التاهو 2016 يرفع الضغط

[الفارس السابع]

السلام عليكم ورحمة الله وبركاته ..
يا اخوان بعد تجربتي للتاهو 2016 LT دبل مسافة 10000 الاف كيلو ..
في شيء يضايق صراحة .. اللي هو قساوة مساعداته بشكل صار ينرفز
والله تقول هايلكس مو جمس مطبه ثقيل وللعلم منزل ضغط الكفر الى 30 والله اكلت مطب ان الشنط طارت في الشنطة .. المطبات تحس فيها وغير مريح
المهم يبغالنا حلول ..
هل فعلا مساعدات ( LTZ) افضل مع نظام
Magnetic Ride
يعني هل احد جرب ولاحظ ان الفل كامل اريح من ال تي
وهل استطيع
تغيير مساعداتي بمساعدات الفل .. للعلم تم تجربة التاهو من قبل يشهد الله اكثر من شخص اعرفهم وكلهم يشتكون من قساوة مطبه ..
الكفر نوعه ( قوديير ) سألت الوكالة وبحثت في المواقع ... التعليق هو كذا قاسي يقالهم خلوه رياضي ورجونا رج .. يعني الكفر ماله علاقه كان في بعض دفعات 2015 مشكلة في البرجستون وغيروه للقوديير
المهم إن الكفر ماله علاقة ... المشكلة من مساعداته الناشفه ...
هل في مساعدات تكون ذو اداء ناعم وآمنة في القيادة ... وهل مساعدات الفل كامل ناعمة واستطيع تطبيقها على موتري lt

مواضيع قد تعجبك

  سيارة كيا EV9 GT الكهربائية ستتمتع بقوة هائلة,,, ستعرض لأول مرة في يناير 2025

  Chery Jetour Shanhai T1 وT5 هي سيارات الدفع الرباعي الجديدة للطرق الوعرة في الصين

  مازدا 6 الجديدة سيارة سيدان كهربائية ذات دفع خلفي

  تنتمي Subaru Evoltis إلى القائمة المختصرة لسيارات الدفع الرباعي ذات الحجم العائلي

  من معرض قوانغتشو للسيارات 2024 باور شانهاي هي أداء للطرق الوعرة أو بيك آب فاخر

  ظهرت سيارة Chery iCar V23 الكهربائية للطرق الوعرة لأول مرة في الصين

  نيسان تطلق إكس-تريل-2024 إصدار N-TREK في الشرق الأوسط

  خطوة تويوتا التالية: مواجهة فورد مافريك

  تحديثات وتغيرات لهيونداي سانتا كروز 2025 لمزيد من المغامرة

  Baojun Yep Plus جاهز للإطلاق

[يا رب رحمتك]

الكفرات لها دور كبير في قساوه السياره بالذات حتى لو تشوف تاريخها عندك اعتقد انها قديمه في بدايه 2015
و المساعدات نفس الكلام

المساعدات ما انصحك تركب حقت الفل كامل لان تحتاج تشتري ماطور سعره ما يقل عن 4500 و المساعد الواحد سعره حول 1400
فيه مساعدات مع يايات رائعه من شركه اسمها كنق رانش اسعارهم غاليه
لكن مساعدات ممتازه تنفع في جميع الاستخدامات و تقدر تتحكم في ارتفاعها و قساوتها اعتقد
هذا موقعهم
http://www.kingshocks.com/category/k...ducts/springs/

اما شركات ثانيه
فيه
بلستين
مونرو
وتقدر تزيد الراحه بتغيير اليايات

فالك التوفيق

[AR_REEM]

وعليكم السلام ورحمة الله وبركاته

العضو " يارب رحمتك " ماقصر وخبرته مع التاهو طويله

لكن أحب أقولك أن الكفرات لها دور ومن تجربه للجيل السابق وتحديد موديل 2011

بعد تغيير الكفرات إلى نوع هانكوك ومعروف بليونته الجيده السياره صارت أنعم بفرق ملحوظ

ولاتنسى أن الجيل الجديد تغير مقاس الجنوط من 17 إلى 18 !! ومعروف أنه كل ما كبر مقاس الجنط تزيد القساوه .

