قناة السيارات
اسعد الله مساكم
ياخوان عندي كابريس 2007 6سلندر طلعت عندي صورة بريق ينقط ومكتوب شيك على الزيت وشيكت على الزيت لقيته مو ناقص وماشي على الزيت تقريباً 2600كم اغلبها سفر ونوع الزيت ايسي ديلكو حق الوكالة وش المشكلة
وياليت تفيدوني كم تاخذ المكينة زيت مع السيفون 6سلندر
السلام عليكم ورحمة الله
بارك الله فيك تأكد اولاً انك اعدة برمجة الزيت بعد تغييره , اذا تم اعادة برمجته ومازالت العلامة ظاهره
فيجب فحص السيارة كمبيوتر ممكن يكون الحساس تبع الزيت فيه مشكلة
أخوكـ
الله يعطيك العافية اخوي امير هل يحتاج اني اغير الزيت على شان تروح انا باقي مغيرت الزيت وماشي على الزيت تقريباً 2600كم اغلبها سفر فصلت البطارية يوم بس باقي المبة معلقة كلمت واحد عندة كابريس 2006 قال هذي ولعت معه المبة بس تروح تسويلها برمجة عند اي محل فحص كمبيوتر وتروح واذد عندك خلفية كم علبة زيت تاخذ المكينة مع السيفون 6سلندر انا حاط فيها ست علب ونص مع السيفون وشكرا
الله يعطيكم العافية ارجو الرد على موضوعي للي عنده علم
اخوي بارك الله فيك مايحتاج تغير زيت نهائياً لانه جديد مثل ماتفضلت
ولكن المفترض بعد كل تغييرت زيت انك تعيد برمجة الزيت وهي مختلفه عن تصفير العداد
وتكون بهذه الطريقة:
1- اضغط على الزر trip و شغل السويتش بدون ما تترك الزر.
2 - تجيك علامة Service Engine
3 - اضغط على الزر enter اللي على يسار الدركسون لمدة ثانيه او اكثر
4 - بعد كذا ارجع أضغط على الزر Enter اللي على يسار الدركسون ثلاث مرات حتى تسمع نغمة تصفير عداد الزيت
5 - طفي السويتش واسحب المفتاح وارجع شغل السيارة بإذن الله ماعاد تلاقيها
او شوف هذه الفيديو ممكن يفيدك
أخوكـ
الله يعطيك العافية أخوي أمير ريحتني الله يريحك سويت الطريقة وراحت المشكلة
بس ماتقدر تفيدني كم علبة زيت مع السيفون المكينة 6 سلندر
رد مع اقتباس