الديماكس أفضل من الأفاون ........ صدقوني

[الأفالوني 2005]

بسم الله الرحمن الرحيم

السلام عليكم ورحمة الله وبركاته ،،،،،،

يمكن الموضوع مبالغ فيه شوي ، بس بصراحة أنا جربت الايسوزو ديماكس فتفاجأت بالراحة والعزل الصوتي القوي لدرجة إني حسيت بالفرق بينه وبين الأفالون من ناحية العزل الأرضي وتنسيم الهواء والله من جد فرق ، اكيد انكم بتقولون خبل أو موب صاحي اللي كتب هالموضوع لكن أنا جربت الثنتين والتجربة خير برهان . وشكرا لكم .

[ابو عبدالهادي]

وعليكم السلام

بس ابي اعرف وش تقصد "العزل الأرضي" ؟


وبعدين تنسيم الهواء على كم سرعتك؟

[HOLKAMANIA]

عاد تصدق اني جربت سيكل موديل 2002 وطلعت الراحة والعزل (الأرضي) أحسن من الأفالون

[jay-z]

الافالون مشكلتهم مهتمين بالفخامة المغرية لدرجة انه الشخص ما يلاحظ الاشياء الاساسية وهذا اللي كرهني بالافالون

[salehhd]

ما له داعي التريقة اخ هلك مان

اعتقد لو جربنا القاري يمكن يطلع اهدى ولا شرايك

[HOLKAMANIA]

اخوي salehhd انا اتريق على شي غلط اشوفه قدامي
والا معقوله العزل والراحة يتفوق الديماكس على الافالون

وان كان صادق الرجال فهاذا يدل على واحد من 2

اما ان الأفالون الي ساقها كانت مقبوعة من قبل تريله وجه بوجه

او انها كان فيه واحد ساقها قبله نشب فيها بصبات الدايري وهو ماشي 180

وثنكيوووووووو

[أبـوأسـد]

صراحة ما استغرب العازل الصوتي لدى الأيسوزو الديماكس أنه ممتاز لأني جربته وما أخفيك مدى حبي الشديد لهذي السيارة الممتازة
بس شوي صعبة أنها تخش في المخ أن الديماكس أفضل من الأفالون في العازل صوتي!
مع أني أيضا ما أستغرب أن العازل الصوتي في الافالون شوي لك عليه لأن تويوتا ما ضبطت أبدا العازل الصوتي في السيارات السيدان!
بس مرة وحدة ديماكس أفضل من أفالون؟؟؟ من ناحية العازل الصوتي!!!
أجل ليش أشتري سيارة بـ 115 ألف ريال وهي كذا!
أشتري ديماكس فل أبشن 79 ألف أصرف لي من التنسيم والعازل الصوتي على سيارة غالية؟
ولا تنسون الديماكس ديييييييييييييييزل!

[إيسوزاوي]

والله ممكن ليش لا... ترى الإيسوزو مب هين ... ترى الديماكس فيه مواصفات ما تتوقعها...مثل الــ ABS