[Laramie]

أساس المشكلة
خربيط التقنية الألمانيه
بالتسعينات يوم الناس تجرب الالماني يقلك ثبات ورساوة وانعطافات
وهي كلها سيارات سيدان بتعليق رياضي او Set up قاسي يعطيك رساوة على حساب الراحه المفترض تواجدها بأي سيارة غير رياضيه


مع مرور الوقت ارتبط بذهن المستهلك ان الالماني ارسى واكثر أمان, والواقع تعليق رياضي خربوطي اقترن مع التقنية الامانيه الخربوطيه, وتسبب بزيادة المبيعات على حساب المنتجات
الثانية

واليوم شوف عينك
الشركات صارت تقط تعليق قاسي
واعداد رياضي على كل السيارات حتى العائلية الكبيرة

عشان يوفر الثبات والرساة الخروطيه

ويمكن اذا اخذت التاهو الحلبة تجيب لفة بثانيه اسرع من تاهو مريح جدا بتعليق يناسب طبيعة السيارة

[اوتشيها مادارا]

أساس المشكلة
خربيط التقنية الألمانيه
بالتسعينات يوم الناس تجرب الالماني يقلك ثبات ورساوة وانعطافات
وهي كلها سيارات سيدان بتعليق رياضي او Set up قاسي يعطيك رساوة على حساب الراحه المفترض تواجدها بأي سيارة غير رياضيه


مع مرور الوقت ارتبط بذهن المستهلك ان الالماني ارسى واكثر أمان, والواقع تعليق رياضي خربوطي اقترن مع التقنية الامانيه الخربوطيه, وتسبب بزيادة المبيعات على حساب المنتجات
الثانية

واليوم شوف عينك
بسبب غباء المستهلك
الشركات صارت تقط تعليق قاسي
واعداد رياضي على كل السيارات حتى العائلية الكبيرة

عشان يوفر الثبات والرساة الخروطيه

ويمكن اذا اخذت التاهو الحلبة تجيب لفة بثانيه اسرع من تاهو مريح جدا بتعليق يناسب طبيعة السيارة

على اساس ان التعليق القاسي الرياضي ما يعطي نتيجة

عموما الرجال تكلم عن سيارة امريكية وش دخل التقنية الالمانية في الموضوع ؟
.

[Laramie]

على اساس ان التعليق القاسي الرياضي ما يعطي نتيجة

عموما الرجال تكلم عن سيارة امريكية وش دخل التقنية الالمانية في الموضوع ؟
.

هي أساس المشكلة
وش الفايدة من سيدان فاره بجنط 21 وتعليق قاسي

اذا ابي تعليق رياضي اخذ سيارة رياضية

ليه تحط تعليق رياضي بسيدان او جمس او ترك او الخ

جربت الكيو 7 الجديد
نفس المشكله
كأنك تسوق سيارة رياضيه تعليق قاسي
كفر بروافيل نحيف
جنط 21
ولا فيه اي فايده على مستوى الراحه او العزل المفترض يكون افضل لسيارة مخصصة للعائلة والاوفرود الخفيف

قمة الهبالة

[CAPRICE 4 LIFE]

هذي راجعه لسببين :

الاول نوع المساعدات ، مساعدات الدبل الخليجي " رينشو " مصممه للطرق الوعره تميزها "حمراء اللون "

نوع الكفرات : ALL-TERRIAN قوديير حقت بر بعد

الحل :

المساعدات : غير مساعدات للمساعدات الي بدون دبل تلقاه "سوداء" ، دور بالتشاليح وخذ مساعدات واحد بدون دبل ، او استخدام امريكي بدبل ، بس مايكون التاهو Z71

الكفرات : شف يوكن او تاهو بدون دبل ، تلقى كفراته ALL-SEASON ، نوع بيرجستون ، غيرها لنفس النوع ..

المنافع : 1- مركبه اريح

2- انشط خط

الاضرار :

1- بالبر يصير الين بكثير ، بحيث تنزل وجهيته كثير ، وتضرب بالارض مع البطانيج

2- فرصة غرازه تزيد مع المساعدات العاديه

3- نظام النزول من المرفعات قد لايعمل بالشكل المطلوب لانه مبرمج على المساعد القديم ...

بالنسبه للمقناتيك رايد هي افضل خيار لاكنها مركبها ماهي مريح مثل مركب الي بدون دبل ، وتحتاج الى مخارج كهرب وفيوز فهي ماتركب عليك ، وعلى فكره هي غاااااليه الطقم ب 9200 ريال بامريكا ، شف جشع لوكيل كم يكون

[salehhd]

السلام عليكم

الاخوان ماقصرو
بعض الاطارات فعلاً مطبها قاسي خاصة اذا كانت قديمة او مصممة للضروف الباردة