قناة السيارات
السلام عليكم
أولا أحيي الجميع في هذا المنتدى الرائع
ثانيا عندي سؤال أتمنى ألقى له اجابة عندكم
عندي سيارة جمس فان سفاري موديل 96 وحاب أركب لها بطارية إضافية بس المشكلة المكان ضيق
ياليت تفيدونا هل في طريقة تتركب في اي مكان حتى لو تحت السيارة
وياليت لو أحد يعرف محل جيد في الشرقية يقدر يرهم للبطارية محل ويعمل تركيب للبطارية الثانية مع المنظم
تمنياتي للجميع
هذي صور تشبه السيارة اللي عندي للتوضيح
وين اهل الشرقية؟؟
الظاهر راح انزل الخضرية وندور على الطبيعة
نعم اخوي يمديك حتى يمديك تغير مكان البطارية لاكن يبالك كهربائي محترف
افتكر شفت هالموضوع بخصوص سيارتي لان مكان البطارية في سيارتي جمب الكفر وصعب فكها او لمن تشيك عليها والله تحوس الدنيا وتفك وتركب ولقيت لها ترهيم بالشنطة بمنتدى اجنبي
المهم دورلك على كهربائي شاطر وترا مافي شي مستحيلمعليه مالي علم بالشرقية
الاخ عماد أحمد
الله يجزيك كل خير وبالفعل مثل ماتفضلت يبيلها كهربائي شاطر وان شاء الله نحصله
اخوي تقدر تركب البطارية بنفسك تحتاج جهاز battary isolater و هذا موجود بمحل رفيق الدرب بالدمام و تركيبه سهل جداً، انا مركب بطارية إضافيه في الشنطة بنفسي و ساحب اسلاك من البطارية الاساسية للبطارية المضافة و الجهاز عملي و سعره 250 ريال و ادخل على موقع رفيق الدرب على الانترنت و استعرض منتجاتها تجد بينها الجهاز اللي قلت لك عليه
الاخ evilz الله يجزيك خير
بالنسبة لجهاز رفيق الدرب فأعرفه وبركبه ان شاء الله وهو جهاز يستاهل قيمته بصراحة وكثير من الاخوة ينصحون فيه
لكن المشكلة عندي في المكان وين أحط المنظم والبطارية الثانية لان الفان ماله شنطة؟
وأعجبني صراحة انجازك لأمورك بنفسك تمنياتي لك بالتوفيق
رد مع اقتباس