك إلا ربااااااااااعي
لأنك أكيد راح تحتاجه في أي ظرف كان سواء طلعه أنت والأهل أو طلعه أنت وأخوياك
والأهم من هذا كله سعره إذا جيت تبيعه بعدين سعره بيكون جيد وراح تلقى من يشتريه أحسن من الدفع الثنائي سعره ماراح يرضيك وبالصعوبه تلقى من يشتريه
وأخيراً أتمنى لك التوفيق والله يعطيك خيره ويكيفيك شره
مثل ما قالو الأخوان ، دفع رباعي
وش فايدة الجيب إذا لم يكن دفع رباعي ، الآن حتى سيارات الكروس أوفر أغلبها دفع رباعي ، وبعض سيارات السيدان دفع رباعي مثل التورس والسوبارو وغيرها
الدفع الرباعي له فوائد كثيرة سواء داخل المدينة أو خارجها
بالنسبة لنظام الثبات الإلكتروني VSC لا يتوفر إلا في فئة الفل كامل اللي سعرها 106 ألف تقريبا ويوجد بها وسائد هوائية أمامية + جانبية + ستائر ، يعني أمان بإذن الله
أما باقي الفئات اللي دونها يتوفر فيها فقط نظام ABS و BA و EBD وهي نظام مانع الإنغلاق ومساعد الفرامل وموزع الفرامل الإلكتروني ، بالإضافة إلا توفر وسائد هوائية فقط أمامية
الراف فور ينقصه فقط نظام TC التراكشن كنترول وهو نظام التحكم في عدم الإنزلاق ، وينقصه أيضا السعر المعقول لفئة الفل كامل
فوق المية أحس مبلغ كبير على سيارة 4 سلندر ، ودام وصلتها المية تقدر تأخذ إكستيرا 6 سلندر أو سنتافي 6 سلندر أو جراند فيتارا 6 سلندر والأخيرة بأقل من المية
بس الناس تبي سيارة لها شعبية عند البيع وسمعة طيبة للشركة وقطع غيار متوفرة وشبه رخيصة ، وهذه الأمور لها ضريبتها وهي قيمة سعر الشراء العالية
بالتوفيق
السلام عليكم
الاخوان ماقصرو والفرق في السعر للتماتيك حول 7 الاف ريال بين الرباعي والعادي
دام انك شاري السيارة جديده فالبملغ هذا ماراح يفرق كثير والدفع الرباعي حاجتة كبيرة ويعرفها اصحاب الجيبوب
في الختام انصحك بالاستخارة
بالتوفيق ومبروك مقدماً