قناة السيارات
السلام عليكم ورحمة الله وبركاته
لكزسes كاش 2018 185 نص فل .. وكاله ابو جميل
لكزسes نص فل تقسيط 2018 242 ألف او 252 أعتقد .. معها تأمين شامل لمدة 5 سنوات
لكزس es فل كامل بريمي 2017 بـ 179 ألف من معرض بالرياض
لكزس gs نص فل 2017 بـ 185 من معرض بالرياض
يا اخوان الأسعار متقاربه وانا صااارحه احترت ولاني عارف ايش اخذ وكاش ولا اقصد
مع العلم استطيع الددفع لحد 185 كاش ..
سؤال اخير جانبي .. الرادار الي يجي في الفل منه فايده يعني يستاهل اخذ افل ؟؟!
واشكركم مقدمامواضيع قد تعجبك
اكيد كاش بدون تفكير ..
وش لك بالعذاب بالاقساط !!
تبي ترتاح ابعد عنها قدر الامكان
عليكم السلام
خذ اللي تقدر عليه حسب ميزانيتك
ابتعد عن الأقساط تراها كسرة ظهر
الرادار من وسائل الأمان والمساعدة في السياره
السلام عليكم
الاخوان ماقصرو وشخصياً افضل شراءها بنظام التورق حتى لو عندي كاش لان الكاش مايتفرط فيه والفايدة من البنك اقل بكثير جداً من نظام التأجير والسيارة تكون بأسمك
شخصياً الرادار صحيح من وسائل السلامة لكن اغلبها في مكان عرضة للتلف (سفل الصدام وتكلفتة عالية ويفقد نكهة القيادة )
ايش المحركات الموجودة في الفئة الي ذكرها هل هي 2.0 او 2.5 او 3.5
طبعا الافضل كاش :
- لأن السيارة باسمك وتبيعها متى ما بغيت .
- تسافر عليها متى ما بغيت.
- ترتاح من نظام الفوائد والارباح الخيالية.
لكن عندي نقاط (لو كنت مكانك بفكر فيها) وهي راجعة لقرارك الشخصي :
- مبلغ 185 الف كاش تراه مبلغ ضخم.
- تدفع على لكزس ES دفع امامي يعني صراحة ما تستاهل هالمبلغ.
- ترى اللكزس ES يجربون الشكل الجديد والتقنيات الجديدة عليه لذلك أقول ما تستاهل هالمبلغ.
- المبلغ الضخم هذا ترى فيه خيارات عديدة حتى لو تاخذ فئات اكبر.
لكن اذا انت مصر تماما على اللكزس ES وبالمبلغ هذا ..
أشوف مثلا تاخذ الموتر بطريقتين :
- نظام 50/50 يعني تدفع نصفها الحين وبعد سنتين تدفع النصف الثاني.(توني اخذت تاهو نص فل قصير والربح 4 الاف فقط)
- تدفع 120 ألف دفعة مقدمة والباقي (65 ألف ) تأجير منتهي بالتمليك فتصير الارباح قليلة.
نقاط مهمة :
- قبل لا تاخذ اللكزس ..لازم تمر الوكيل لأنه يمكن يسوي خصم والمعارض يبيعون عليك بغالي.(اخذته من الجميح بـ 152 ألف والمعارض النصابين يبيعونه بـ 165 ألف ولا يقولون لأحد ان الوكيل مسوي خصم جامد عليه) وكانوا يبيعون الدفعات القديمة وحذرت الناس بموقع حراج)
- افتح باب السيارة وشوف البليتة ومتى تاريخ الانتاج عشان تعرف السيارة من أي دفعة.
- اذا بتاخذ بريمي ..اشرط على المعرض يعطيك دفتر الضمان مختوم ولا تقبل لا بشهادة منشأ ولا أيمان مغلظة.
- تقدر تدفع 185 ألف كاش ..يعني انك باذن الله تقدر تاخذ فئات أفخم وأجمل حتى لو مبلغ السيارة أعلى..لذلك لو قيمة السيارة مثلا 230 ألف ريال..ادفع 150 ألف دفعة أولى وباقي الاقساط على راحتك.
- ترى التأمين الشامل مو ميزة يقدمها لك المعرض..ترى تدفعها انت من جيبك يعني لا يبيعون كلام تسويقي.
وبالتوفيق يارب.
التعديل الأخير تم بواسطة فارس العمران ; 23-10-2017 الساعة 09:24 AM
المشاركة الأصلية كتبت بواسطة abo3gab
اللكزس ES إللي بتأخذها من أبوجميل بـ 252 ألف تقسيط هي فئة CC موجودة بريمي في المعارض بـ 167 ألف.
الـ ES إللي في المعارض بـ 179 ألف بريمي فئة DD عند أبوجميل بـ 200 ألف بتطلعلك تقسيط بـ 270 ألف ريال
موقع أبوجميل (http://www.lexus.com.sa/AR/Models/ES/Overview.aspx)
طالما معك 185 ألف كاش أفضل خيار (إذا متزوج):
- لكزس GS CC بريمي من المعارض بـ 185 ألف ريال.
- لكزس ES CC بريمي من المعارض بـ 167 ألف ريال.
- جينيسيس G80 نص فل مع صيانة مجانية 5 سنوات.
إذا غير متزوج إحجز 100 ألف ريال مصاريف زواج وبـ 85 ألف عندك خيارات:
- ألتيما فل 4 سلندر.
- كامري GLX.
- أكورد سياحي.
- مازدا 6 سياحي.
مازدا 3 فل.
- أوبتيما فل.
- سوناتا نص فل.
من رأيي التقسيط ع البنوك أنسب وأقل تكلفة بكثير عن الوكاالات
حرام تدفع 70 فايدة اقساط على 180 الف
يعني تقريبًا 38 % فوايد !!
لو تاخذ أسهم من البنك بيكون ربحها أقل
والكاش استثمره ^_^
أما اللكزس
لا تاخذ لا ES ولا GS
السيارات أعمارها طولت الجي اس من 2012 ( عمره 8 سنوات )
والاي اس عمرها 7 سنوات + دفع أمامي
وكلاهما قريبًا بيتغيرون وبتكون موديلات ثورية
من رأيي شوف شركة ثانية مثلا الاي من مرسيدس ( اس مصغرة )
انا انصحك بالخليجي وتاكذ اذا كان فيها رادار لأنه مهم جدا
ولكن تاكد من مسألة الضمان لأني سمعت انها لا تدخل في ضمان عبداللطيف جميل
بالتوفيق انصحك بالكاش طبعا
4اعجابات
رد مع اقتباس