سؤال مهم للي عنده فكرة عن تصدير السيارة من الامارات للسعودية ... عاجل جداً يا أخوان..

[عبدالله383]

السلام عليكم ورحمة الله وبركاته ،،،

لدي صديق عزيز علي أشترى مؤخراً لاندكروزر موديل 98

والسيارة شكلها من برا مقلوبه كامل لكزس من جميع الجهات ( الواجهه ، الخلفية ، الجنوط ، كل شي )

بس من الداخل لاندكروزر ومسجل في اوراق التصدير لاندكروزر.

المشلكه الأن هل يستطيع استخراج لها اوراق من المرور والاستمارة ..؟

وهل السيارة تقدر تمشي في الفحص الدوري أم لا ..؟

أرجو من الاخوان الاعزاء اللذين لديهم فكرة عن الموضوع
افادتي بكل الامور التي قد تحصل مع صديقي

ويعطيكم ألف عافيـــــه

اخوكم
عبدالله
777777
77777
7777
777
77
7

[Accord V6]

إذا يعرف له واسطه يقدر يسويها


أما إذا ما عنده فأنسى إنها تعدى


لأن هذي تعتبر تغيير ملامح للسيارة



تحياتي

[عبدالله383]

مشكور أخوي Accord V6 ويعطيك ألف عافية
على الرد والافادة

بس دامها ممنوع ليه قدر يصدرها للسعودية من البدايه
اقصد الجمارك ليه خلوه يصدرها ليه ما قالو له انها ممنوع

أرجو من الاخوان الإفادة أكثر في الموضوع

[الـصـقـار]

المشكله الحين بهيئة المواصفات والمقاييس اللي لازم توافق على البطاقه الجمركيه ..... وانت تقول مقلوب لكزس يعني مايدخل .....


بعدين خله يتأكد انه ماهو ياباني يعني الدركسون يمين وحطوه يسار لان فيه واحد صارت له وولعت السياره عليه بسبب التماس بالكهرب

[Polite]

[align=right]مرحبا أخوي عبدالله .. كيفك ؟
أنا توي واصل من جدة وكنت ناوي أرقد ..
لكن يوم شفت موضوعك قلت لازم أفيدك باللي عندي ..
وسفري لجدة كان لنفس غرض صاحبك 100% ..

أخوي ،
واحد من أصحابي أشترى جيب باترول من الإمارات ،
وركبوا عليه لوحة جمركية (( الخلفية بالأسود والكتابة بالأبيض )) ،
ويوم جاء هنا وقال يبي يغير اللوحات قالوا له لازم تروح تجيب ورقة موافقة من هيئة المواصفات والمقاييس ..
وهنا عندنا بالمدينة المنورة مافيه فرع لها ،
فاضطر الرجال أنه يسافر لجدة وأنا رحت معه ..

اللي صار معنا أننا رحنا للهيئة ،
وبعدها أخذنا رقم حسابهم ورمينا لهم فيه 500 ريال ،
بعدين جاء الموظف وفحص السيارة..
والله ما فحصها وإنما طابق رقم الشاصيه فقط ،
وبعد كذا أنتظرنا أكثر من ساعة ونصف ،
ثم أعطانا الورقة ،
ومعها خطاب لمدير المرور ..
وهذا الخطاب فيه تأكيد على أن مواصفات السيارة مطابقة للمواصفات اللي هم يبوها ..



الخلاصة من هذا كله ،
إن صاحبك يروح لهيئة المواصفات وتمشي أموره إن شاء الله ،
وإن رفضوا خله يروح لفرع الهيئة بجدة .. ( شارع الصحافة بعد نادي الإتحاد ) ،
صدقني لو معه كامري وعطاهم أوراق ماكسيما ما دروا عنه .


عموما ،
وأنا في جدة كنت أحضر لموضوع بأنزله هنا قريبا ،
مدعما بالصور ،
حلفت أني أشرشحهم وأفضحهم وأخليهم يعرفوا قدرهم زين ،
إن شاء الله الموضوع بتشوفوه قريبا ..
وهو بكل تأكيد يتحدث عن (( هيئة المواصفات والمقاييس ))
.
.
.
.
.
.
.
.
.
.
.
.
.
.
.
سلامو عليكو ..
بأروح أرقد تعبان من السفر .. .[/align]

[HAMODEE]

انا مازيد عن اخوي بويلت شئ الاهل ابوي واخوانه ماشاء الله عليهم ولا واحد يمكن سيارته من السعودية يروحون يقدمون اوراق السيارة لمكان مدري وش اسمه بعدين تدفع فلوس على حسب السيارة بعدين خلاص وبالتوفيق

[عبدالله383]

مرحبا شباب ويعطيكم العافية وآسف على التأخير على الرد

أخوي الصقار مشكور على مشاركتك ويعطيك العافية
بس سيارة صديقي خليجية 100% يعني مش ياباني أو الدركسون مقلوب من يمين لليسار
وانا مع صديقي بنطلع بعد كم يوم ونخلص أمور السيارة
على العموم مشكور على مشاركتك اخوي الصقار


اخوي العزيز Polite أنا بخير وينك ما عاد نشوفك على المسنجر
أنت كيفك
كيف السفرة معك الله يكون بعونك عسى ارتحت شوي
المهم اخوي أنا من سكان الشرقية وما اقدر اطلع لجدة على العموم مشكور على نصيحتك لنا
والمشكله هي اني انا سألت أكثر من واحد وقالو لي ما تمشي إلا إذا كان عندك واسطه

وبصراحة احنا ماجربنا وطلعنا للهيئة المواصفات عشان نشوف تمشي أو لا بس دبرنا لنا
واسطه وان شاء الله تمشي

على العموم اخوي Polite مشكور على مشاركتك وأسمح لنا تعبانك معنا
كان ارتحت شوي وبعدين رديت مش مشكله

وخلنا نشوفك على المسنجر
ويعطيك ألف ألف عافية اخوي وماقصرت
والله يوفقك في موضوعك اللي راح تنزله

الاخ HAMODEE مشكور على مشاركتك
وعلى اهتمامك بالموضوع يعطيك العافية


تحياتي لكم
اخوكم عبدالله
777777
77777
7777

[Polite]

لا تأخذني بأقوال الوشاة ولم :: .. :: أذنب ولو كثرت في الأقاويل