الكورولا 2016 وصلت و قيرها CVT ... ما هو موقف عشاق تويوتا الآن ؟

[انا وسيارتي]

الكورولا 2016 وصلت وموجودة حالياً عند الوكيل عبداللطيف جميل وقيرها بطريقة الـ CVT

طبعاً معظم عشاق تويوتا كانوا أشد أعداء هذا القير خاصة أن الغريم نيسان اعتمده على كثير من سياراته ..

فهل سيقاطعون محبوبتهم ؟

وهل سينصحون بمنافسين الكورولا مثل الالنترا اللي مازالت تحتفظ بقير تقليدي ؟

شخصياً ما أحب هذا القير ولا أفكر أشتري سيارة تحمله

https://www.toyota.com.sa/vehicles/m...ns/performance

[AR_REEM]

قير CVT هدفه الوحيد توفير الوقود

فــ المشكله مع هالقير إذا توفر على سياره بمحرك قوي !!

الماكسيما والألتيما بمحرك 6 سلندر وبقير CVT هالشيء المفترض مايصير

خصوصا الماكسيما الجديد والجيل السابق كانت بمحرك قوي جدا لكن القير حطم كل شيء

لا أمانع من وجود قير CVT على كرولا او يارس او سنترا او صني او إلنترا أو مازدا 3 لانه سيارات

صغيره للمشاوير داخل البلد وتكون أفضل وأفضل إذا بتوفر بنزين أكثر . من الشركات

اللي أعجبتني سياستها هي هوندا , في الأكورد محرك 4 سلندر تحصل على قير CVT

أما 6 سلندر تكون بقير تبترونيك وهالسياسه جدا ممتازه وتعجبني شخصيا

المشكله إذا كانت السياره بمحرك 6 سلندر وقوه حصانيه ممتازه واخرتها القير يخرب كل شيء تقريبا .

[سكايبر| حروف للكتابه |]

والله بيشترونها وبتشوفهم ينصحون خصوصا بعد ماصار فيه تبترونيك < مدري شفايدته بنسبة ل CVT
لكنه صار موجود

[اوتشيها مادارا]

بووووووووووووووووووووم قذيفة صراحة

يارب يدخلون ويردون

[PC Master]

امس شفت كورولا جديدة عندنا مادري هل هي موديل 2016 او 2017، شكلها من الخلف والامام مختلف

مثل هذي

[اوتشيها مادارا]

قير CVT هدفه الوحيد توفير الوقود

فــ المشكله مع هالقير إذا توفر على سياره بمحرك قوي !!

الماكسيما والألتيما بمحرك 6 سلندر وبقير CVT هالشيء المفترض مايصير

خصوصا الماكسيما الجديد والجيل السابق كانت بمحرك قوي جدا لكن القير حطم كل شيء

لا أمانع من وجود قير CVT على كرولا او يارس او سنترا او صني او إلنترا أو مازدا 3 لانه سيارات

صغيره للمشاوير داخل البلد وتكون أفضل وأفضل إذا بتوفر بنزين أكثر . من الشركات

اللي أعجبتني سياستها هي هوندا , في الأكورد محرك 4 سلندر تحصل على قير CVT

أما 6 سلندر تكون بقير تبترونيك وهالسياسه جدا ممتازه وتعجبني شخصيا

المشكله إذا كانت السياره بمحرك 6 سلندر وقوه حصانيه ممتازه واخرتها القير يخرب كل شيء تقريبا .

فعلا سياسة هوندا جيدة جدا

اللي يبي الاقتصاد بيعطونك CVT واللي يبي القوة يعطونك مكينة وقير للشي هذا

عكس نيسان اللي حاطة محرك قوته 300 على قير CVT زي الماكسيما

[طا رق]

سعر السيارة مبالغ فيه يعني ادفع 72 الف على محرك 1.6 لتر ياليت كذا السعر هذا دخل مع منافسين أفضل من ناحية الحجم والمواصفات.

[m.h14]

راح تشوفون تمجيد لهذا القير وانه من افضل القيور فالعالم

طبعا ليس الكل سيقولون هذا الكلام البعض سيقوله وربما الكثير لان نيسان العدو

في احد المواقع وفي الانستقرام
اشوف ردود الناس عن الالتيما الشكل الجديد والسنترا الشكل الجديد الا هذه الفئه من الناس
صاحب الموضوع حاط صوره للفيس لفت ويجون اهل المنحطين يكتبون
هذا افشل قير فالعالم وهذي السياره خرابات والقير السي في تي مايتحمل ويحتر اذا مشيت (يعني كل اللي يشترون التيما وسنترا يصورون مع سياراتهم فقط هذا اللي فهمته من كلامهم)

ويجيك بعدها يقول الدليل على فشلها دوروها فالشوارع ماتلقونا

بعدها يكتب تعليق ويقول شوفوها ماليه الروش قيورها تخبيط وخرابات

كميه تناقض من هذا الشعب العظيم يعني يبي يقول اللي ف راسه بس اهو الصح والعالم كلها خطا