مشكله في سيارتي لينكلون تون كار 2007 طلعت عيني والله

[mobi989]

السلام عليكم ورحمة الله وبركاته

اخواني انا شريت سيارة لينكلون موديل 2007 وارد امريكي وفيه مشكله والله حيرتني وديتها كذا كهربائي ولا عرف لها

الله يخليكم الي يعرف الحل يساعدني

سيارتي تجيها حاله اوقات زرق اقفال الباب يتوقف ولمن افتح ابواب السيارة تتوقف والريموت يتوقف وازرار الباب تتوقف وتحريك الكرسي يتوقف وتحريك المرايات الاماميه يتوقف كذا فجأه كل ذولا يتوقفون بلحظة وبعدها ترجع طبيعي ثم ترجع المشكله

وديتها كهربائي يشيك على الفيوزات الي تحت الطبلون من عند السايق ويشوفها سليمه ولا يدري شنو فيها

والمشكله ذي ماتطلع بالكمبيوتر وانا مدري شسالفه اتوقع هالخل من فيوز او شي واحد يربط كل ذولا مع بعض بس وينه وشلون احلها الله يخليكم

[President1]

شيك عالبطاريه

[Made for ksa]

مثل ما قال الشيخ .. شيك على البطارية ممكن على وشك وبحاجة للتبديل .. وإذا ما تغير شي .. أنصحك توديها للوكالة .. أهم شي يضبطونها لك .. أفضل من أن يتعلمون عليها أصحاب الورش

[M~أمير بكلمتي~M]

وعليكم السلام ورحمة الله

يوجد نظام في الفورد لحماية كهرب السيارة وهو عند الضغط على الازرة مجتمعة بشكل مطول تفصل لثواني معدودة وتعود للعمل

وولها كتاوت خاصة تأكد انها ثابته وسليمة لأنه قد تكون تسخن وتفصل , اضافة الى ماذكروه الأخوه

من سلامة البطارية واصابع البطارية

أخوكـ

[mobi989]

غيـــرت البطارية وركبت صبع جديد ولا في فايده نفس الحاله

[عبدالعزيز 8]

هذا من واحد من الكتاوت ويجب تغييره
اقراء خلف علبة الفيوز راح تلقى تعليمات عن كل فيوز وكتاوت موجود في علبة الفيوز
وهي علبتين واحده اسفل الدركسون والثانيه بجوار البطاريه

وهذي صوره للكتاوت


بالتوفيق

[xsamir1]

أخي أعتقد أنك فحصت بالكمبيوتر من نوع Tech2


وهذا للأسف مايطلع المشاكل في التمديدات الكهربائية أو الفصلات الكهربائية
ولكن أنصحك بفحص كمبيوتر شامل أثناء سير السيارة على الطريق وحينها سوف تعرف الخلل ، أما بالنسبة للعطل المتوقع هو أن تكون الكهرباء الصادرة من الدينمو أقل أو أكثر من 14.1 فولت

[mobi989]

اخواني الافاضل اشكركم على ردودكم انا حست بالفيوز الي تحت وشفت فيوز مسؤل عن هالانوار هذي والضجة وراه مكتوب 15 لمن رجعت على وضعها الطبيعي والانوار شغاله اوكي جلست اشيل بكل فيوز ليما وصلت حق الفيوز المنشود وسحبتته وطفت الانوار ورجعته واشتغلت امنت بالله قلت اروح اشتري فيوز وشريت فيوز جديد وركبته ونفس الشي رجعت الحاله طفت كل الانوار

والصباح رجعت من جديد ولا كن فيه شي

والحين طفو ورجعت زي سابق عهدها يعني والحل مع هالسيارة ؟؟؟؟