السلام عليكم ورحمة الله وبركاته أخواني الكرام
أسعد الله أوقاتكم بكل خير
عندي مشكلة بالموتر جراند شيروكي 6 سلندر موديل 2005 عبارة عن
انا من 6 أشهر يمكن او اكثر موضب الماكينة والحمد لله كانت ممتازة جدا طوال فتره الصيف وحرارته
لكن قبل شهر يمكن حسيت ان الحراره تزيد شوي عند الوقوف فتره لكن اذا مشيت ترجع تاني لطبيعتها
فحصت الموتور واذ بي الاقي على غطاء الزيت الخاص بالماكينة زي تبخير ماء على اسفل الغطاء ودخنه خفيفه بيضاء واظاهر هذا التبخير يختلط مع بخار الزيت ويسبب اللون الطحيني او الحليبي داخل فتحة تعبئة الزيت الخاص بالماكينة
وقفت السيارة من يومها لأني خفت يكون بداية خلل في الروس او وجه الماكينة
وكل فتره اطلع الموتر استخدمه مشوار بسيط بس واشوف ان ما في اي مشكلة في العزم او الممشى وحتى الحراره الحين يمكن عشان الجو بارد ما ترتفع حتى وهو واقف لكن دعست مره بها اول الشتاء ل 160 يمكن ولما وقفت لقيت الحراره طلعت لثلاث اربع المؤشر وطفيتها لين ارتاحت ومشيت
الحين ماني فاهم وش المشكلة وانا عشان بشمال المملكة ما في احد فاهم بالشيروكي
انا شايف الزيت نظيف ما هو مخلط
والماء نظيف
الماء ما ينقص ولا الزيت ينقص الا بالشكل الطبيعي لأنها موديل 2005 وخايف امشي عليها عشان ما اجيب العيد وماني مستعد لتوضيب ثاني او ماكينة الان
اطلعت على النت ومواضيع حول الامر لقيت اللي يقول وجه ماكينة واللي يقول جلد صوفة الماكينة والبعض يقول ضعف شنبر والبعض يقول ثلاجة ومانا عارف ايش بالظبط . وللأسف الميكانيكيا هنا ما يفهمون شسء والله والا كنت وديتها عليهم ..
اخر واحد منهم واللي كان موضب الماكينة قالي ممكن تنسيم بسيط في وجه الماكينة ونصحني يجيب سائل من الكويت يوضع في الرديتر واذا في تنسيم بيسكر هذا التنسيم وفعلا بلغته يجيبه وبكره بركبه واشوف الوضع
ابي مشورتكم وفزعتكم برأيكم .. اذا احد مر عليه مثل هالموضوع يفيدني وش كان في عنده