تكفوووون ابي الزجاج الخلفي ليوكن 2005

[gulf_sun]

السلام عليكم ياأخوان
تكفون انا عندي سياره يوكن 2005 انكسرت الزجاجه الخلفيه لها الله يصلح من كان السبب
وابي اغيرها
وين احصلها وكم سعرها وهل تركيبها صعب
انا من اهل الخبر-الدمام
ولكم كل الشكر والتقدير وكلي امل ان أحصل على الاجابه منكم ياأخوان

[bngo11]

ما لقيت بمحلات القزاز ؟؟.

[gulf_sun]

مادورت لحد الان اخاف يقوم النصب من ابو يمن ويقومون يتعلمون في السياره

[safwanet]

وعليكم السلام
هلا أخي
في السعودية - الدمام شارع الملك سعود
في السعودية - الدمام الخضرية
في محلات واجد متخصصة في تركيب جميع أنواع زجاج السيارات.
تركيبها صعب وخطير للأصحاب غير المعرفة ((غير المتخصصين)) وسهل لأصحاب المعرفة ((المتخصصين)) ، ويتراوح سعرها من 100 ريال سعودي إلى 400 ريال سعودي.
اللهم أني أفدتك أخوي.

[gulf_sun]

safwanet
وين 100 ريال وين 400 ريال ..........فديتك خبرك عتيق
امس ماخليت محل بالتشاليح بالدمام وشارع الملك سعود
حصلتها بالتشاليح 1200 ريال من دون تركيب
وحصلتها في محلات الزجاج على 1700 ريال مع التركيب مع ان تركيبها مايبيله شي كلها ببراغي وجاهزه والحمد لله ركبت وحده جديده والله يعوض علينا ان شاء الله

أنا يوم شفت طاري 100 و400 ريال حسيت انه مبلوف علي لكن اللي يشفع لي اني ما خليت محل الا مادرت فيه ولكن كل هذا ببركت التجار او بالاحرى الاجانب اللي لاعبين في السوق......