-
عضو جديد
- معدل تقييم المستوى
- 0
الريوس ... مبهذلني
السسلام عليكم ،،
أخواني ،،
في البداية أحب أهنيكم على هالمنتدى الحلو ،، وربي استفدت منه كثيررررر مثلي ومثل غيري من الشباب ،،
أنا عندي مشكلة غريبة شوي ... ويمكن ما فيكم واحد يعاني منها ،،
مشكلتي هي الريوس ،،
سيارتي من السيارات الصغيرة الحجم ... ومع كذا ما أعرف أريوسها مضبوط ،،
وربي تبهذلت ،، تخيلو لو مثلا دخلت نافذ صغير ولقيته مسكر لإصلاحات مثلا أو ما شابه ذالك ،،، راح أضطر أرجع بالريوس طبعا ،،، وشوفوا حالتي شلون بتصير عاد وأنا أرجع ،، أنواع التعريق والإرتباك ،،، أخاف أحك سيارة يميني ولا سيارة يساري أو على الأقل أخاف أضيع الكنترول وما أعرف أضبط السيارة إلين بداية النافذ وأطلع منه ،،
وأحيان أشوف لي موقف مثلا وسط مواقف زحمة وقريب مرة من المحل اللي أنا ودي أنزل فيه ،،، ولكن لأني لازم أصفط فيه بالريوس ... أقول يا ولد رح واصفط لك في موقف بعيييييييييييييد بشكل طولي أحسن لك من الوهقه والفشيله !!
وربي تصرقعت ههههههههه على إن سيارتي من السيارات الصغار إلا إني ما أعرف شلون أريوسها صح ،،
بصراحة أحس إني غبي جدا وأنا أشوف اللي معهم سوابر وباصات شلون يريوسونها وأنا مع التيرسل ما أعرف
سؤالي هو لأهل التفحيط والخبرة في مسك الطارة ،،، <<< إعنبوها طارة (واحد منقهر) هههه
شلون ممكن أكون أحسن واحد يرجع ريوس هههههههه
وربي جد أكلمكم ... ودي أضبط الريوس ولو مرة وحدة في حياتي هههه
يا ليت تعطوني إرشادات ولو بطريقة سريعة ولا عليكم أمر
هاذي مشكلة اللي يتعلم السواقة على كبر
ترا عمري في بداية الأربعين ،، وتعرفون اللي يتعلم سواقه وهو كبير ،،، يوسوس واجد ههههههههههههه
راح تسووون لي خدمة ما أنساها لكم يا شباب ،،
ولكم مني تحية ،،،، الجنط
-
عضو
- معدل تقييم المستوى
- 0
هلا اخوي
محسوبك :خلف
عمره 34سنة بالتمام والكمال ومعي السيارة بس السنة الماضية ..توي مطلع رخصة..ممنوع الضحك
وواجهتني مشاكل عديدة اخس من مشكلتك ...بس نصيحتيلك بما اني قريب منك في العمر ...واترك عنك غالبية اعضاء المنتدى تلراهم لسا تحت 19 سنه يعني مراهقين ..لاأحد يزعل هذي الحقيقة ولا؟؟ انا علرفت كذا من خلال مستوى كتاباتكم عن التفحيط ونزويد السيارة( تخريبها)...عموماً يااخوي انصحط تطلع بالسيارة يومياً الظهرية او الصباح بدري وتروح تريوس في مواقف البنوك تراه احسن تدريب وهكذا حتى تطلع ملك الريوس مثلي
-
-
عضو نشط
- معدل تقييم المستوى
- 41
السلام عليكم
اناا صاحب كابريس طويله ومعروف انها طول اطريقه الي اتعلمت فيها اروح طريق فااضي
واجيب زباالتين بلاسيتك طبعاا واحطهم بطول معين طبعا لايكون وسيع ولااصغير مره واحاول ادخل السياره بينها وااكثر من مره لين تعلمت الحمدلله
والله اني اذا جيت ادخل مكان مزدحم مااياخذ تلبيق السياره ا مني خمس دقاايق الا انا ملبق وخالص
جرب الطريقه وبتدعيلي وتذكر زباله بلاستيك ههههه
خلف والله مااشفت من اعضاء هالمنتدي الا العلم الصح والناضج والله
عن اذنكم
-
أفالـــ للأبد ـــوني
- معدل تقييم المستوى
- 45
صح لسان أخوي مدمن الكابرس
أنا تعلمت بنفس الطريقه قدام بيتنا
والحمد لله كلوا تمام
تحياتي