السلام عليكم
انا عندي بليزر 2007 دبل
ماشي 90 الف كيلو مطلعه وكالة أصفار على يدي
ومحافظ عليه وغيار زيوته وكل شئ على افضل ما يكون ولا قد دخلت به طعس ابدا
تفاجآت قبل اربع ايام بصوت ( حنه ) كل ما ادعس على البنزين
المهم رحت لم الصناعية ومريت على 4 ورش كلهم يطلعون معي بالموتر
واذا نزلوا يقولون الكارونة تبع الدفرنس الصوت منها وانها بعد وقت بتجيم الكفرات
رحت عاد لميكانيكي اعرفه سوداني وقالي نفس المشكلة بالسيارة كارونة الدفرنس الخلفي
المهم وقفتها عنده عشان يتأكد واتصل بي قال يبي لك كارونةـ رحت للوكيل العيسى ما حصلتها عندهم
ولا حتى بدبي يقولون ما هي موجودة واذا تبيها نطلبها لك ( الكارونة ) وقيمتها 6500 ريال
عاد دورت بالتشليح حصلت دفرنس كامل خلفي بـ 7500 ريال
عاد توهقت ما عندي القدرة على مبلغ كبير مثل هذا ــ كفون افزعوا لي وش الحل وين اروح ادور
السيارة واقفة بالورشة الحين ـــ وبعدين وش اسباب الخراب هذامع اني محافظ هل هو عادي وطبيعي .!