مشكله ليس لها حل في صاد

[راؤول]

السلام عليكم ورحمه الله وبركاته
اليوم سأقدم لكم غباء الامريكان في صنع السيارات

طبعا انا اتحدث برأي شخصي

عندي سياره ماركيز الفين واثنين امريكي
السياره يا طويلين العمر في مخرجين للفولت اثنين 12 فولت

واحد مابين الدرج مال المشروبات وهذا مال اللايتر
والثاني قريب من رجول الراكب وايظا 12 فولت

واثنين يضخوا فولت سواء كانت السياره تشتغل او مطفيه

الزبده ومافيها مدام انتوا مركبين اثنين مخرجين لطاقه كان خليتوا واحد يشتغل على طول سواء السياره طافيه او شغاله والثانيه لما تنطفي السياره يوقف عنها الضخ

بس في السيارات الامريكي لاا
بتضل الام بي ثري شغاله وهذا معناها انها بتسحب من البطاريه مباشره ( مدام انها تسحب 12 فولت يعني من البطاريه ) ولو بخليها يوم كامل شغاله بتستهلك البطاريه في اقل من شهر


يعني اليوم حاست في مخي ابغى اركب الام بي ثري مشغل الصوتيات بحيث لما اطفي السياره تنطفي الام بي ثري ركبتها عند مشغل اللايتر ما تنطقي وركبتها عند رجول الراكب هم ما تنطفي واحترقوا على فيوزين وبدلتهم

يعني انا مو شغلتي في اليوم مثل بطفي السياره وبشغلها اكثر من خمسه مرات ما بصير اشيل الام بي ثري واحطها اشيلها واحط

مو تقولون كسل في الشعب السعودي بس هذا غير منطقي وغير مقبول في عالم الالكترونيات
الالكترونيات بشكل عام صممت لراحه البشر مو لتضييع وقتهم
انا ما اقول ان هالشيل والحط هو الي بيضيع وقتي بس ما احس انه له داعي

والله ويش قولكم انتم؟

[A M i R]

قولنا تروح لعند كهربائي شاطر يوصل الولاعات على السويتش بحيث تشتغل مع السيارة وتطفي معاها

[راؤول]

اقول
المشكله انحلت صحيح والجميع يقول انها سهله بالمرة
بس اعتقد الكل يعرف الصغير والكبير ان الفورد حساس بالمرررررررررة
لدرجه ان الفيوزات الي بدلتهم الي تبع اللايتر اثروا على السويتش مال النور بحيث انه يضل شغال طول ما السياره تشتغل ومن اطفيه يطفي
شرايك؟

[احب ترابك يانجد]

طبيعي بكثير من السيارات كذا وبالأخص التويوتا القديم من 97 وتحت الجديد مادري عنه لكن مو غباء الامريكان الغبى حنا اللي ماعندنا الا العذروب انا موقصدي اني اتهجم اوشي لاوالله لكن اسمح لي والسؤال هل له ضرر على السيارة طبعآ لا ماله اي ضرر تدري ليه فيه فيوز لوحصل التماس لاسمح الله على طول يقطع اذا انقطع عندك فيوزين مومعناته انه عيب مصنعي العكس الاكذا تقدر تحدد امان السيارة من اقل سلك يخرج كهرباء من السيارة تدري ليه لأنك تخلي ال ام بي ثري يجلس فترات طويله لذلك تحتر الاسلاك ويقطع على طول العكس السيارة فيها امان انت فكر فيها لكن مخرج الكهرباء الثاني مو ضروري تكون شغال عليه طول وضع سبير لااكثر ولا اقل واسف ع الاطاله وارجو انك ماتاخذ بكلامي لكن هذا الواقع لاني مجرب الفورد وشعبي بحت وافضله على 90 % من جميع السيارات سلااااااااااااام

[ibra991]

خلك من المرسدس وتعال شوف الجيب الخليجي التيوتا

[البتارRS]

شوف ياحبيبي انا عندي لك الحل
خذلك مشغل اسطوانات (سي دي ) وركبة بدال المسجل والاغاني الـ mp3 الي انت حاطها في مشغل الـ mp3 حطها في السي دي تشترية بريال واحد فقط لاغير واشتري دماغك والصوت راح يكون اوضح واصفى
((مُجرب))

[راؤول]

يعطيكم العافيه يا شباب
بس حبيت اقولك يا احب ترابك يا نجد انا ما اخذت الماركيز الا عن قناعه
حتى ناس واجد يلوموني وما زالوا يقولوا هذا مالت شياب وش لك بيها خذ لك اكورد خذ لك كامري
اقول لهم انا احب الماركيز
IBRA
سلامات حبيبي ويش دخل الجيب في المر سيدس في موضوعنا؟

والله يا البتار فكره السيدي فكره جيده ومثل ما قلت اصفى واوضح

بس المشكله ان انا واحد من الناس كنسلت الكاسيت بسبب انه شغله قديمه ثانيا ما احب يكون في الدرج فيه كاسيتات وزحمه ومادري ايش
هم كذلك السيديات بصير نفس شي بشيل سيدي وبحط سيدي وبدور هذاك السيدي وماحب هالشغلات دي
خلني على هالريموت مال الام بي ثري واريح دماغي وما رايح يضر لو ما صار داك الصفاء لان انا مو في اسيتديو بسمع الناس

ولكم تحياتي

[M~أمير بكلمتي~M]

اعتقداخوي ان اغلب اجهزة الـMP3 معاها جهاز يوجد فيه زر للأطفاء وايضا على نفس الجهاز

فالحل مادامك مو كسلان اضغط الزر وانت تبي تطفي السياره

خلني على هالريموت مال الام بي ثري واريح دماغي وما رايح يضر لو ما صار داك الصفاء لان انا مو في اسيتديو بسمع الناس

للأسف الشديد اخوي لو انا بجنبك وشغلة الراديو وحطيت على نفس الاذاعه تبع الـMP3

راح اسمع الي عندك وبكذا كم ذنب خذيته على الماشي كفانا الله وأياك

بصراحه انا افضل تاخذ لك مسجل سيدي واشوف الناس طايحه في الشاشات شكل روعه

وصوت اصفى والسيدي Mp3 ياخذ كم هائل من الصوتيات في سيدي واحد

أخوكـ