قناة السيارات
مرحبا شباب ،،
ادري غثيتكم بالـ430 لكن وش اسوي ، سعرها مهوب سهل عشان ما اقتنع فيها !!
حبيت اسألكم لو كان عندكم أي اخبار عن الـ2006 ..
لأني قد شفته قبل وما اشوف أي فرق بينه و بين الـ2005 ..
و الآن السؤال ..
هل آخذ 2005 ولا أنتظر الـ2006 ؟
لأنه سعرها مبالغ فيه جدا جدا جدا ..
فبشوف لو كانت الـ2006 مب متغيره أخذت الـ2005 بعد ما تنزل الـ2006 عشان ترخص شوي ..
ولا وش رأيكم ؟
أحد عنده أي اخبار عن الـ2006 ؟
و شكرا جزيلاُ
انتظر ولا تستعجل
واحتمال كبير ان تتغير 2006
لأن غالبا الموديلات اليابانية تتغير بعد خمس سنوات
والشكل الجديد لـ 430 هو موديل 2001
2006 نزلت وماتغير فيها ولا مسمار
العين الحين على 2007 ومتوقع تتغير بالكامل وتصير 460 بدل من 430
اذا كنت معزم على 430 انصحك بموديل 2005 لان سعره وصل الى 235000 ريال خليجي بضمان عبداللطيف جميل
اخوي احتمال تبي تتغير بس بتكون سعرها ناااااااااااااااار
تحياتي
فكرتك حلوه عزيزي
واذا انت مقتنع بل430 فخذها ولاتتردد واذا ماتغيرت هذي السنه بتتغير في اللي بعدها
فلاتفكر بتغير السياره والا صدقني بتكره سيارتك اذا ظهر الموديل الجديد
هل من المعقول ان تدفع 260000 ريال في سيارة سوف تتغير بعد سنه ونصف.
وهل من المعقول ان اشتري سياره بــ260000 وهي لم تتغير منذ اربع سنوات وبامكاني الحصول عليها مستعمله بــ120000
هل من المعقول ان اترك فخامة وهيبة وكشخة الرنج روفر والبورش كايين واشتري لكزس.
بصراحه اللكزس اصبحت سيارة عاديه لا تلفت النظر بعكس منافساتها اللذين تم تجديدهم منذ فتره قصيره ولم تنتشر بعد.
اسف لانني تدخلت في شيء من خصوصياتك لكن كلمة حق لازم اقولها.
اخوي 2006 نزلت وعلى ما أظن موجوده
بمعرض العربه على شارع التحليه بالرياض لكنها لم تتغير
وراح تتغير الاغلب في 2007 كلام بعض مندوبي الوكاله والناس
انا اموت باللكزس موت غير طبيعي وافضلها على الالماني وجميع السيارات
لكن لكل وقت وظروفه يعني 260الف موب سهله واشتريها ثم تتغير بعد سنتين
الرينج روفر توه متغير وقدامك وقت عشان يتغير الرينج
لكن اذا كانت ماسكه لكزس معك فأنا اقول 2005 جديد او مستعمل او حتى 2004
عشان حرام تدفع 260 الف وبيتغير
( وجهة نظر )
وشكراا
مرحبا ..
احب أشكر كل اللي ردوا على الموضوع و أبدوا رأيهم ..
سبب اختياري للكسز بصراحه لأنه أنا حدي بالسياره 250-260 أكثر من كذا ما اقدر أدفع !!
و ما فيه الا اللكسز هي اللي لقيتها كويسه و فخمه يعني باختصار (عائليه) ..
الاخوان اللي يقولون ألماني ، الفياقرا 350 تدرون كم سعرها ؟؟!
291 الف (يعني 300 الا شوي) خير ؟؟
هذا و شكلها بيتغير هالسنه و الشكل الجديد اجل بكم ؟؟؟
و البي ام 730 (الشكل القديم) بـ280 ، أجل الـ740 الشكل الجديد بكم ؟؟
ما فيه غير اللكسز الكل يمدح فيها و مواصفاتها لا يعلى عليها ..
طيب دام جيب اللكسز 2006 LX تغير شكله و خلاص كم صار سعره (وكاله) ؟
بس بصراحه أشوف مميزاته مب ذاك الزود حتى تهوية كراسي (هلوز) ما فيه !!
انا بصراحه ما استفسرت عنه كثير بس يا ليت لو أحد عنده معلومات عنه (يعني لو كان فيه فرق بينه و بين الـLS كبير ) ياليت يذكره ..
معليش أدري ثقلت عليكم بس انا الآن في الخارج ولا كان سألت و درت الوكالات
بس حتى ولو (اللي يسأل ما يتوه)
و شكرا مره ثانيه
