الفزعه لاخليت منكم تكفون

[الظـامي]

السلام عليكم ورحمة الله وبركاته ..

أعزائي الاعضاء أنا لدي جيب في إكس آر موديل 95 ومحتاج قطع

اللي هي راس عكس خارجي يمين ويسار( اي بي اس ) وعجزت احصلهم بالسعودية

في الرياض والقصيم حتى الوكيل لاتوجد لديه آمل من عنده حل يخبرني

أما أي ن تباع في السعودية أو خارجها وليت أرقام المحلات لاهنتو

انتظر ردودكم لعلها تحمل الفرج لأخيكم

مودتي

[traveller]

في نوع ياباني نوعية جيدة موشرط الاصلي.دامك مضطر.

[الظـامي]

وين احصله اخوي ماحصلت شي حتى ياباني لان الموتر اي بي اس

حصلت عادي ( بدون اي بي اس ) وكاله لكن مايصلح لازم الغي الاي بي اس

شاكر مرورك واهتمامك

ولازال البحث جاري والفزعه مطلوبه .. !!

مودتي

[الظـامي]

للرفع لعل وعسى نجد الحل .. !!

[فني سيارات]

اكيد في قطر او الشرقية موجود
عطني رقم القطعة او على الاقل صورة لها

[الظـامي]

السلام عليكم ..

أشكر كل من اهتم بالموضوع وأبدا رأيه هذا أولاً

ثانياً ابشركم انحلت المشكلة حصلت بالتشليح سيارات من اليابان

وحصلت القطع وجيدة جداً لكن واجهتني مشكلة وهي عدم مناسبة

القطع مع الفلنجات فاضطريت ارجع للتشليح وآخذ نفس الفلنجات

وركبت القطع الحمدلله مع العلم أنك تستطيع فك الترس اللي على راس

العكس وتركبه على راس ترس عادي لكن الحمدلله ما اضطريت لعمل

هذا الشيء فقد حصلت على القطع كاملة .

الشكر مرة أخرى للأخوين الكريمين وأخص أخي الفاضل فني سيارات .

مودتي