مكيـف هـوندا أكـوورد (يفشل )

[x o]

بسم الله الرحمن الرحيم

السلام عليكم

بصراحة مكيف الأكوورد يفشل مو من ناحية التبريد بالعكس تبريده ممتاز

لكن عليه (ريحة) الله لا يشممها لمسلم الله يكرم الجميع يعني اوقات تكون قوية واوقات ها نص و نص

والكلام هذا من اول ما اشتريت السيارة 2005

رحت الصيانة وقالي الشيف اوه اقصد (المهندس) <<< ازهلني

انو من الفريون وجميع الأكوردات 2005 فيها المشكلة هذي <<< صريح الرجال

لأنه الشركة غيرت الفريون على كلامه انه اقوى من اللي قبله يعني حطولنا فريون ابو (ريحة)

وفوق هذا كله لما يكون التكييف على المركزي ويشتغل الفريون يطلع صوت

زي الصفير (زززوووووط)<<<زي دعاية الزيت بس اوقات مو دايما يعني الفريون يفصل ويشتغل 20 مره

5 مرات يطلع الصوت هذا ما ادري سيارتي معاها غازات ولا ايه ؟؟

نرجع للأهم ( الريحة)

اعرف كذا واحد معاه اكوورد 2005 يشتكي من المشكلة هذي وتتفاوت قوتها من سيارة لأخرى بس المهم
انها موجوده

نشبت للصيانة زي الشكوة بالحلق لدرجة اني كنت بضرب (المتهندس) بضم الميم وفتح التاء <<< عجيب يالقوي

المهم اخر مره قلي تعال بعد اسبوع

طالبين بخاخ من المركز الرئيسي للفريون (انبسطت) جيته بعد اسبوع وجاب كيس وطلع منه البخاخ

واخدته منه بشوف ايش هوا طلع معطر (بالفراولة) بيبخه جوة المكيف

(طيب اللي مايحب الفراولة ) انا عن نفسي كنت اتمناه بالموز

وبعد القصة هذي ولا جيت الصيانة ولا حجيها

ومشكلة المكيف مستمرة وكرهتني بالسيارة فيه ( حـــل ) ولا أحــل

[الشمري]

[align=CENTER]

[/align]



وعليكم السلام ورحمة الله وبركاته ،
تحية طيبة وبعد ،،

أقتباس من الرسالة الأصلية x o
مكيف الأكوورد يفشل مو من ناحية التبريد بالعكس تبريده ممتاز لكن عليه (ريحة) الله لا يشممها لمسلم الله يكرم الجميع يعني اوقات تكون قوية واوقات ها نص و نص
أخي الفاضل ox ينبغي عليك إستبدال " فلتر المكيف، وفلتر الهواء " ان شاء الله تعالى سوف تذهب الرائحة الكريهة التي ذكرتها، للمعلومية فلتر المكيف يقع خلف الدرج وان كان تنظيفة احياناً يفي بالغرض المطلوب، فضلاً عن ذلك يبدو لي تلك الرائحة لم تظهر لك الا خلال دخول فصل الصيف أي لم تكن ظاهرة العام، وذلك لسبب آخر وهو سكون الزيت والفريون السائل لمدة أشهر خلال الشتاء لذا كان ينبغي علينا ان ندير المكيف لمدة خمس دقائق على الأقل كل عشرة ايام او أسبوع كما يشير كتيب المركبة. كما آمل أن تفيدنا فيما بعد عن الحالة بعدما يتم استبدال ما تم الأشارة اليه.

ولك من أخاك كل الود والتقدير،

وتفضلوا بقبول وافر التحية والإحترام - الشمري

.

[waleed4w]

نفس الشي بدأ يحدث معي الان ...

وباذن الله سأفعل ماتقول عزيزي الشمري .. وشرا على النصيحه ..

[x o]

مشكور اخوي الشمري على النصيحه
بس المشكلة من اول ما اخدت السيارة اكثر من سنتين مو شي جديد
وبالنسبة للفلتر كلمت المتهندس قالي هذا ياعمي مافي كابريس عشان في غير فلتر
هوندا اكوورد مافيه فلتر والله العظيم كذا قلي يعني ايش اسوي

[vti-E]

شي بسيط تسويه ويحل لك المشكلة

كل مرة تبي تنزل من السيارة وانت مشغل المكيف طف الاي سي وخل المروحه تشتغل 30 ثانية تقريبا ثم طف المروحة وانزل تمشي على هالطريقه كم يوم ان شاء الله تروح الريحة

[الشمري]

[align=CENTER]

[/align]



السلام عليكم ورحمة الله وبركاته ،
تحية طيبة وبعد ،،

أقتباس من الرسالة الأصلية x o
مشكور اخوي الشمري على النصيحه
بس المشكلة من اول ما اخدت السيارة اكثر من سنتين مو شي جديد
وبالنسبة للفلتر كلمت المتهندس قالي هذا ياعمي مافي كابريس عشان في غير فلتر
هوندا اكوورد مافيه فلتر والله العظيم كذا قلي يعني ايش اسوي
أخي الفاضل ox هلا سألت المهندس أن كان بالأمكان تركيب فلتر لا سيما من ناحية الصحة يجب أن يكون هناك فلتر وذلك لمنع وتصفية كافة الروائح وما نحو ذلك الدخول للمركبة. أنتظر منك الأجابة، وفي حالة أن لم يجيبك المهندس أو انه أعتذر عن القيام بذلك ثق سوف أسعى لإجاد لك حل ان شاء الله تعالى، وآمل تجربة ما أشار اليه الأخ vti-E مشكوراً

ولك من أخاك كل الود والتقدير،

وتفضلوا بقبول وافر التحية والإحترام - الشمري

.

[x o]

اخوي الشمري شاكر ومقدر لك تواجدك بالموضوع
اما بالنسبة للفلتر ذهبت واستفسرت من المهندس على الفلتر
نفس كلام اول مافيها هوندا اكورد 2005 مافيها فلتر
بس الجديد بالكلام انه قالي الــ2006 -2007
موجود فيها فلتر والسيفك موجود فيها كمان
اما النسبة للتركيب يقول مايركب حتى لو ب 10000 الاف
تحياتي x o

[msh3l1]

صحيح كلام المهندس ان موديلات 2003 - 2005 ما فيها فلتر

لكن مكان الفلتر موجود

كل اللي عليك انك تشتري الفلتر من الوكاله و تركبه

مكانه وراء الدرج اللي قدام الراكب








سعره بالوكاله بحدود 270 ريال


بالنسبه للريحه انا ما تطلع عندي الا اذا كان فيه ريحه قويه بالسياره قبل تطفية المكيف الاخيره

مثلا جايب اكل من مطعم او ركب واحد معي و دخن

بالتشغيله اللي بعدها تطلع الريحه و تستمر لثواني بعدين تروح