بسم الله الرحمن الرحيم ,,
اولا سيارتي مكسيما موديل 99
كنت امشي عليها وما دريت الا والحرارهـ على الاتش ,,
السيارهـ مليانهـ ماء,
بس ما ادري وش جاها,, فجأهـ كذا ارتفعت الحرارهـ
وبردتها ومشيت عليها مسافهـ بسيطهـ الا وارتفعت وحالتي معاها كذا اذا ارتفعت فوق النص بشوي
اوقف ابردها واواصل طريقي الي البيت ,,
من بكرى جبت سطحه و وديتها للورشة
قالوا لي طرمبة الماء شيكنا على الطرمبة سليمه ودفع الماء جيد ,,
غيرنا بلف الماء الي بالكوع ونفس المشكلة ,,
وديتها مركز كمبيوتر قالي ابشر بطلع المشكلة وعطيته مية ريال ولا استفدت شي
المشكلة تدرون وش قالي ؟؟!!
غير البلف وغير الاديتر ونظف مكثف المكيف !!
فتحت فمي ولولا الحيا لاسطره كف على فرته ,,
قلت الصبح اغير بلف وباليل اغيرهـ مرهـ ثانية ؟؟ تكذبون علي ؟؟
تمشكلت معه ومشيت ..
واخوكم حيران الحين وبدون سيارهـ ,,,
تكفون وش تطلع المشكلة
ارجوا الرد تكفووون