حكايتي مع لكزسLS400 حب من اول نظرة !

[حبوب ابوظبي]

سلام عليكم

صراحة لكزس سيارة غير عادية ومثل ما يقول
المثل اسئل مجرب ولا تسئل طبيب


ألسيارة ما اعليهها كلام

السيارة 8 سلندر
خليجي
ابيض
هدوئ ومتانة وقوة
وة
ما شيء صرف بترول وايد

قليلة الاعطال

بس عبي بترول وحط ريلك
بدل زيت وفلتر وبس وروح
سيارة كشخة من بر ومن داخل

سافرت فيها السعودية صراحة ما حسيت بالطريق
ابدا
مريحة وايد وثانيا ماتسمع صوت المحرك او المكينة ابدا
تحس بهدوء مطبق مجلل في السيارة هدوء ما يسبق العاصفة ههههههههههه

ثانيا تحس كانك علي متن الخطوط الجوية السعودية او طيران الامارات
من رهبتها لما تجلس علي كرسيها تحس نوع من الرهبة ولشعوو الغريب والجميل صراحة

كل الي برا في الشارع يمتنو يجلسو مكانك

لما تركبها ووتجول فيها تحس بنوع الهيبة والوقار والفخامة

حتي الموديلات القديمة 96 وبعدها نفس الشيء

وثانيا سعرها فيها ما راح تخسر شيء لو تبي تبيعها
الكل يبي يشتريها منك
موب مثل البي ام دبليو

لكزس صراحة اتمني اي واحد جربها يقول تجربتها معها من غير مبالغة
أنصح اي واحد يشتريها ويجرب
التجربة خير برهان وبس وكفاية
انتظرك ردروكم

[D 7 O M Y]

الله يخليها لك ويخليك لها

والله يعطيك من خيرها ويكفيك شرها

على فكره كم موديل سيارتك ؟؟ وهل فيها شاشة ملاحه ام لا ؟؟

لأني مره من المرارير شفت LS400 في الشرقيه فيها شاشه على مااعتقد موديلها 98 او 99

تشكراااااات افندمممممممم ... دحوومي

[حبوب ابوظبي]

تسلم دحووومي

اخوي

موديل 99 خليجي شرايها مستعملة من دبي
وثانيا مافي ها شاشة
الي فيها شاشة هذا وراد عادة يكون وارد امريكا او المانيا

ما انصح في الوارد عليك بالخليجي زين

لان الوارد يرتفع الحرارة فيه وتبدل شيء قدام في الميكينة


علي فكرة انا رحت فيها الي النعيرية الشرقية وتجولت فيها
رحت كوفي شوب في الدمام بعد

[C A R R E R A]

السلام عليكم

علي فكرة انا رحت فيها الي النعيرية الشرقية وتجولت فيها
رحت كوفي شوب في الدمام بعد

وناسة والله

واحد من أخوياي كان عنده ليكزس ls 400

الله يقول ان خسارة انه باعها وهذا بعد ماجرب البيئم والكاديلاك والرويال

يقول هل اللكزس مافي افضل منها

وحتى انا افكر ابي أشتريها لأخوي لأنه الحين يبي يشتري سيارة حلوة وعائلية

وابي أنصحه بهذه ولأنه كان معه سوبارو اوت باك موديل 2000 وجاتله ضغط وسكر منها وومن مشاكلها

على العموم موضوع جميل اخوي حبوب ابوظبي

وننتظر تقرير عن هذه السيارة الحلوة

لأني ما تحملت أشوف صورة الطبلون الداخلي مال اللكزس

لأني مره من المرارير شفت LS400 في الشرقيه فيها شاشه على مااعتقد موديلها 98 او 99

ههههه أعجبتني هل الكلمة المرارير


والسلام عليكم

[saleh_ssj]

اخوي انا جربت السياره فتره بسيطه

وزي ماقلت فخامه وراحه وصوت المحرك هادى

وصرف البنزين انا معك ماتصرف ابد

كنت معبي السياره فل قبل الرياض بـ200 كيلو ودخلت الرياض ورحت السويدي ثم العليا ورجعت للمكان اللي انا مشيت منه مع اني كنت مسرع امشي 180 الى 200 (كنت متهور والحمد لله منب اسرع الحين )وصلت للمكان والبنزين فوق النص


حتى قطع الغيار مناسبه للسياره بما ان السياره تعد من السياراهت الفخمه



تـحـيـاتـي

saleh_ssj

[abdullah2001]

ممكن نعرف أسعار في السعوديه والامارات الموديلات إلي فوق 99
وهل أخر شكل لها هو موديل 99 وبعدها تغير لي الشكل الجديد أو ما يسمى LS430

وماهي أفضل موديلات هذا النوع من ناحية قله مشاكله

من ناحية قطع غيارها الاشياء الاستهلاكيه وغيرها كيف يا إخوان هل هي متوفره في الرياض وهل أسعارها مناسبه

من ناحية الصيانه الافضل الواحد يعمل لها صيانه كل كم كيلو ؟ وأيضا بالنسبه لي الزيوت كل كم يتم تغير الزيوت الماكينه والغير وغيرها ؟

شكرالكم

[CamSHAFT]

سيارة رائعة تسبب الادمان
عن نفسي استغرب اللي يشتري جديد ويقدر ياخذ افخم بس مستعمل
مثلا بدل مما اشتري كابرس رويال 2006 بـ 120 الف, بهالسعر اشتري لي لكزس 430 2001-2002 احسن من الف كابرس واكشخ ووووو

[حبوب ابوظبي]

أخوي عبد الله

اسعار السيارة بين السبعين الف الي الستين الف
ثانيا ما في قطع غيار استهلاكية بس سفايف ودرام ويل فقط تبدلها كل سنة اة سنة نص
ثانيا تبديل الزيت بعد 3000
او خمس كيلو متر مع فلتر
الشكل الجيد تغير بعد موديل 2000
الموديلات كلها حلوة بس انصحك 98 فما فوق
اي واحد يبي يشتري من دبي انصحك في موقع حلو

في دبي العوير معرض السيارات الوحيد في دبي مجمع المعارض
http://www.usedcars.ae