ارغب بتركيب سبير علاق للسيكويا 2016

[الجوكار]

السلام عليكم ورحمه الله وبركاته

لدي استفسار وامل المعونه منكم لمن يملك المعلومه

اشتريت سياره وابي اخصصها للبر وهي سيكويا 2016

المهم تانكي البنزين جدا متعبني وارغب بتركيب اخر مكان الاستبنه يكون اضافي وابي احط الاسبير يكون علاق مثل الاندكروزر رحت سألت لقيت القطعه متوفره بالتشليح او حتى بالغرابي ب700 ريال

المشكله بتركيبها لفيت الصناعيه القديمه لاشهر الورش مثل المواهب والمتميز وغيرهم وكلهم اعتذرو من التركيب واخيرا لقيت بن مرضاح فقط قال بيركبها وبيدبل الرفرف بحيث يستحمل وكذلك الباب الخلفي وبيكلف على الاقل 7000 ريال

فهل احد جرب ترهيم مثل هذا النوع او يعرف ورشه تسويه وتركبه ويكون شغلها احترافي
وشكرا جزيلا

[عاشق دايو]

نصيحة لوجه الله لا تعدل في جسم السيارة أبحث عن دعامية صب أو حديد جاهزة من مصنع فيها مكان للأسبير للسيارة

أذا ماحصلت ركب مدعمية صب خلفية أصنع لها قاعدة للأسبير ...

بهذي طريقة تكون شكلها مرتب و شغل نظيف بعيد عن بدي الأساسي للسيارة

في أسباب منها الحوادث لأن أي ضربة في أطار راح تكون في صدام ...أما أذا كان الأسبير في بدي سيارة راح تتعور سيارتك .

بعدين في مستقبل تقدر ترجعها وكالة عسب تبيعها لأنك ما خربت شيء في سيارة و الأهم الصبغ وكالة لا تلمسه لأن من تعدل فيه مايرجع مثل أول

حتى تكلفه راح تكون أقل دعامية بين 3000 إلى 5000 ألف + 1000 درهم قاعدة للأسبير

[أبـوأسـد]

اتمنى تذكيرك بأن أغلب حوادث الحريق في التعديلات كانت من العبث بالكهرباء وتركيب تنكي بنزين اضافي

نصيحة لا تغير شيء علشان ماتقلل مستوى سلامة السيارة والركاب

بتركب اسبير علشان شغلة بر شيء راجع لك لكن ما انصحك بالتفكير بتركيب تنكي اضافي

بأمكانك تتبع طريقة القيادة الهادئة وهي أنك ماتخلي عزم السيارة يتعدى 2000 دورة بالدقيقة إلا في حالات الطوارئ فقط وراح تلاحظ فرق الصرفية

للمعلومية على ضغط 2000 RPM يمديك تجيب سرعة 120 كيلومتر/ساعة في أغلب السيارات

[باوزير]

ممكن تركب السبير على التندة

[XAbdulelah]

سيكويا للبر

[الجوكار]

نصيحة لوجه الله لا تعدل في جسم السيارة أبحث عن دعامية صب أو حديد جاهزة من مصنع فيها مكان للأسبير للسيارة

أذا ماحصلت ركب مدعمية صب خلفية أصنع لها قاعدة للأسبير ...

بهذي طريقة تكون شكلها مرتب و شغل نظيف بعيد عن بدي الأساسي للسيارة

في أسباب منها الحوادث لأن أي ضربة في أطار راح تكون في صدام ...أما أذا كان الأسبير في بدي سيارة راح تتعور سيارتك .

بعدين في مستقبل تقدر ترجعها وكالة عسب تبيعها لأنك ما خربت شيء في سيارة و الأهم الصبغ وكالة لا تلمسه لأن من تعدل فيه مايرجع مثل أول

حتى تكلفه راح تكون أقل دعامية بين 3000 إلى 5000 ألف + 1000 درهم قاعدة للأسبير

جميل ممكن فرق اللهجه ماوضحت لي بعض الامور ممكن تدعمها بالصور
لان الصدام الخلفي حسب مافهمتك صعب تحمل عليه كفر بالذات اذا جيت بفتح الباب

اتمنى تذكيرك بأن أغلب حوادث الحريق في التعديلات كانت من العبث بالكهرباء وتركيب تنكي بنزين اضافي

نصيحة لا تغير شيء علشان ماتقلل مستوى سلامة السيارة والركاب

بتركب اسبير علشان شغلة بر شيء راجع لك لكن ما انصحك بالتفكير بتركيب تنكي اضافي

اخوي ابوسد لازم تانكي اضافي تانكي السياره ضعيف جدا والصرفيه عاليه ومايجمل

[الجوكار]

ممكن تركب السبير على التندة

فكره التنده حاليا افكر فيها اذا مالقيت شي مناسب او تركيب علاق خلفي

سيكويا للبر

نعم سيكويا للبر
قرار يعتبر الانسب بالنسبه لي
وبعد فتره بنزل تقرير عن السياره واسباب الاختيار

[يا رب رحمتك]

اخوي السيكويا ثقيل شوي ..وكثييير شفت منه اللي يعلق في البر ..

وكذالك تقول بتركب محل الاستبنه تانكي ...
مابين الاستبنه و الشكمان الا 15 سم او اقل ....الحراره ممكن تسبب انفجار التانكي .
اما الاستبنه ثبتها على التنده ..
وفيه ناس تفصل قاعده تركب على مدخل القلص ..


..