قناة السيارات
السلام عليكم جميعا ،،،
مريت العيسى وكيل نيسان بالرياض قبل كم يوم اسأل عن الباترول قال مسوين عرض عليه ضمان 5 سنوات مفتوح ( العرض للشهر هذا فقط على كلامه) ... صراحه الضمان هذا مغري.
سألته عن اسعار الصيانه قال ماعندي ارقام بس انخفضت عن اسعار الحمراني 50% سواء للصيانة اوقطع الغيار ... ولا عندهم برامج صيانه تقدر تشتريها.
صراحه ودي بالباترول اللي يعادل GXR 8 قال يجي مخمل / بدون شاشة/ كاميرا خلفية / حساسات / باب خلفي كهربائي ... حول 205 الف
وش رايكم ... وما خاب من استشار
اخوي فيهـ في موقع سعودي سيل او حراج
نفس المواصفات 320 حصان بـ 180 الفـ فقطـ !!
طبعا اصفار تأكد يمكن يكون وكيلهـ العيسى او خليجي و تخليهـ يشمل ضمان العيسى و توفر 25 الفـ
موفق
الباترول مركب عز
توكل على الله اخينا
جزاك الله خير يخوي ... بصراحه هذي مدري عنها .. برجع للعيسى واسألهم لو شريت باترول من المعارض يشمله الضمان او لا .... مدري احس مايشمله لان العيسى تقل مسويه علشان الواحد يشري منم .. بس مايمنع السؤالالمشاركة الأصلية كتبت بواسطة bngo11
رد يبشر بالخير ... جزاك الله خير
اشوفه افضل من اللاندكروز لسببين
كل شي شد بلد + داخلية جدا راقية ومميزة
^
افضل وبمراحل ضوئيه
من الظلم للباترول انه يقارن مع VX_R وال GX_R يكفي داخليته المريحه للعين والمجهزه باحسن التكنلوجيا ومكينته القويه المشهود لها من الكثير .. ولا ننسى كذلك اعتمادية نيسان الكبيره .. اضافه الى تاريخ السيارة المجيد الى يومنا هذا ..
باختصار ،،، سيارة ظلمها الوكيل مثل بعض السيارات الاخرى الجميله ولكن وئدها الوكالات الفاشله ..
خذ اخي الكريم ولا تشاور
الله يعطيك خيره ويكفيك شره ،،
حط في بالك ان الباترول الجديد مهوب في قدرة تحمل اللاندكروزر
يعني حق كشخه ورزه
يمكن يكون افضل من الاند مثلا في العزل والراحه والهدوء
لكن مستحيل يكون مثل تحمل اللاند
لأن اللاند سياره اسطوره في الكرف والتحمل
رد مع اقتباس