طلب من المشرفين والأعضاء الذين لهم باع طويل في تعديل السيارات وتعبيثها يتفضلون ....

[AZN]

بسم الله الرحمن الرحيم

أخواني أحد أخوايي كان يبي بليزر موديل الثمينينات .... وبعد بحث طويل لقينا واحد تقدرون تقلون ماشاءالله لقطة ... ونظيف شوي الماكينة حالتها كويسة نوعا ما ..
القير جديد فحصناهـ ... المكيف توب ماشاء الله والأذرعة والركب والدفرنش ووو كويسة

وشريناها 8000 ريال ......


على العموم ... أنا واحد ماعندي خلفية في أمور التعبيث والتعديل ... وش رايكم وش نسوي في السيارة من جميع النواحي ( ماكينة وغيره وووواكسسوارات ووو...)

المبلغ التقريبي بين 20000 إلى 30000 ريال .....

وأنا في الشرقية هل عندكم كراجات معروفة في الشرقية أو في الخليج معروفة في هذي الأمور .......

ويعطيكم العافية ,,,

أخوكم

AZN

[$المهندس$]

السلام عليكم

ولله اخي الكريم اول شئ تغير المحرك لانه المحرك الي عندك قديم نوعاً ما

ف افضل محرك هو ال LT1 او LS1 و اذا تبي اقوي 454 و اسعارهم معقول ....

و الموصوع يبيله جلسه طويله و اول شئ لازم اختيار المحرك المناسب ....

[AZN]

مشكور أخوي ...... وياريت طولي بالك معاي ........ لأني معرف في هذي السوالف أبدا ........

بس وين أحصل المكاين هذي في الشرقية أبي محلات وأبي محل يركبها .... وسعرها تقريبي بكم ؟

مافي كراجات مشهورة في الخليج تسوي كل شيء وتفكنا وشغلها مضمون ..........

ويعطيك العافية ... وتحملنا شوي ...........

[$المهندس$]

هلا ولله اخوي

المحركات الي ذكرتهم محركات شفر ال LT1 محرك كمارو و ال LS1 محرك الكمارو الجديد فوق ال 97 و يركب يبيله ترهيم ...

و موضوعك مطول يعني اختار المكينه الي تبيها و دول الخليج مميزه بجيبات و خاصتاً الامارات ...

و سعرها ممتاز ...

[bashar_255]

تبغي ورشة في القطيف ؟

[CamSHAFT]

من الاماكن اللي تحصل فيها مكاين نظيفة ورخيصة هي التشاليح

اعرف واحد من الشباب حصل مكينة لومينا 2003 V6 نظييييييييفة جدا في التشليح بمبلغ 6000-7000 ريال
بينما في الوكالة جديدة بـ 34 الف ريال!!!!

[AZN]

مشكورين على الردود أخوي بشار ياريت تعطيني اسم ورش في القطيف ثقة ومحترمة ..........

ويعطيكم العافية جميعا